Johan sodor 14:1 - সান্তালী বাইবেল

¹ Ona tayom iń ńelkeda, Bheḍa Hopon do Sion buru coṭreye teṅgo akana. Uni soṅgere mitʼ sae pongel pon hajar hoṛ menakʼkoa. Onkoakʼ cạndire do Bheḍa Hoponakʼ ar uniren Babawakʼ ńutum ol menakʼa.

Santali Common Language New Testament

¹ Ona tayom iń ńelkeda, Bheḍa Hopon do Sion buru coṭreye teṅgo akana. Uni soṅgere mitʼ sae pongel pon hajar hoṛ menakʼkoa. Onkoakʼ cạndire do Bheḍa Hoponakʼ ar uniren Babawakʼ ńutum ol menakʼa.

Johan sodor 14:1 Referans Kwoze

Joel 2:32

Unre rukhiyạ ńam lạgitʼ jãhãege Probhu Isore hohowae uni do rukhiyại ńama, ente Probhu Isorakʼ katha leka Sion bururen ar Jerusalemren adom hoṛ do rukhiyạko ńama. Isor okoeye bachao akatʼko onko do rukhiyạ akan hoṛ talareko tahena.

Johan sodor 3:12

Ar okoeye jitạukʼa unige ińren Isorakʼ oṛakʼ reakʼ mitʼṭecʼ khũnṭiń teṅgoyea; uni do tisge bahrete bae calakʼa. Iń do ińren Isorakʼ ńutum ar ińren Isorakʼ nagraha reakʼ ńutum unireń ola. Ona nagraha do nãwã Jerusalemge. Noa do serma khon ińren Isor ṭhen khon pheḍ hijukʼa. Ar okoeye jitạukʼa, iń do unire ińakʼ ńutumiń ola.

Luk 12:8

“Ińiń metapekana, jãhãege hoṛko samaṅre ińe aṅgociń Manwa Hopon hõ uni do Isorren goḍetko samaṅreye aṅgocea.

Mikạ 4:7

Leḍhako do jiwetʼ iń dohokoa ar laga ńir hoṛko do mitʼṭen daṛean jạtreniń hoyocokoa. Ar iń Probhu Isorge enhilokʼ khon jaejug hạbicʼ Sion burure onko cetanreń rajokʼa.

Romiko lạgitʼ Pạul Apostolakʼ ciṭhi 9:33

Noa reaṅ sonot sostorre olakana, Ńelpe, Sionre tohotʼakʼ dhiri ar tạkicʼakʼ cạṭạniń dohoyeda, unire pạtiạuicʼ do baṅgeye lajao ocokʼa.

Sereńko 2:6

Probhu Isore meneda, “Okoe rajiń ojokʼ akade uni do ińakʼ sonot buru Sionreń duṛupʼ akadea.”

Johan sodor 14:14

Tayomte iń do mitʼṭecʼ ponḍ rimiliń ńelkeda, ar ona rimilre manwa Hopon leka mitʼ hoṛe duṛupʼ akan tahẽkana. Uniyakʼ bohokʼre do jitạukʼ reakʼ sona mukuṭ ar tire do laser datrom tahẽkana.

Johan sodor 15:5

Noa tayom iń doń ńelkeda, serma reakʼ ona mundil, metakʼme goha tạmbu do jhicʼena.

Jesaea 49:14

Menkhan Sion doe meneda, “Probhu Isor do ińe bạgi giḍi akadińạ, uni doe hiṛińkedeńạ.”

Johan sodor 6:8

Unre iń do mitʼṭen polso sasaṅ roṅan sadomiń ńel ńamkedea. Ar okoe uni sadomreye decʼakan tahẽkan uniyakʼ ńutum do moron; ar patal puri do uni tayom tayomteye calakʼkan tahẽkana. Dhạrti reakʼ pon hạṭiń reakʼ mitʼ hạṭiń cetanre unkin do ektiạriko ematʼkinạ, jemon unkin do tarwaṛete, akalte, mahamạrite, ar dhạrtiren bir janwarko hotete hoṛkokin gocʼko.

Johan sodor 4:1

Noa tayom iń do serma reakʼ mitʼṭecʼ duạr jhicʼ akatʼiń ńelkeda. Ar siṅgạ reakʼ saḍe leka okoeyakʼ aṛaṅ coń ańjomkeda uni doe metadińạ, “Am do nonḍe rakapʼ hijukʼme. Ar noako tayom oka hoyokʼ lạgidokʼkan onań udukʼama.”

Sakariạ 4:2

Uni doe metadińa, “Am do cetʼem ńeleda?” Ińiń roṛ ruạṛadea, “Iń do mitʼṭecʼ sona reakʼ diuhe dohowakʼ iń ńeletʼkana ar ona reakʼ bohokʼre do mitʼṭecʼ sunum reakʼ cukạkʼge. Ona diuhe dohowakʼ cetanre eae goṭecʼ diuhe ar mimitʼ goṭecʼ diuhere eae goṭecʼkate sultạ dohoy reakʼ jaega menakʼa.

Amos 8:2

Uni doe kulikedińa, “Amos, am do cetʼem ńeleda? Iń doń roṛ ruạṛkeda, “Mitʼ ḍạlicʼ jo.” Unre Probhu Isor do ińe metadińạ, “Ińren hoṛ Israelakʼ okte do caba hecʼakana; iń do ar bạń sa paromkoa.

Daniel 12:5

Unre iń Daniel doń beṅgetʼketʼ khan eṭakʼ bar hoṛ iń samaṅre teṅgo akaniń ńelketʼkinạ. Unkin modren mitʼ hoṛ do gaḍa niạsare ar eṭakʼ armitʼ hoṛ do gaḍa hanasareye tahẽkana.

Jeheskel 44:4

Ona tayom uni manwa do utạr duạr reakʼ horte mundil oṛakʼ samaṅreye ạgukedińa. Ińiń ńelkeda Probhu Isorakʼ oṛakʼ do uniyakʼ ṭhonokte perecʼ akana; ar unre iń doń taberena.

Jeheskel 10:1

Ona tayom beṅgetʼkateń ńelkeda, ar Kerubkoakʼ bohokʼ cetan secʼre okaṭakʼ aṭetʼ tahẽkan ona cetanre nilkanto dhiri reakʼ siṅghạson lekań ńel ńamkeda.

Jeheskel 8:7

Ona tayom uni do bakher racate bolokʼ horreye idikedińa. Iń do bhitre mitʼṭecʼ bhugạkʼ iń ńel ńamkeda.

Jeheskel 2:9

Unre beṅgetʼkateń ńelkeda iń secʼ mitʼṭecʼ ti do tiạr akana. Ar onare mitʼṭecʼ guṛhe puthi menakʼa.

Jeheskel 1:4

Iń do beṅgetʼ rakapʼketʼteń ńelkeda utạr secʼ khon mitʼṭecʼ birbão hoe hijukʼkana, mitʼṭecʼ maraṅ rimilre bijli malkaokʼ kana ar ona beṛhaete do jhak jhak marsal tahẽkana. Ona bijli talare pitạl reakʼ jhalkaokʼkan mitʼṭecʼ marsal tahẽkana.

Jirimiạ 1:11

Ona tayom Probhu Isor doe kulikedeńạ, “E Jirimiạ, am do cetʼem ńeleda?” Ińiń roṛ ruạṛadea, “Iń do badam dare reakʼ mitʼṭen ḍạriń ńel ńameda.”

Jeheskel 10:9

Ona tayom iń do Kerubko secʼ iń beṅgetʼketʼ khan onko aṛere mitʼṭecʼkate jotote ponea pạihạ̃ń ńel ńamkeda; pạihạ̃ko do Boidurjomoni dhiri leka jhak jhakaokʼkan tahẽkana. Ona ponea pạihạ̃ do ńelokʼte mitʼ muṭhạnge tahẽkana; mitʼṭecʼ pạihạ̃ bhitrire ar mitʼṭecʼ pạihạ̃ menakʼ leka.

Jeheskel 9:4

Uni doe metadea, “Am do Jerusalem nagraha talate parom calakʼme ar ona talare okako bạṛicʼakʼ kạmi hoyakan ar ona iạte okoeko kũhrạuetʼkan onkoakʼ moloṅre mitʼṭecʼ cinhạ emakom.”

Johan sodor 14:3

Ona siṅghạson ar onko ponea jiwiyanko ar onko mukhiyạko samaṅre onko do mitʼṭecʼ nãwã sereńko sereńkeda. Menkhan okoe hõ ona sereń do bako cetʼdaṛeada; eken onko mitʼ sae pongel pon hajar hoṛko cetʼdaṛeada okoe do dhạrtiren hoṛko khonko kiriń ocolen.

Johan sodor 22:4

Onko do uniyakʼ mẽtʼãhãko ńeltaea ar uniyakʼ ńutum do onkoakʼ moloṅre ol tahena.