Johan sodor 2:10 - সান্তালী বাইবেল

¹⁰ Am do okako dukem jom lạgidokʼkan onate thoṛa hõ alom botorokʼa. Ańjomme, Soetan do ape modren adomko biḍạupe lạgitʼ hajotreye bhoraopea, ar gel din hạbicʼ ape do kosṭope joma. Am do gujukʼ hạbicʼ pạtiạr akae tahenme, enḍekhan jitạukʼ reakʼ mala leka jioniń emama.

Santali Common Language New Testament

¹⁰ Am do okako dukem jom lạgidokʼkan onate thoṛa hõ alom botorokʼa. Ańjomme, Soetan do ape modren adomko biḍạupe lạgitʼ hajotreye bhoraopea, ar gel din hạbicʼ ape do kosṭope joma. Am do gujukʼ hạbicʼ pạtiạr akae tahenme, enḍekhan jitạukʼ reakʼ mala leka jioniń emama.

Johan sodor 2:10 Referans Kwoze

Jakob 1:12

Bhạgangeae uni do one okoe biḍạureye sombhuriyetʼkan, ente lek kanae menteye sạbudlen khan uni do jit reakʼ mala lekate jione ńama. Ar okoe Isorko dulạṛedekan onko do jion emako lạgitʼe gokʼakatʼkoa.

Mathae 10:22

Iń khạtirte sanam hoṛko hirkhạwapea, menkhan okoe mucạtʼ hạbicʼ ṭarhaoe tahen unigeye bańcaokʼa.

1 Patras 5:4

Enḍekhan maraṅ gupiyicʼe ńel ocokʼre ape do jit reakʼ mala lekate uniyakʼ ṭhonokren bhạgiyạdarkope hoyokʼa, ar ona do tis hõ baṅ mosodokʼtapea.

Mark 13:13

Iń iạte sanamkogeko hirkhạwapea, menkhan mucạtʼ hạbicʼ okoeye ṭarhao tahen uni do bańcaoe ńama.

Ephesiko lạgitʼ Pạul Apostolakʼ ciṭhi 6:12

Aboakʼ noa lạṛhại do jãhãe manwa upạrte do baṅkana, bickom ona do ńut rajosṭi reakʼ joto lekan cakʼlaoko ar ektiạrianko upạrte, ńut dhạrtiren daṛean jiuko upạrte, ar coṭren joto bạṛicʼ jiuko upạrte.

Johan sodor 2:9

Amakʼ kosṭo ar reṅgecʼ reakʼ kathań baḍaegea, menkhan enhõ am dom kisạ̃ṛgea. Apnarte Jihudiko ńumugokʼkan, menkhan Jihudiko baṅkan, bickom Soetanakʼ dolren kanko, onko do am upạrte okako roṛetʼkan ona doń baḍaegea.

Mathae 24:13

Menkhan mucạtʼ hạbicʼ okoeye ṭarhao tahen uni do bańcaoe ńama.

1 Patras 5:8

Apnar sambṛaokʼpe ar sontor akae tahenpe, ente aperen bạiri Soetan do hạnḍrạukʼkan dhạcri kul lekae dhãoṛa dhạ̃uṛi baṛaekana jãhãegeye utʼgotʼkaea mente.

1 Korinthiko 9:25

Okoe dạṛ enecʼreko seledokʼkan onko do laha khonge mitʼṭecʼ niạm bhitriteko bolokʼa. Onko do okaṭakʼ jid ṭupri mosodokʼ ona ńam lạgitʼko onkayeda, menkhan abo do bin mosodokʼ ṭupri ńam lạgitʼge one okaṭakʼ do tisge baṅ nosṭokʼ.

Mathae 10:28

Okoe eken hoṛmo motoko gocʼ daṛeakʼ menkhan jiwi do baṅ onko do alope botorakoa. Menkhan okoe hoṛmo ar jiwi banarge norokre marao reakʼ daṛe menakʼtae unige botoraepe.

Daniel 1:14

Onate uni doe rạjiyena ar gel din onkoe biḍạu aṭkarketʼkoa.

Johan sodor 13:7

Isorren hoṛko lạṛhạikate bhagaoko reakʼ ektiạriye emocoyena ar mitʼke mitʼ bõsren, disạmren, pạrsiren ar jạtren hoṛko cetanre hõ ektiạriye emocoyena.

Ephesiko lạgitʼ Pạul Apostolakʼ ciṭhi 2:2

Dhạrti reakʼ cạli leka ape hõ pạhil do bebatao ar kạirepe dãṛãnkan tahẽkana. Ar okoeṭakʼ jiu doe hoe reakʼ etkiạriren rajkan uni bạṛicʼ jiuge Isorren bebatao hoṛko talareye kạmikana, ar ape do uni jiugepe pańjayede tahẽkana.

Johan 13:2

Unre kedokʼ jokhecʼ Soetan do Simon hopon Jihudạ Iskariotakʼ monre bạirikoakʼ tire Jisu soprote lạgitʼ sanae rakapʼ ocoletʼtaea.

Johan 12:25

Okoe acʼakʼ jiwiye dulạṛ uni do acʼakʼ sạriyakʼ reakʼ jione khuạutaea, menkhan okoe noa dhạrtire acʼakʼ jiwi bae dulạṛ uni do jaejug jion lạgitʼ acʼakʼ sạriyakʼ reakʼ jione rukhiyạitaea.

Luk 21:12

“Noako hoyokʼ lahare hoṛko do apeko sapʼpea arko santaopea. Ar bicạrpe lạgitʼ sunạgogreko idipea ar hajotreko bhoraopea. Iń iạte rapajko ar disạm cakʼlaoko samaṅreko idipea,

Mark 8:35

Okoe acʼ lạgitʼ jiwetʼ tahene menjoṅkan uni do jiwiye khuạutaea; menkhan okoe iń ar Isorakʼ bhage sombat iạte acʼakʼ jiwiye khuạutae, uni do onae rukhiyạitaea.

Habakkuk 2:3

Ente noa dorson reakʼ katha hoyokʼ lạgitʼ ńithõe tạṅgiyeda, menkhan usạratege hijukʼkana ar ona dorson do eṛe mente baṅ sạbudokʼa. Bilom lenrehõ ona lạgitʼ koyokʼ hor akae tahenme; ona do niṭ akatʼ okterege purạukʼa. Ar noa katha do ol dohokakʼme:

Daniel 1:12

“Am do dayakate gel din amren guti baṛe biḍạu aṭkarkate ńeleme; am do eken aṛakʼ sakam ar ńũi lạgitʼ dakʼ emalem.

Johan sodor 13:2

Uni janwar do ńelokʼte citạ tạrupʼ lekae tahẽkana ar jaṅgako do banawakʼ leka ar moca do dhạcri kulakʼ moca leka tahẽkantaea. Ar biń do acʼakʼ daṛe, siṅghạson ar maraṅ ektiạri uni janware emadea.

Aposkạmi 21:13

Unre Pạule menkeda, “Rakʼ rakʼte monre cedakʼ dukpe imạń kana? Probhu Jisu lạgitʼ iń do Jerusalemre eken bondi ocokʼ do baṅ, bickom gocʼ ocokʼ hõń sapṛaogea.”

Aposkạmi 20:24

Menkhan iń ṭhen do ińakʼ jiwi reakʼ jãhãn damge bạnukʼa. Ińakʼ sana do noage, jemon mucạtʼ hạbicʼ iń ṭarhao daṛeakʼ, metakʼme Probhu Jisu oka kạmi lạgitʼ dạyike emakawạdiń ona jemoniń purạu daṛeakʼ. Ona kạmi do hoyokʼ kana Isorakʼ daya reaṅ bhage sombat reakʼ goha emokʼge.

Johan 13:27

Piṭhạ kecakʼe ńamketʼ khan Soetan do Jihudạreye boloyena. Jisu do uniye metadea, “Okaṭakʼ cekayem menetʼkan ma usạraeme.”

Sereńko 31:23

E sanam Isor bhokti hoṛ, ape do Probhu dulạṛepe biswạsiko do Probhu Isorgeye rukhiyạkoa menkhan phulạukʼkanko do purạteye sạjạikoa.

Johan sodor 2:13

Am okarem tahenkan ona doń baḍaegea; onḍe do Soetanakʼ siṅghạson menakʼa. Enhõ am do ińre pạtiạr menama ar iń cetanre amakʼ pạtiạu do bam baṅ akada. Okare Soetane tahenkan onḍe ińren pạtiạricʼ goha Antipas do ape samaṅreye khũn ocolenre hõ am do amakʼ pạtiạu bam baṅlakʼa.

Johan sodor 13:14

Ar okako hahaṛa kạmi lạgitʼ ektiạriye emocolen onako kạmikate hoṛko bhul horte idikoe ehopʼkeda. Ar Pạhilicʼ janwar okoe do tarwaṛeteye ghạl ocolenre hõ jiwetʼe tahẽkan, uni dosaricʼ janwar do hoṛkoe metatʼkoa jemon onko do uniyakʼ muṭhạnko benaotae.

Johan sodor 17:14

Onko do Bheḍa Hopon upạrteko lạṛhạiya ar Bheḍa Hopon do onkoe bhagaokoa, ente uni do Probhukoren Probhu ar raj koren raj kanae. Ar okoeko hoho ocoakan arko bachao ocoakan ar okoe doko pạtiạrkokan onkoge uni tulucʼko tahena.”

Rak̕joṅ 3:57

Amiń hohoatʼme tahẽkanre am do sorregem ńamena, Arem metadińạ, “Alom botorokʼa. ”