Johan sodor 15:7 - সান্তালী বাইবেল

⁷ Onko ponea jiwiyankoren mitʼṭen do onko eae goṭen serma goḍetko eae goṭecʼ bạṭiye ematʼkoa. Ar Isor, okoe do jug jug khon jaejug hạbicʼ jiwetʼ menae, uniyakʼ edrete onako bạṭi do perecʼ akan tahẽkana.

Santali Common Language New Testament

⁷ Onko ponea jiwiyankoren mitʼṭen do onko eae goṭen serma goḍetko eae goṭecʼ bạṭiye ematʼkoa. Ar Isor, okoe do jug jug khon jaejug hạbicʼ jiwetʼ menae, uniakʼ edrete onako bạṭi do perecʼ akan tahẽkana.

Johan sodor 15:7 Referans Kwoze

Johan sodor 16:2

Unre pạhilicʼ serma goḍet do senkate acʼakʼ bạṭi dhạrtireye dulkeda. Onate okoere uni janwarakʼ cinhạ tahẽkan ar okoe do uniyakʼ muṭhạnko sewawakʼkan tahẽkan onkoakʼ hoṛmore ạḍi bạṛicʼ ar dạrun ghao ńamketʼkoa.

Johan sodor 10:6

Ar jaejug hạbicʼ jiwetʼ menae sermako, otko, jalapuriko ar onakore menakʼ sanamakʼe sirjạuakatʼ, uniyakʼ ńutumte kiriạkate uni serma goḍet doe menkeda, “Ar baṅ bilomokʼa.

Johan sodor 5:8

Ar puthiye hataoketʼ khan onko ponea jiwiyanko ar bargel pon murubbiko do Bheḍa Hopon samaṅreko ombakʼena. Onko mimitʼkoakʼ tire do mimitʼ goṭecʼ peṛesaṅ ar mimitʼ goṭecʼ dhupte perecʼ sona reakʼ bạṭi tahẽkana. Ona dhupte perecʼ bạṭiko do Isorren hoṛkoakʼ koejoṅ kana.

Johan sodor 21:9

Ar okoe eae goṭecʼ serma goḍetkoakʼ tire mucạtʼ eae goṭecʼ dukte perecʼ bạṭi tahẽkan onko modren mitʼ hoṛ do iń ṭhen hecʼkateye menkeda, “Dela hijukʼme, bạhu kuṛiń udukʼama, metakʼme Bheḍa Hoponren bạhuń udukʼama.”

Johan sodor 15:1

Tayomte iń do sermare ar mitʼṭecʼ maraṅ ar hahaṛa cinhạń ńelkeda. Ona do eae goṭen serma goḍet ar onkoakʼ tire mucạtʼ eae goṭecʼ sạjại kana. Noako do mucạtʼ sạjại ńumogokʼ kana, ente noakote Isorakʼ edre do caba utạrokʼa.

Jirimiạ 25:15

Israelren Probhu Isor do ińe metadińạ, “Ińakʼ ti khon darkha rasa, metakʼme ińakʼ edrete perecʼ noa bạṭi hataome ar okoe jạtrenko ṭheniń kolme onko onam ńũ ocokoa.

Sereńko 75:8

Probhu Isorakʼ tire mitʼṭecʼ bạṭi menakʼa, onare do mosola mesao akatʼ cãwãoakʼ darkha rasa menakʼa. Uni do ona bạṭi khone dul oḍoka; ar dhạrtiren sanam bedhorom hoṛko ona reakʼ lenda hõ lendako hińjitʼ joṅa arko ńũiya.

1 Thessalonikikko 1:9

ente cetʼ lekape ataṅ daram akatʼle ona do hoṛkoko baḍae ocoyetʼlea. Onko do arhõko baḍae ocoakatʼlea je, ape do boṅga buruko ṭhen khon ruạṛkate cetʼleka jiwetʼ ar sạri Isor ṭhenpe hecʼakana jemon unipe sewawaete,

Johan sodor 1:18

ar ińkangeạń jaejug jiwetʼicʼ. Iń doń gocʼlena, ar ńelme, jug cetan jug hạbicʼ jiwetʼ minạńa. Iń ṭhen do moron ar patal puri reakʼ choṛan menakʼa.

Johan sodor 4:10

onko bargel pon murubbiko do siṅghạsonren ạidạriyicʼ, metakʼme okoe do jaejug hạbicʼ jiwetʼ menae uni do ombakʼkateko sewawae kana. Noko murubbiko do ona siṅghạson samaṅre akoakʼ mukuṭ bocʼ dohokateko meneda,

Johan sodor 14:10

enḍekhan uni do Isorakʼ edre reakʼ bubulakʼ ńũńũi hoyokʼtaea. Ar noa bubulakʼ sãote dakʼ baṅ mesal akatʼ Isorakʼ edre reakʼ bạṭire dul akana. Sonot sermaren goḍetko ar Bheḍa Hopon samaṅre seṅgel ar gondhokte uni hoṛ doe saset ocokʼa.

Johan sodor 17:1

Okoe eae goṭen serma goḍetkoakʼ tire eae goṭecʼ bạṭi tahẽkan onko modren mitʼ hoṛ do hecʼkateye metadińạ, “Dela hijukʼme, aema dakʼ cetanre okoe kusmbiye duṛupʼakan uniyakʼ sạjạiyiń udukʼama.