Johan sodor 21:12 - সান্তালী বাইবেল

¹² Ona nagraha reakʼ mitʼṭecʼ maraṅ ar usul pạcri tahẽkana ar onare gelbar goṭecʼ duạr tahẽkana, ona duạrkore do gelbar goṭen serma goḍetko tahẽkana. Ar Israel jạtren gelbar bõsrenkoakʼ ńutum do ona duạrre ol tahẽkana.

Santali Common Language New Testament

¹² Ona nagraha reakʼ mitʼṭen maraṅ ar usul pạcri tahẽkana ar onare gelbar goṭecʼ duạr tahẽkana, ona duạrkore do gelbar goṭen serma goḍetko tahẽkana. Ar Israel jạtren gelbar bõsrenkoakʼ ńutum do ona duạrre ol tahẽkana.

Johan sodor 21:12 Referans Kwoze

Johan sodor 21:25

Din bhor nagraha reakʼ duạrko do tis hõ siń baṅ tahena ar onḍe do ńindạ hõ baṅ ńindạkʼa.

Jesaea 54:12

Amakʼ cuṛạko do podmorag mạnikteń benaoa, ar amakʼ phaṭok duạr do surjokanto mạnikkote ar amakʼ pạcri bhitko do damanakʼ dhirikoteń benaoa.

Sereńko 122:7

Ona beṛhaeteakʼ pạcrikore suluk tahenma, ar ona reakʼ raj dolanre hõ bhạlại tahen ma.”

Jesaea 60:18

Amakʼ disạmre jor jobor reakʼ katha ar do baṅ ańjomokʼa, ar amakʼ simạna talare jãhãn jarkharokʼ ar maraokʼ reakʼ katha hõ baṅ ańjomokʼa. Babańcao do pạcriko reakʼ ńutum hoyokʼa ar sarhao do amakʼ duạrko reakʼ ńutumge.

Sereńko 51:18

Amakʼ bhage kusiyakʼte amakʼ Sion bhạlạiyme; ar Jerusalem reakʼ pạcriko benao rakabme.

Nehemiạ 12:27

Jerusalem reakʼ pạcri Isor ńutumte samaṅokʼ reakʼ porob jokhecʼ Liwiko okareko girobasokʼ kan tahẽkan onḍe khon Jerusalemteko ạgu ocoyena jemon onko do kortal, binạ banam ar peṛesaṅ banam salakʼ sarhaoteakʼ sereńko sereńte rạskạ salakʼ ona porobko palon daṛeakʼ,

Aposkạmi 26:7

Aleren gelbar khũṭren hoṛko do siń-ńindạ mon ar ontorte Isor sewawaete ona gokʼakʼ reakʼ purạukʼtetʼ ńel reakʼ asre menakʼkoa. E maharaj, ona as iạtege Jihudiko do ińko dusiyediń kana.

Esra 9:9

Ale do golamko kanrehõle golam tahen oktere aleren Isor do bae bạgi giḍi akatʼlea. Paras raj samaṅre uni do pạtiạre beohar akada. Uni do aleye udgạuketʼlea jemon aleren Isorakʼ oṛakʼle benao aroe ar rạputʼ akan jaegako hõle jut ruạṛ. Uni do Jihudạ ar Jerusalemre nirạite tahen reakʼe bebosta akatʼlea.

Ibriko 1:14

Serma goḍetko do cetʼ sanamkoge sapʼsosor Jiuko doko baṅkana? Okoe kại khon bańcaoko ńam onko sapʼsorako lạgitʼge coṅ onko mako kol ocoakan.

Luk 16:22

“Mitʼ din uni kokoe hoṛ doe gocʼena. Ar serma goḍetko hecʼkate Abraham ṭhenko idikedea. Ona tayom uni kisạ̃ṛ hoṛ hõe gocʼena arko topakadea.

Luk 15:10

Ińiń metapekana, mitʼṭen kại hoṛ mone ạcurle khan Isorren goḍetko talare hõ onkage rạskạ hoyokʼa.”

Mathae 18:10

“Ńelpe, noko kạṭicʼko modren mitʼ goṭen hõ alope nihạ̃tkoa; ińiń metapekana sermare onkoren goḍetko do sanam ghạṛicʼ ińren sermare menae Babawakʼ mẽtãhãko ńeleda.

Exodus 28:21

Israelren gelbar goṭen hoponko lạgitʼ jotote gelbar goṭecʼ mạnik dhiriko tahena. Ar ona reakʼ mimitʼ goṭecʼre gelbar khũṭren mitʼṭecʼkate ńutum do rokʼ caṛhao hoyokʼa, mohor chapakʼ lekage.

Johan sodor 21:13

Duạrko modre pea do purub secʼre, pea do utạr secʼre, pea do dạkhin secʼre ar pea do pạchim secʼre tahẽkana.

Johan sodor 21:15

Ar okoe iń tulucʼ kathae roroṛkan tahẽkan uniyakʼ tire do mitʼṭecʼ sona reakʼ jokhawakʼ chuci tahẽkana, jemon uni do ona nagraha reakʼ duạrko ar ona reakʼ pạcriye jokha daṛeakʼ.

Johan sodor 22:14

“Bhạgangeako onko do, one okoe do akoakʼ kicricʼko ạrupʼetʼkan jemon jion dare reakʼ jo jom reakʼ ạidạriko ńam ar duạr secʼte nagrahateko bolo daṛeakʼ.

2 Bõsbudạ 9:19

Ona turui goṭecʼ dhap reakʼ banarsa aṛere jotote gelbar goṭen dhạcri kulakʼ muṭhạn tahẽkana. Eṭakʼ jãhãn rajosṭire nonkan siṅghạson do tishõ baṅ benao akan tahẽkana.