Johan sodor 16:9 - সান্তালী বাইবেল

⁹ Unre ãṭ elaṅte hoṛko loyena, ar noako sạjại cetanre okoeyakʼ ektiạri menakʼtako onko do uni Isorko henostawadea. Menkhan onko do enrehõ mon bako ạcurleda ar Isor bako sabasiwadea.

Santali Common Language New Testament

⁹ Unre ãṭ elaṅte hoṛko loyena, ar noako sạjại cetanre okoeakʼ ektiạri menakʼtako onko do uni Isorko henostawadea. Menkhan onko do enrehõ mon bako ạcurleda ar Isor bako sabasiwadea.

Johan sodor 16:9 Referans Kwoze

Johan sodor 16:21

Serma khon lạṭu lạtu dhiri lekan arel manwako cetanre ńurokʼ ehopʼena. Ona mitʼke mitʼ reakʼ hamal do mitʼ mongan tahẽkana. Noa arel reakʼ sạjạite hoṛko do Isorko henostawadea, ente ona arel reakʼ sạjại do ạḍi botorge tahẽkana.

Johan sodor 11:13

Unre ạḍi botor dhạrti laṛaoena ar ona nagraha reakʼ gel hạṭiń reakʼ mitʼ hạṭiń do rạputʼ ńurena. Ar ona dhạrti laṛaore eae hajar hoṛko gocʼena. Onate sarecʼko sanamge botor caṛhaoatʼkote sermaren Isorko sarhaokedea.

Johan sodor 2:21

Loṭghuṭi khon mon ạcurtae lạgitʼ iń do ạtiń emade tahẽkana, menkhan uni do mon bae ạcurletʼtaea.

Luk 13:5

Ińiń metapekana, ona do baṅ, menkhan kại khon mon bape ạcurle khan ape hõ sanamkogepe marao utạrokʼa.”

Luk 13:3

Ińiń metapekana, ona do baṅa, ar onkage ape hõ kại khon mon bape ạcurle khan jotokogepe nosṭo ocokʼa.

Jirimiạ 5:3

E Probhu Isor, am do cetʼ sạriyakʼ bam beṅgetʼakʼ kana? Onkom hạ̃nletʼkore onko do cetʼ baṅ hasoletʼkoa; ar onkom sumạrletʼkore hõ onko do bako sudhrạulena. Onkoakʼ mẽtʼãhã do dhiri khon hõ bạ̃ṛtiko keṭecʼketʼtakote kastaokʼ hõ bako aṅgocleda.

Johan sodor 14:7

Uni do ãṭ aṛaṅte noa kathae menetʼ tahẽkana, “Isor botoraepe ar uni sarhaoepe, ente bicạr reakʼ okte do seṭerakana. Okoe dhạrti, serma, jalapuri, doreão ar jharna dakʼkoe sirjạu akatʼ uni sewawaepe.”

Johan sodor 9:20

Menkhan noako duk tayom hõ okoeko manwa jiwetʼko tahẽyen, onko do apnar tite benaoakʼ muṭhạnko khon mon bako ạcurletʼtakoa. Onko do bạṛicʼ jiuko ar baṅ ńeńelko, baṅ ańjomko, baṅ taṛam daṛeakʼ sona, rupạ, pitạl, dhiri ar kaṭren muṭhạnko benaokateko sewawakokan tahẽkana.

2 Korinthiko 12:21

Iń doń botorokʼ kana, pase ape ṭhen arhõń senlenre ińren Isor do ape samaṅreye lajao ocoyiń, ar okoeko lahateko kạiletʼ tahẽkan onko do pase loṭghuṭi, lucạ lamoṭ bin napaeakʼ khon mon bako ạcurakatʼtako, ar onko ḍherko iạte iń do dukiń ńama.

Jeheskel 24:13

“ ‘E Jerusalem, amakʼ bạṛicʼakʼ kạmige hoyokʼ kana ona bhonḍtetʼ do. Iń do saphaeme reakʼ iń kurumuṭukeda menkhan amakʼ bhõnḍtetʼ khon bam saphalena. Am upạrte ińakʼ edre purạte ạuriń dultiń hạbicʼ am do bam saphakʼa.

Jesaea 8:21

Onko do reṅgecʼ ar kosṭote disạm talareko ạcur baṛaea. Reṅgecʼ jalate coṭ secʼ beṅgetʼkate raj ar onkoren Isorko sarapaea.

Jesaea 1:5

Ape do cedakʼ dalpe joma? Cedakʼ huhultegepe tahena? Ape do bohokʼrepe ghạl ocoakana, ar goṭa ontor do nijorgetapea.

2 Bõsbudạ 28:22

Ahas raj do niạ kosṭo oktere Probhu Isor cetanre artetʼgeye bepạtiạrena.

2 Rapajko 6:33

Elisae do unhõ kathae roroṛ kan tahẽkana un jokhecʼ uni hoṛ doe hecʼena. Ona tayom raj do hecʼkateye menkeda, “Noa muhin do Probhu Isor ṭhen khonge hecʼakana. Enḍekhan Probhu Isor lạgitʼ do cedakʼ iń biloma?”

Josuạ 7:19

Josuạ do unre Akhane metadea, “E bạbu, sạri katha menkate Israelkoren Isor sarhao ar ṭhonokʼ emaeme; ar am okam ceka akatʼ ona lạiyạńme, alom okoea.”

Jirimiạ 13:6

Ona ḍher din tayom Probhu Isore metadińạ,, “Am do ńitokʼ phurạt gaḍa ṭhen calakʼme ar onḍe okaṭakʼ jhaṅga oko dohokakʼ iń metakʼme tahẽkan ona ạguiyme.”