Johan sodor 2:23 - সান্তালী বাইবেল

²³ Ar uniren gidrạko hõń gocʼ giḍikakoa. Onate sanam manḍerrenko baḍae daṛeakʼa, ińkangeạń manwakoakʼ mon ar ontor ḍunḍhạuicʼ do. Ar apeakʼ kạmiko leka mitʼke mitʼ hoṛ do joń emapea.

Santali Common Language New Testament

²³ Ar uniren gidrạko hõń gocʼ giḍikakoa. Onate sanam manḍerrenko baḍae daṛeakʼa je, ińkangeạń manwakoakʼ mon ar ontor ḍunḍhạuicʼ do. Ar apeakʼ kạmiko leka mitʼke mitʼ hoṛ do joń emapea.

Johan sodor 2:23 Referans Kwoze

Mathae 16:27

Manwa Hopon do acʼren goḍetko soṅgekate apat reakʼ ṭhonokanteye hijukʼa. Ar mimitʼ hoṛ akoakʼ kạmi lekae halawakoa.

Sereńko 7:9

E dhoromren Isor, am do mon ar ontorem ḍunḍhạueda; amge bedhoromkoakʼ bạṛicʼakʼko cabaetakome menkhan amren dhoromko do teṅgo ṭarhao akae dohokom.

Romiko lạgitʼ Pạul Apostolakʼ ciṭhi 8:27

Okoe manwakoakʼ ontore ńeletʼkan uni do sonot Jiuakʼ mon reakʼ katha hõe baḍaea, ente sonot Jiu do Isorakʼ sanalekage Isorren hoṛko lạgitʼe nehõrokʼkana.

Aposkạmi 1:24

Ona tayom onko do noa menkateko koekeda, “E Probhu Isor am do joto hoṛakʼ ontorem baḍaekana. Jihudạ hõ acʼakʼ sạjại iạte apostol kạmiye aṛakʼ giḍikeda. Onate ńitokʼ nukin bar hoṛ mod khon ona hudạ lạgitʼ okoeṭakʼem bachao akawan uni baṛe udukʼ aleme.”

1 Patras 1:17

Isor Baba do mimitʼ manwakoakʼ kạmi lekae bicạrkoa, uni do mẽtʼãhã ńelte bae bicạra. Onate Baba mente unipe hohowaekan khan, enḍekhan noa dhạrtire tinạkʼ din upriạ leka menakʼpe unạkʼ din uni botorae salakʼ din khemaope.

Jirimiạ 11:20

E phạdkoren Probhu Isor, dhoromtegem bicạreda, am do mon ar ontor reakʼem biḍạu aṭkareda, onate uni cetanre amakʼ halae reakʼ ńel ocowạńme, ente iń do am ṭhengeń lạlis akada.

Jirimiạ 17:10

Iń do Probhu Isorakʼ ontoriń ḍunḍhạueda ar moniń biḍạu aṭkareda; iń do manwawakʼ dãṛãn ar uniyakʼ kạmi lekate kuṛạiyiń emaekana.

Jirimiạ 20:12

E phạdkoren Probhu Isor, am do dhorom hoṛkom biḍạu aṭkaretʼko kana ar mimitʼkoakʼ ontor ar mon reakʼ katham baḍaekana. Ińren bạiriko cetanre onem hala hạliyetʼkan ona baṛe ńel ocoyińme, ente ińakʼ mambla do amgeń baḍae ocoakatʼmea.

Sereńko 62:12

E Probhu, amre do asambheṛ dulạṛ menakʼa; ar am do mimitʼko akoakʼ kạmi lekage kuṛạiyem emakokana.

Sereńko 44:21

enḍekhan Isor do cetʼ ona bae baḍaekan tahẽkana? Uni ma aleakʼ ontor reakʼ jotowakʼge coṅe baḍaege.

2 Bõsbudạ 6:30

enḍekhan amakʼ tahen ṭhạ̃i serma khon onkoakʼ ańjomtakome ar ikạkakome. Ar onkoakʼ kạmiko lekate bicạrtakome, ente am do onkoakʼ mon reakʼ jotom baḍaea ar eken amge sanam manwakoakʼ ontorem baḍaekana.

1 Samuel 16:7

Menkhan Probhu Isor do Sạmuele metadea, “Uniyakʼ rup se tinạkʼe usula ona do alom ńela, ente uni doń nihạ̃t akadea. Manwa okaṭakʼe ńel onate do jãhãnakʼ do baṅ cekakʼa, ente manwa do bahre rupko ńela menkhan Probhu Isor do ontorgeye ńeleda.”

Johan sodor 20:12

Ona tayom iń do, kạṭicʼ lạṭu joto gocʼ hoṛko ona siṅghạson samaṅre teṅgo akaniń ńelketʼkoa. Inạ tayom do puthiko oṭakʼ ocoyena. Ona tayom ar mitʼṭecʼ puthi hõ oṭakʼ ocoyena. Ona do jion reakʼ puthi tahẽkana. Ar ona puthire noko gocʼ hoṛkoakʼ kạmi reaṅ cetʼleka ol tahẽkan onkage onkoakʼ bicạr do hoyena.

Ibriko 4:13

Sirjon reakʼ okaṭakʼ hõ Isor ṭhen do okoanakʼ bạnukʼ anaṅ. Okoe ṭhen aboakʼ hisạb emokʼ hoyokʼ uni ṭhen do sanamakʼge oṭakʼgea ar sodorgea.

2 Korinthiko 5:10

Ente Mạsiyakʼ bicạr duṛupʼakʼ samaṅre abo sanamkoakʼ jotowakʼ do sodorokʼa, jemon abo mimitʼko noa hoṛmore tahẽkate oka bon kạmiakatʼ, baṅ do boge ar baṅ do bạṛicʼ ona lekage kuṛại bon ńama.

Sereńko 26:2

E Probhu Isor, iń do khạṭi mente sạbud ocoyińme; ar biḍạu aṭkarińme, ińakʼ mon ar ontor baṛe biḍạutińme;

1 Bõsbudạ 29:17

E ińren Isor, ińiń baḍaea, am do ontorem biḍạu aṭkaretʼkana ar dhorom iạtem kusikʼkana. Noako jinis do mon ar ontor khon kusiteń em akatʼmea. Ar ńitokʼ do ona ńelteń rạskạkʼ kana, amren hoṛko okoe do nonḍe menakʼko onko hõko kusikʼkana.

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

Johan sodor 2:11

Ańjom lạgitʼ lutur menakʼtae hoṛ doe ańjom ma, sonot Jiu do manḍerrenko cetʼe metakokana mente. “Jitạukʼicʼ do dosar gujukʼte ohogeye hạ̃nlena.

Johan sodor 2:7

“Ańjom lạgitʼ lutur menakʼtae hoṛ doe ańjomma, sonot Jiu do manḍerrenko cetʼe metakokana mente! Jitạukʼicʼ do Isorakʼ Parades reakʼ jion dare reakʼ joyiń jom ocoyea.

Romiko lạgitʼ Pạul Apostolakʼ ciṭhi 14:12

Enḍekhan ńelokʼ kana, abo mimitʼ hoṛ do apnar reaṅ lekha jokha Isor emae hoyokʼ tabona.

Johan 21:17

Uni do tesar dhao Simon Patrase metadea, “Jona hopon Simon, sạrigem dulạṛ edeńkana?” Patras doe mon dukena, ente Jisu do tesar dhao uniye kulikedea, “Sạrigem dulạṛedeń kana?” Onate Patras do Jisui metadea, “E Probhu am do jotowakʼgem baḍaea, ar noa hõm baḍaegea amiń dulạṛetʼme kana.” Jisu do uniye metadea, “Ińren bhiḍiko gupikom.

Dosar Biboron 19:20

Inạkhan noa ańjomkate eṭakʼ Israelko do botor hecʼakoa ar nonkan behokakʼ do tisge bako kạmiya.

Dosar Biboron 17:13

Enḍekhan ona katha ańjomkate hoṛko do botor caṛhao akoa ar nonka bako bạḍạiyokʼa.

Dosar Biboron 13:11

Onate Israel do sanamkoge niạ katha ańjomkate botor caṛhaoakoa ar ape modren okoe hõ nonkan bạṛicʼ kạmi do bako kạmiya.

Johan sodor 6:8

Unre iń do mitʼṭen polso sasaṅ roṅan sadomiń ńel ńamkedea. Ar okoe uni sadomreye decʼakan tahẽkan uniyakʼ ńutum do moron; ar patal puri do uni tayom tayomteye calakʼkan tahẽkana. Dhạrti reakʼ pon hạṭiń reakʼ mitʼ hạṭiń cetanre unkin do ektiạriko ematʼkinạ, jemon unkin do tarwaṛete, akalte, mahamạrite, ar dhạrtiren bir janwarko hotete hoṛkokin gocʼko.

Dosar Biboron 21:21

Unre ona ṭhạ̃iren sanam herel hoṛ do dhirite uniko tiń gojea. Ar nonkate ape tala khon uni bạṛicʼ hoṛ doe caba utạrokʼa. Ar Israelko do noa katha ańjomkate botor caṛhaoakoa.

Galathiko lạgitʼ Pạul Apostolakʼ ciṭhi 6:5

Ente mimitʼ hoṛ do apan ạpin bojha gogokʼ hoyokʼ takoa.

Sephaniạ 1:11

E Motteserre tahenkan hoṛko, ape do homor halaṅpe, ente aperen bepariko ar ṭaka poesa karbạriạko do jotogeko marao ocokʼa.

Sereńko 139:1

E Probhu Isor, am dom biḍạu aṭkar akadińạ arem baḍae akadińạ.

Luk 16:15

Unre Jisui metatʼkoa, “Ape do hoṛko samaṅre dhorompe udugokʼ kana, menkhan Isor do apeakʼ mon reakʼe baḍaegea. Ente manwa ṭhen okaṭakʼ manotakʼkan, Isor samaṅre ona do hirkhạwakʼ kana.

Johan sodor 20:13

Ar okoe gocʼ hoṛko do jalapurireko tahẽkan, onko do jalapuriye idiketʼkoa. Ona chaḍa moron ar patalpurire okoe gocʼakan hoṛko tahẽkan, onko dokin em ruạṛkatʼkoa. Ar mimitʼko do akoakʼ kạmi lekako bicạr ocoyena.

Johan sodor 22:12

Jisui meneda, “Ńelme, hako pakogeń hijukʼkana ar mimitʼko akoakʼ kạmiko reakʼ kuṛại do iń soṅgerege menakʼa.

1 Bõsbudạ 17:18

“Amiren guti okaṭakʼ manotem udukʼade onate iń do am ṭhen cetʼ arhõ ḍheriń roṛ daṛeakʼa? Ar amren guti mam baḍae akadege.

Jobakʼ 24:23

Uni do bedhoromko khạtirjomae jirạu ocokoa, menkhan uniyakʼ mẽtʼ do onkoakʼ hore ńel horetʼtakoa.

Johan 4:16

Jisu do uniye metadea, “Do calakʼme, ar amren jãwãe hoho ạguiyem.”