Johan sodor 3:18 - সান্তালী বাইবেল

¹⁸ Onate noa solhań emam kana, am do iń ṭhen khon seṅgelre rapakʼakʼ khạṭi sona kirińjoṅme, jemonem kisạ̃ṛ daṛeakʼ. Iń ṭhen khon ponḍ kicricʼ kirińkate horogme jemon onem uluṅ akan reakʼ lajaotetʼ alo ńelokʼtam. Iń ṭhen khon mẽtʼre lagao lạgitʼ aenom kirińjoṅme, jemonem ńeńel.

Santali Common Language New Testament

¹⁸ Onate noa solhań emam kana, am do iń ṭhen khon seṅgelre rapakʼakʼ khạṭi sona kirińjoṅme, jemonem kisạ̃ṛ daṛeakʼ. Iń ṭhen khon ponḍ kicricʼ kirińkate horogme jemon onem uluṅ akan reakʼ lajaotetʼ alo ńelokʼtam. Iń ṭhen khon mẽtʼre lagao lạgitʼ aenom kirińjoṅme, jemonem ńeńel.

Johan sodor 3:18 Referans Kwoze

Johan sodor 16:15

Jisui meneda, “Ńelme, iń do kombṛo lekań hijukʼa. Bhạgangeae uni hoṛ, one okoe do jagware tahenkan ar acʼakʼ kicricʼkoe jogao dohoyetʼ, jemon laṅgaṭ alaoe dãṛãn ar hoṛko hõ uniyakʼ lajaotetʼ aloko ńeltae.”

1 Patras 1:7

Noako biḍạu do hijukʼgea jemon apeakʼ biswạs khạṭi mente sạbudokʼtape, ar onate Jisu Mạsiye sodorokʼre ape do sarhao, ṭhonok ar manotpe ńama. Okaṭakʼ sona do heṛ idikʼ ona hõ seṅgelre khạṭi ocoy hoyokʼa; menkhan apeakʼ biswạs reakʼ dam do ona sona khon hõ artetʼ sorosgea.

Jesaea 55:1

Probhu Isore meneda, “E tetaṅetʼpe hoṛko, dakʼ ṭhen dela hijukʼpe; okoeyakʼ ṭaka poesa bạnukʼtae, uni doe hijukʼma ar kirińkateye ńũiyma. Dela hijukʼpe, darkha rasa ar toa kirińjoṅpe, bin ṭaka poesatege ar bin damtege.

Johan sodor 19:8

Uni do jhalkaokʼkan, sapha ar mĩhĩ musnạ kicricʼ bandekʼ lạgitʼ emakawadea. Ona kicricʼ do Isorren hoṛkoakʼ dhorom kạmiko kana.”

Malaki 3:3

Rupạ gakʼlaoicʼ hoṛ leka uni doe hijukʼa. Uni do Liwikoe saphakoa ar sona-rupạ lekae khạṭikoa. Ona tayom onko do dhorom reakʼ monte Probhu Isor ńutumte samaṅokʼakʼ porobko porobokʼa.

Johan sodor 7:13

Unre mitʼṭen murubbi doe metadińạ, “Ponḍ kicricʼ horokʼakatʼ noko hoṛ doko okoe kana? Ar oka khonko hecʼakana?”

Mathae 13:44

“Serma raj do goḍare topa oko akatʼ dhon lekana. Mitʼ hoṛ do ona ńamkate arhõe oko dohokada. Inạ tayom uni do rạskạ monteye calaoena ar acʼakʼ oka tahẽkantae ona joto ạkhrińkate ona goḍae kirińkeda.

Daniel 12:2

Ar unre dhạrti reakʼ otreko jạpitʼ akatʼ alekha hoṛ doko ebhenokʼa; ar adomko do jaejug jiwetʼ tahen lạgitʼko beretʼa, arhõ adomko doko beretʼa lajao ar jaejug hirkhạwanko hoyokʼ lạgitʼ.

Sereńko 32:8

Iń Probhu Isorge bud ar akeliń ema ma ar okaṭakʼ horte calakʼ hoyokʼtam onań udukʼama; ariń beṅgetʼama ariń solhawama.

Jakob 2:5

E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛede kan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiyạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

Mikạ 1:11

E Saphirre tahenkan hoṛko, ape do uluṅ ar lajaokʼpe baṛe. Ar okoe Saananreko girobasokʼ kan onko do bako oḍok hecʼdaṛeakʼa. Beth-ethsol doe homor halaṅetʼkana; uni do ape secʼ bae teṅgona.

Sereńko 73:24

Amakʼ solhateyem calaoińạ ar sesre amakʼ ṭhonokreyem ataṅińạ.

Johan sodor 3:17

Am dom meneda, kisạ̃ṛgeạń; ar maraṅ hoṛiń hoyakana, onate ińakʼ do cetʼ reakʼ reṅgecʼ hõ bạnukʼtińạ. Bogegea, menkhan bam baḍaea je, am dom reṅgecʼgea, kãṛãgea arem laṅgaṭgea mente.

Johan sodor 2:9

Amakʼ kosṭo ar reṅgecʼ reakʼ kathań baḍaegea, menkhan enhõ am dom kisạ̃ṛgea. Apnarte Jihudiko ńumugokʼkan, menkhan Jihudiko baṅkan, bickom Soetanakʼ dolren kanko, onko do am upạrte okako roṛetʼkan ona doń baḍaegea.

2 Korinthiko 8:9

Ape do aboren Probhu Jisu Mạsiyakʼ daya dan reakʼ kathape baḍaegea, uni do apnartetʼe kisạ̃ṛgere hõ ape khạtirteye reṅgecʼena, jemon uniyakʼ reṅgejokʼ hotete apepe kisạ̃ṛ daṛeakʼ.

Jesaea 47:3

Amakʼ uluṅ do oṭagokʼa ar lajao do ńel ńamokʼtama. Iń doń hala hạlia, okoeyakʼ nehõr hõ bạń ańjoma.”

Kạhtukko 23:23

Sạriyakʼ kirińme ar ona do alom ạkhrińa; Hẽ, ạkil, sikhạuna ar buj baṛe kiriń joṅme.

2 Korinthiko 5:3

ente noa katha do sạrikana je, ona hoṛmo bon ńamle khan laṅgaṭ do ar babon tahena.

Luk 12:21

Ado mucạtʼre Jisui menkeda, “Okoe hoṛ apnar lạgitʼ dhone jarwae ar Isor samaṅre kisạ̃ṛicʼe baṅkan, enḍekhan uniyakʼ dosa hõ onkage hoyokʼtaea.”

Nạhum 3:5

Phạdkoren Probhu Isore meneda, “E Niniwi, iń do am upạrteń teṅgo akana; amakʼ mẽtʼãhã hạbicʼ kicricʼ iń rakabtama. Amakʼ uluṅ do jạt jạtrenkoń ńel ocokoa ar rajosṭiren do amakʼ lajaoakʼtetʼge.

Mathae 25:9

Unre budan kuṛikoko roṛ ruạṛkeda, ‘bale emokʼa, ente oka menakʼtale onate ape ar ale lạgitʼ do ohoge kulạulena. Ape do boroṅ ạkhrińko ṭhen senkate kiriń ạgujoṅpe.’

Jirimiạ 13:26

Amakʼ kicricʼ do mẽtʼãhã hạbicʼ iń rakabtama jemon amakʼ lajaoteakʼ ńelokʼtam.

Sosolhayic̕ 8:2

Ińakʼ sopolha do niạge, rajakʼ hukum bataotaeme, ente am do Isor samaṅre onagem kiriạ akana.

Kạhtukko 19:20

Solha moneyakʼme, ar ḍanṭao manaome; tayomte am do ạkilanicʼ em hoyokʼa.

Kạhtukko 1:30

Ona iạte onko do ińakʼ solha hõ bako ataṅleda, samka sạṭikʼ lạgitʼ okań menletʼ ona do jaṅgateko lebetʼ gańjaokeda;

Kạhtukko 1:25

Ape do ińakʼ hukumkoge bape hetawatʼa, doskoń udukʼatʼpere hõ bape aṅgocleda,

Sereńko 107:11

ente onko do Isorakʼ katha upạrteko huletʼkan tahẽkana, ar maraṅ Isorakʼ hukumko nindạuetʼ tahẽkana.

Sereńko 16:7

Iń do Probhu Isoriń sarhaoea uni do bhage solhae imạńkana; ar ńindạ jokhecʼ ińakʼ ontor hõe sikhạuedeń kana.

1Timothi 6:18

Kisạ̃ṛko hukumakome onko do eṭakʼ hoṛ jemonko bhạlạiko, ar bhage kạmikoreko kisạ̃ṛokʼ, ar em hạṭińko ar mãyã monanko hoyokʼ.

Johan sodor 4:4

Ona siṅghạson reakʼ beṛhaete arhõ bargel pon siṅghạson tahẽkana, ar ona siṅghạsonkore do bargel pon murubbiko duṛupʼakan tahẽkana. Onkoakʼ kicricʼko do ponḍge tahẽkana ar bohokʼre do sona reakʼ mukuṭ tahẽkantakoa.