Johan sodor 18:13 - সান্তালী বাইবেল

¹³ darcini jut so mosola, dhup, mahkaokʼ sunum, kunduru, darkha rasa, jạitun reakʼ sunum, holoṅ ar guhum; ḍaṅgrako, bhiḍiko, sadomko ar gạḍiko ar golamkoge.

Santali Common Language New Testament

¹³ darcini jut so mosola, dhup, mahkaokʼ sunum, kunduru, darkha rasa, jạitun reakʼ sunum, holoṅ ar guhum; ḍaṅgrako, bhiḍiko, sadomko ar gạḍiko ar golamkoge.

Johan sodor 18:13 Referans Kwoze

Jeheskel 27:13

Jawan, Tubạl ar Mesek do am sãoteko bạnij-beparetʼ tahẽkana; onko do amakʼ jinisko bodolte guti-kạ̃ṛmĩ ar tambako emokʼkan tahẽkana.

Amos 2:6

Probhu Isore meneda, “Israelakʼ pea ghạṭ iạte, hẽ, ponea ghạṭ iạte iń do khạṭige uniń sạjạiyea. Uniren hoṛ do ṭaka poesa lạgitʼ dhorom hoṛko ar jaṅga reakʼ mitʼ joṛa panahe lạgitʼ reṅgecʼ hoṛko ạkhriń akatʼkoa.

2 Patras 2:3

Lalocte eṛeteakʼ katha menkate akoakʼ porho lạgitʼ onko do kạmireko lagaopea. Onkoakʼ sạjại do ḍher din khonge jhulạu akana, ar onkoakʼ nosṭokʼ do bae duṛupʼ thirakana.

Nehemiạ 5:8

Ińiń menkeda, “Be-Jihudiko ṭhen okoeko boehako ạkhrińlen tabon onko do daṛeakʼ bhor bon chaḍao ạgu akatʼkoa.” Ar ńitokʼ do aperen boehako ạkhrińokʼpe jormoṭetʼkoa, onate onko do arhõ kiriń ruạṛ lagao abona.” Niạ katha ańjomkate onko do hapegeko tahẽyena, ente roṛ ruạṛ reakʼ cetʼge baṅ tahẽkantakoa.

Jesaea 50:1

Probhu Isore meneda, “Eṅgamakʼ bapag dolel do okare menakʼa, one okaṭakʼteń bạgikede? Ińren mahajonko modre okoe ṭheniń ạkhriń akatʼpea? Apeakʼ kại iạtege ape dope ạkhriń akana; apeakʼ behokakʼ lạgitʼge aperen eṅgam doe bạgi ocoakana.

Dosar Biboron 24:7

“Ar jãhãe hoṛ jãhãe Israel boeha kombṛo idikate guti menteye hataoe seye ạkhrińe, enḍekhan uni kombṛo hoṛ do gujukʼ hoyokʼtaea. Ape tala khon onkan bạṛicʼ hoṛ dope marao utạrkoa.

Exodus 21:16

“Jãhãege mitʼṭen hoṛ kombṛokateye ạkhrińe se uni tireye ńamokʼ, enḍekhan uni hõ khạṭigeye gocʼ ocokʼa.

1Timothi 1:10

loṭghuṭiko, jojognako, hoṛ kiriń-ạkhrińko, eṛe katha roroṛko, eṛe goha emokʼko, sạri sikhnạt upạrte eṭakʼ jãhãnakʼko kạmikan onkanko lạgitʼge noa do emakana.

Amos 8:6

rupạte reṅgecʼ hoṛle kirińkoa ar mitʼ joṛa panahete laṅgaṭkole kirińkoa ar jokʼ giḍiyakʼ guhum do onko ṭhenle ạkhrińa.”

Amos 6:6

Ape do bạṭi perecʼ darkha rasape ńũiyeda ar joto khon bhage so sunumpe ojokʼeda, menkhan Josephren, metakʼme Israelakʼ maraokʼ iạte do bape dukokʼ kana.

Soros sereń 5:5

Iń do dulạṛiạtiń duạr jhicʼae lạgitʼ iń beretʼena, unre ińakʼ ti do gondhoroste ojokʼ tahẽkana, ar kạṭupʼko khon gondhoros hõ jorokʼkan tahẽkante huṛkạṛ reakʼ ḍạnḍi do lohotʼena.

Kạhtukko 7:17

Gondhoros, oguru ar darcinite aṭetʼiń mahkao ocoakatʼa.

2 Bõsbudạ 9:9

Uni do pon ṭon tala khon hõ bạ̃ṛti sona raje emadea, ar ạḍi utạr jut so mosolako ar damanakʼ mạnik dhiriko hõe emadea. Seba rạni do Solomon oka lekan mosolakoe emade onkan jut so mosola do ar tisge baṅ ńelakan tahẽkana.

1 Rapajko 10:25

Ar okoeko hijukʼkan tahẽkan onko sanamkoge thoṛa baṅ thoṛa jãhãnakʼ sandesko ạguiyetʼ tahẽkana. Onako modre sona ar rupạ reakʼ bhajanko, kicricʼ khạnḍwạkʼko, khanḍa bhanḍako, jut so mosolako, sadomko ar khaccorkoko tahẽkana.

1 Rapajko 10:15

Ona chaḍa bekʼpariko ar bạnij bepariko hõ sonako ạguiyetʼ tahẽkana.

1 Rapajko 10:10

Uni do pon ṭon tala khon hõ bạ̃ṛti sona, ar ạḍi utạr jut so mosolako ar damanakʼ mạnik dhiriko raje emadea. Sebaren rạni do Solomon tinạkʼ jut so mosolakoe emade unạkʼ do tishõ disạmre ar baṅ ạgu akan tahẽkana.

Dosar Biboron 28:68

Misorte calakʼ reaṅ iń metatʼpe tahẽkana, tishõ ona horte do taṛam baṅ lagao apea; menkhan Probhu Isor do unre jahajte Misor disạmteye kol ruạṛpea. Onḍe do guti ar kạ̃ṛmĩ lekate bạiriko ṭhen kiriń ocokʼpe khoja menkhan celege bako kirińpea.

Soros sereń 1:3

Amakʼ sunum reakʼ mońj so doe rạskạ ocoyediń kana; dul akatʼ mońj so sunum lekage amakʼ ńutumtam do. Onatege am do kuṛikoko dulạṛetʼmea.

1 Bõsbudạ 5:21

Onko do Hagariạkoren mõṛẽgel hajar ũṭ, bar lakh tala bhiḍi ar bar hajar gadhako luṭjoṅana ar mitʼ lakh hoṛko bondi idiketʼkoa.

Soros sereń 3:6

Hahaṅkar secʼ khon hijukʼkan tutʼ tutʼ dhũạ khunṭi lekanicʼ doe okoekana? Ona dhũạ khunṭire do beparikoakʼ joto lekanakʼ, gondhoros ar kundurute mahkaokʼ jut so mosolako menakʼa.

Johan sodor 18:14

Onko bạnij beparikoko mena, “Okaṭakʼ jo am do lab joṅem menletʼ tahẽkan ona do am ṭhen khon sạṅgiń akana; amakʼ joto dhon-durib ar sajaotetʼ do nosṭo akana. Ar hoṛko do tisge ona bako ńama.”

Johan sodor 18:15

Okoe noako jinis bạnij beparkateko kisạ̃ṛlen onko bepariko do uniyakʼ saset ńelte botorte sạṅgińreko teṅgo tahena.