Johan sodor 3:14 - সান্তালী বাইবেল

¹⁴ “Laodikiạ nagraha reakʼ manḍerren goḍet ṭhen noa ciṭhi olme, “Okoe do Amen, ar okoe do pạtiạricʼ are sạri goha kan, ar okoe doe Isorakʼ sirjonren etohopʼicʼkan, uni do noa kathae meneda: iń do amakʼ kạmiko reakʼ iń baḍaea.

Santali Common Language New Testament

¹⁴ ‘‘Laodikiạ nagraha reakʼ manḍerren goḍet ṭhen noa ciṭhi do olme, ‘‘Okoe do Amen, ar okoe do pạtiạricʼ are sạri gohakan, ar okoe do Isorakʼ sirjonren etohopʼ, uni do noa kathae meneda: iń do amakʼ kạmiko reakʼ iń baḍaea.

Johan sodor 3:14 Referans Kwoze

Kolossiko lạgitʼ Pạul Apostolakʼ ciṭhi 1:15

Nui Hopon kangea bin ńelokʼ kan Isorren muṭhạntetʼ do. Ar unige sanamakʼ ạuri sirjạureye tahẽkana ar sanam sirjon cetanre unigeye mạlik kana.

Johan sodor 1:5

Jisu kangeae pạtiạricʼ goha do ar gocʼko khon unige pạhil dhaoe jiwetʼ beretʼakana, ar dhạrtiren rapajkoren raj doe uni kangea. Uni do aboe dulạṛetʼbona ar acʼakʼ mãyãmte kại khone chaḍaoketʼbona.

Kolossiko lạgitʼ Pạul Apostolakʼ ciṭhi 1:18

Ona chaḍa unige acʼakʼ hoṛmoren, metakʼme manḍerren matha kanae. Unige pạhilicʼ ar unige pạhilre gocʼko khone jiwetʼ beretʼena, jemon unige jotowakʼren maraṅicʼe hoydaṛeakʼ.

2 Korinthiko 1:20

uni do jao ghuṛigeye “Hẽ” kana. Isorakʼ sanam gokʼakʼko do Mạsi hotete “Hẽ” hoyakana. Onate Isorakʼ ṭhonok lạgitʼ Mạsi hotete abo do “Amen” bon roṛeda.

Johan sodor 3:7

“Philạḍelphiạ nagraha reakʼ manḍerren goḍet ṭhen noa katha olme: Okoe do sonot are sạriyicʼkan, ar okoe ṭhen Dạudakʼ choṛan menakʼ, one uniye jhicʼlere okoege bako siń daṛeakʼ are sińlere okoe hõ bako jhicʼ daṛeakʼ,

Johan sodor 22:13

Ińge Alpha ar Omega, pạhilicʼ ar sesicʼ, etohopʼ ar mucạtʼicʼ do.

Johan sodor 19:11

Tayomte iń do serma jhicʼ akan, ar onḍe mitʼṭen ponḍ sadomiń ńelkedea. Ar okoe uni sadomreye decʼakan tahẽkan uniyakʼ ńutum do pạtiạr ar sạriyicʼ. Uni do dhoromteye bicạreda are lạṛhại kana.

Jirimiạ 42:5

Unre onko do Jirimiạko metadea, “Amren Probhu Isor do okaṭakʼ baḍae ocole lạgitʼe kolme ar onka baṅle kạmi enḍekhan ale upạrte Probhu Isorge mitʼṭen sạri pạtiạricʼren gohae hoyokʼma.

Jesaea 65:16

Disạm talare jãhãe hoṛ ạsirbade khoj uni do sạriạkʼren Isor ṭhengeye khoja; ar disạm talare jãhãegeye kiriyạkʼ uni do Isor ńutumtegeye kiriạkʼa; ente hoṛ do lahateakʼ kosṭoko hiṛińa ar ińakʼ mẽtʼ samaṅ khon ona do danaṅokʼa.

Kạhtukko 8:22

“Probhu Isor doe sirjạukedeńạ, acʼakʼ sirjạu reakʼ etohopʼre Ạd reakʼ kạmiko modre pạhilakʼge;

Johan sodor 22:6

Tayomte uni serma goḍet doe metadińạ, “Noako katha do pạtiạr ar sạrigea. Probhu Isor, one okoe do nạbiko hoteteye roṛletʼ tahẽkan, uni do acʼren goḍete kol akadea, jemon thoṛa ghạṛicʼ khange okaṭakʼ hoy lạgidokʼkan, ona do acʼren golamkoe udukʼ daṛeako.”

Johan sodor 21:6

Uni do arhõe metadińạ, “Hoyena. Ińge Alpha ar Omega, etohopʼ ar mucạtʼtetʼ. Okoe tetaṅ edekan uni do jiwetʼ dakʼ reakʼ jharna khon begor damteń ńũ ocoyea.

Johan sodor 1:11

Uni doe metadińạ, “Okaṭakʼem ńel ona do mitʼṭecʼ puthire olme, ar Ephesus, Smurnạ, Pergamom, Thuạtirạ, Sạrdis, Philạdelphiạ, ar Laodhar, noa eae goṭecʼ nagraha reakʼ eae goṭecʼ manḍerko ṭhen kolme.”

Johan sodor 2:1

“Ephesus nagraha reakʼ manḍerren goḍet ṭhen noa katha do olme: “Okoe acʼakʼ jojomtire eae goṭecʼ ipil sapʼkate sona reakʼ eae goṭecʼ diuhe dohowakʼ talareye dãṛãbaṛae kan uni do noae meneda.

Kolossiko lạgitʼ Pạul Apostolakʼ ciṭhi 4:16

Ape ṭhen noa ciṭhipe paṛhao sạt lekhan Laoidikiạ reakʼ manḍerre hõ noa ciṭhi paṛhao ocoakope, ar Laodikiạ manḍerre lạgitʼ okaṭakʼ ciṭhi kologokʼ ona hõ ape do paṛhao ańjom joṅpe.

Kolossiko lạgitʼ Pạul Apostolakʼ ciṭhi 2:1

Iń doń menjoṅ kana jemonpe baḍae baṅma, iń do ape lạgitʼ ar Laodikiạ nagraha reakʼ manḍerren hoṛko lạgitʼ, ar okoe bako ńel akadiń onko sanamko lạgitʼ ạḍiń khaṭaokʼ kana mente.

Jesaea 55:4

Ńelpe, jạt jạtrenko lạgitʼ uni do mitʼṭecʼ goha lekań teṅgo akadea, hoṛkoren mitʼṭecʼ ạyuricʼ ar cakʼlaoicʼge.

Genesis 49:3

“Ruben, am do ińren maraṅicʼ hopon kanam; am do ińakʼ daṛe kanam, ińakʼ juạn daṛe reakʼ pạhil joge; man ar daṛete amren boehako cetanre menama.

Dosar Biboron 21:17

Ar bạhu bae dulạṛedekanren hoponge acʼakʼ sompotti reakʼ eṭakʼ hopon khon bar doboṛ emkate unige pạhilicʼ hopon mente aṅgoce hoyokʼtaea. Ente uni hoponkangeae apattetʼakʼ daṛe reakʼ pạhilicʼ jo do. Ar pạhil hopon reakʼ ạidạri do unigeye ńama.

Kạhtukko 14:5

Pạtiạr goha do eṛe katha bae roṛa, menkhan phạsiạra goha do eṛe kathae roṛa.

Johan 1:3

Sanamakʼge ona katha hotete sirjạu akana, ar oka sirjạu akan onako modre okaṭakʼ hõ uni begor do baṅ sirjạu akana.

Johan 8:14

Jisui roṛ ruạṛatʼkoa, “Iń do apnarte gohań emetʼkanre hõ ińakʼ goha do sạrigea, ente oka khoniń hecʼakana ar okateń calakʼkan ona doń baḍaegea. Menkhan ape do bape baḍaea oka khoniń hecʼakana ar okateń calakʼa mente.