Johan sodor 18:4 - সান্তালী বাইবেল

⁴ Ona tayom iń do serma khon ar mitʼ hoṛ roroṛ kaniń ańjomkedea, “E ińren hoṛko, ape do Babel khon oḍok hijukʼpe jemon uniyakʼ kại reakʼ bhạgiyạdarko alope hoyokʼ, ar okako sạjại unire ńurokʼ ona okaṭakʼge jemon alo paṛaoape.

Santali Common Language New Testament

⁴ Ona tayom iń do serma khon ar mitʼ hoṛ roroṛ kaniń ańjomkedea, “E ińren hoṛko, ape do Babel khon oḍok hijukʼpe jemon uniakʼ kại reakʼ bhạgiạdarko alope hoyokʼ, ar okako sạjại unire ńurokʼ ona okaṭakʼge jemon alo paṛaoape.

Johan sodor 18:4 Referans Kwoze

2 Korinthiko 6:17

Arhõe meneda, “Onate ape do be pạtiạuko tala khon oḍok hijukʼpe ar begarokʼpe. Ar jãhãn besaphawakʼko alope joṭeda, enḍekhan ińgeń ataṅ darampea.”

Jirimiạ 51:6

Ape do Babel khon dạṛjoṅpe. Ar apan ạpin jiwi rukhiyạitape. Uniyakʼ kại iạte alope maraokʼa. Probhu Isor do hala hạli reakʼ okte seṭer akantaea; uniyakʼ oka kuṛại ona doe ńamgea.

Jirimiạ 51:45

“E ińren hoṛko, Babel khon oḍok hijukʼpe. Apan ạpin jiwi rukhiyạitape. Probhu Isorakʼ jolokʼkan edre khon ńir pharakokʼpe.

Jesaea 52:11

Ma oḍokokʼpe, men ona jaega khon oḍok hijukʼpe. Ar chutakʼ jãhãn jinisko alope joṭeda. Ape okoe Probhu Isorakʼ bhajankope gokʼ idiyetʼ ape do ona jaega khon oḍok hijukʼpe ar saphakʼpe.

Jirimiạ 50:8

“E Israelko, ape do Babel khon dạṛjoṅpe; Babelrenkoakʼ disạm bạgiyakʼpe ar pal laha lahate calakʼkan merom bodako leka hoyokʼpe.

1Timothi 5:22

Usạrate okoe cetanre hõ ti capokate jãhãn hudạre alom bahalea, ar eṭakʼkoakʼ kạire hõ alom bhạgiạrikʼa, ar napaete tahenme.

Jesaea 48:20

Ape do Babel khon oḍok calakʼpe, ar Babelrenko khon dạṛ pharakokʼpe. Ar rạskạ reakʼ aṛaṅte lại saḍepe ar noa jạhirpe, “Probhu Isor do acʼren golam Jakobe chaḍao akadea.”

Sereńko 50:18

Kombṛom ńellere uni dom sãhãkʼae kana, ar loṭghuṭiko tulucʼ dom gatekʼkana.

2 Johan 1:11

Okoe uniye joharae uni do uniyakʼ bạṛicʼ kạmi reakʼ hõ bhạgiyạdare hoyokʼa.

Jirimiạ 51:50

Ape okoe do gujukʼ reakʼ ti khon rukhiyạpe ńamakatʼ dela hijukʼpe, alope biloma. Sạṅgiń disạmre tahenrege Probhu Isor disạiyepe ar Jerusalem reaṅ dạndikʼpe.

Mathae 23:30

Arpe meneda, ‘aleren hapṛamko bidạlrele tahẽlen khan nạbikoakʼ mãyãm joroyre onko são do ohole seletʼkokʼa.’

Genesis 19:14

Unre Lot do bahrete senkate acʼren okoe jãwãe goṅkekin hoyokʼ onkine metatʼkinạ, “Usạrate noa jaega khon dela oḍok hijukʼben, Probhu Isor do noa nagraha ḍahao marao lạgitʼe sapṛao akana.” Menkhan unkin dokin hudiskeda uni doe khiloḍ kana.

Jirimiạ 51:9

Hoṛko mena, “Ale do Babel bogeye reakʼle kurumuṭuletʼgea, menkhan uni do bae bogelena. Dela, abo do uni bon bạgi oṭowaema ar apan ạpin disạmte bon ruạṛ calakʼma, ente uniyakʼ sạjại do coṭ hạbicʼ rakapʼ akana, ar rimil hạbicʼ seṭerakana.”