Johan sodor 3:15 - সান্তালী বাইবেল

¹⁵ Am do reaṛ hõ bam reaṛa ar lolo hõ bam loloa. Am do reaṛ se lolom hoylen khan honaṅ boge hoykokʼa!

Santali Common Language New Testament

¹⁵ Am do reaṛ hõ bam reaṛa ar lolo hõ bam loloa. Am do reaṛ se lolom hoelen khan honaṅ boge hoekokʼa!

Johan sodor 3:15 Referans Kwoze

Romiko lạgitʼ Pạul Apostolakʼ ciṭhi 12:11

Probhu Isor secʼ jao ghuṛi apeakʼ mon ahkaokʼtape ma. Apeakʼ ontor do bhoktite perecʼ tahen ma. Ar Probhu Isorakʼ kạmire lạgiyạ paṛao akan tahenpe.

Mathae 6:24

“Okoe hõ barea kisạ̃ṛ ṭhen guti do ohoe khaṭao daṛelena, ente mitʼ hoṛe dulạṛea ar eṭagicʼ doe kurudaea. Mitʼ hoṛakʼe ańjomtaea ar eṭagicʼ doe neṅghaoea. Isor ṭhen ar dhon ṭhen guti do ohogepe khaṭao daṛelena.

Jakob 1:8

Uni doe bar monan hoṛkana ar joto kạmirege bae ṭarhaokʼa.

1 Rapajko 18:21

Eliạ do hoṛko samaṅre senkateye menkeda, “Ar tinạkʼ din barea lạukạre lebetʼ akanpe tahena? Probhu doe Isorkan khan unige sewawaepe, ar Bakʼalgeye Isorkan khan enḍekhan unige sewawaepe.” Menkhan hoṛko do cetʼge bako roṛ ruạṛleda.

Johan sodor 2:4

Enrehõ am upạrte noa katha roṛteakʼ menakʼtińạ, ente lahate iń lạgitʼ cetʼ leka dulạṛ tahẽkan tam ona dom atʼakada.

Mathae 24:12

Ar bedhoromge ḍherokʼte ḍher hoṛkoakʼ dulạṛ do reaṛokʼtakoa.

Kạhtukko 23:26

E bạbu, ińakʼ cecetʼakʼ baṛe moneyakʼme; jemon ińakʼ jion ńeltem rạskạkʼ.

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onatege biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.

Philipiko lạgitʼ Pạul apostolakʼ ciṭhi 1:9

Iń do noageń koejoṅ kana apeakʼ dulạṛ do jemon ạkil ar bud salakʼ hara idikʼtape.

2 Korinthiko 12:20

Botorokʼ kạnạń, ape ṭheniń hijukʼre ińiń monejoṅ leka hoedaṛeakʼa bạń ńampea ar ape hõ cetʼleka ńeleńpe menjoṅkan onka do bape ńameńa. Ente botorokʼ kạnạń, reṭha reṭhi, hiskạ, raṅgao, torpha-turphi, okta, cugli, phulạukʼ gulmalge pasecʼ apere ńamokʼ.

Mathae 10:37

“Jãhãege, acʼren eṅgat-apat iń khon bạ̃ṛtiye dulạṛkin uni do ińre lek doe baṅkana. Ar jãhãe acʼren gidrạko iń khon bạ̃ṛtiye dulạṛko uni hõ ińre lek doe baṅkana.

Dosar Biboron 5:29

Ińko botorạń ar ińakʼ sanam hukumko dohoy lạgitʼ jaejug onkoakʼ mon baṛe nonkage tahentakoma. Onate onko ar onkoren hoponko do jaejug hạbicʼ bhạlại hoyokʼtakoa.

Johan sodor 3:1

“Sạrdis nagraha reakʼ manḍerren goḍet ṭhen noa katha olme, Isorren eae goṭen Jiu ar eae goṭecʼ ipilko okoeye sapʼ akatʼko uni do noa kathae meneda: iń do amakʼ kạmi reakʼ kathań baḍaegea. Ar jiwetʼ menamte am do ạḍi ńutum menakʼtama, menkhan am dom gocʼgea.

Johan sodor 2:2

Iń do amakʼ kạmi, mehnot ar sobori doń baḍaegea. Baḍaegeạń am do bạṛicʼ hoṛko bam ńel sahao daṛeakoa, ar okoe apostolko baṅkanre hõ apnarte apostolko ńumugokʼkan onko dom biḍạu aṭkar akatʼkoa ar phạsiạra kanako mente hõm sạbud akatʼkoa.

2 Thessalonikiko 1:3

E boehako, ape ńutumte jao okte Isor gun manao johar emae lek kantalea. Apeakʼ pạtiạu do ạḍitetʼ baḍhao idikʼ kana ar ape mimitʼkoakʼ dulạṛ ape apere sahre idikʼkante ale do sarhao emokʼ lek kantalea.

Hosea 10:2

Uniren hoṛkoakʼ ontor do bepạtiạr getakoa; onate onko do ńitokʼ dos reakʼ bojha asen baṛae hoyokʼtakoa. Probhu Isor do onkoakʼ pinḍkoe rạputʼ giḍikatakoa ar onkoakʼ pujạ reakʼ dhirikoe marao cabaetakoa.

1 Korinthiko 16:22

Jãhãe hoṛ Probhu Isor bae dulạṛe khan sarapicʼe hoyokʼma. Maran atha [Probhu Isore darae kana].

Hosea 7:8

“Ephrayim do eṭakʼ jạt jạtrenko sãoteye mesaokʼkana; uni do baṅ ulṭạu akatʼ piṭhạ kanae.

Johan sodor 3:16

Menkhan am do reaṛ hõ bam reaṛa ar lolo hõ bam loloa, onate iń do moca khoniń thoyetʼkan lekań phur giḍikama!