Johan sodor 17:18 - সান্তালী বাইবেল

¹⁸ Ar okoeṭakʼ maejiuem ńellede uni doe hoyokʼ kana ona maraṅ nagraha, one okoe do dhạrtiren sanam rapajko cetanre rajosṭiye calaoetʼkan.”

Santali Common Language New Testament

¹⁸ Ar okoeṭakʼ maejiuem ńellede uni doe hoyokʼ kana ona maraṅ nagraha, one okoe do dhạrtiren sanam rapajko cetanre rajosṭiye calaoetʼkan.”

Johan sodor 17:18 Referans Kwoze

Johan sodor 16:19

Ar ona maraṅ nagraha do pe hạṭińte hạṭińena ar jạt jạtrenkoakʼ nagrahako do lạnduṛena. Tayomte ona maraṅ nagraha Babel reakʼ katha Isor do disạ hecʼadea, uni do acʼakʼ edre reakʼ botoranakʼ bubulakʼte perecʼ bạṭi reakʼ ńũi lạgitʼ Babele emadea.

Johan sodor 18:2

Uni do ãṭ aṛaṅte hohowateye menkeda, “Lạnduṛena, ona maraṅ nagraha Babel do lạnduṛena, ona do ńitokʼ bạṛicʼ jiukoakʼ tahen reakʼ jaega hoyakana ar mitʼke mitʼ bạṛicʼ jiuakʼ dander ar besapha ar hirkhạwan cẽṛẽkoakʼ khańca hoyakana,

Daniel 7:23

“Ona tayom uni do nonkae lạiyạdińạ, ‘ponicʼ janwar doe hoyokʼ kana dhạrti reakʼ ponakʼ rajosṭi. Ona do eṭakʼ rajosṭiko khon begarge hoyokʼa ar ona do goṭa dhạrtiye chakachuna.

Johan sodor 12:4

Uni do acʼakʼ canḍbolte sermaren pe hạṭiń reakʼ mitʼ hạṭiń ipilkoe or ạguketʼkote dhạrtiteye lebda giḍikatʼkoa. Ar okoe maejiuren gidrại hoy lạgidokʼkan tahẽkan uni samaṅre biń doe teṅgoyena jemon gidrại janam lekhangeye utʼgotʼkae.

Luk 2:1

Ona jokhecʼ maharaj Agustus Kạisạr do acʼakʼ rajosṭiren sanam hoṛko ńutum ol ocoytako lạgitʼe hukumkeda.

Johan sodor 11:8

Unkinren Probhu Isor oka nagrahareye kurus ocolen ona maraṅ nagraha reakʼ horre unkinakʼ mạ̃ṛĩ do giḍi akan tahena. Ona nagraha reakʼ asol ńutum do Sodom ar Misor baṅkanre hõ, enhõ mitʼ lekangete ona nagraha do Sodom ar Misorko metakʼa.