Johan sodor 10:6 - সান্তালী বাইবেল

⁶ Ar jaejug hạbicʼ jiwetʼ menae sermako, otko, jalapuriko ar onakore menakʼ sanamakʼe sirjạuakatʼ, uniyakʼ ńutumte kiriạkate uni serma goḍet doe menkeda, “Ar baṅ bilomokʼa.

Santali Common Language New Testament

⁶ Ar jaejug hạbicʼ jiwetʼ menae serma, ot, jalapuri ar onakore menakʼ sanamakʼe sirjạuakatʼ, uniakʼ ńutumte kiriyạkate uni serma goḍet doe menkeda, “Ar baṅ bilomokʼa.

Johan sodor 10:6 Referans Kwoze

Johan sodor 4:11

“E aleren Probhu Isor, amge man ar ṭhonok ar daṛe ńam lek kanam, ente amge jotowakʼem sirjạu akada; ar amakʼ monejoṅakʼ lekage onako do sirjạu akana ar ṭikạu menakʼa.”

Johan sodor 16:17

Ar eaeyicʼ goḍet do acʼakʼ bạṭi reakʼ hoe secʼe dulkeda. Unre mundil reakʼ siṅghạson khon ãṭ aṛaṅte noa katha roṛena, “Oka hoyokʼ reakʼ ona do hoyena.”

Johan sodor 4:9

Onko jiwiyanko do siṅghạsonre duṛupʼakanicʼ one uni jug cetan jug jiwetʼe tahenkan ṭhonok ar man ar gun manao joharko emae jokhecʼ,

Genesis 14:22

Abram do Sodomren raje metadea, “Serma ar ot okoeye sirjạu akatʼ uni maraṅ Probhu Isorakʼ ńutumte ti tulkań kiriạkʼ kana,

Exodus 6:8

Okaṭakʼ disạm do Abraham, Isahak ar Jakob ṭhen emokʼ lạgitʼ iń gokʼletʼ ona disạmtegeń idipea ar ona disạm reakʼ ạidạriń emapea. Ar ińkangeạń Probhu Isor do.’ ”

Exodus 20:11

Probhu Isor do turui dinre serma ar ot ar jalapuri ar onare menakʼ jotowakʼe sirjạukeda, menkhan eae din hilokʼ doe jirạuena. Ona iạte Probhu Isor do ona dine bhoratʼa ar acʼ lạgitʼe begar dohokada.

Numeri 14:30

Ar girobasokʼ lạgitʼ oka disạm emapeyiń gokʼletʼ eken Jephun hopon Kaleb ar Nunren hopon Josuạ chaḍa ar okoe hõ ona disạmte bako bolo ńama.

Jeheskel 20:5

Onkom metakoa, Probhu Isore meneda, ‘oka hilokʼ Israeliń bachaolede enhilokʼ Jakob bõsren hoṛko ṭheniń kiriạlena ar Misorre onko ṭheniń sodorlena. Iń do kiriạkate onkoń metatʼko tahẽkana, ińkangeạń onkoren Probhu Isor do.

Daniel 12:7

Unre iń doń ańjomkeda, gaḍa dakʼ cetanreye tahẽkan mĩhĩ musnạ kicricʼ horokʼ akatʼ uni hoṛ do acʼakʼ banar ti serma secʼ rakapʼkate okoe do jaejug jiwetʼ menae uni ńutumte kiriạkateye menkeda, “Pe bochor tala okte do lagaokʼa. Ar mucạtʼre Isorren hoṛkoakʼ daṛe do tinre rạputʼ utạrokʼa unre noako katha do purạukʼa.”

Johan sodor 1:18

ar ińkangeạń jaejug jiwetʼicʼ. Iń doń gocʼlena, ar ńelme, jug cetan jug hạbicʼ jiwetʼ minạńa. Iń ṭhen do moron ar patal puri reakʼ choṛan menakʼa.

Johan sodor 4:10

onko bargel pon murubbiko do siṅghạsonren ạidạriyicʼ, metakʼme okoe do jaejug hạbicʼ jiwetʼ menae uni do ombakʼkateko sewawae kana. Noko murubbiko do ona siṅghạson samaṅre akoakʼ mukuṭ bocʼ dohokateko meneda,

Johan sodor 6:11

Unre onko mimitʼ hoṛ do mitʼṭecʼkate ponḍ oyon kicricʼko ematʼkoa arko metatʼkoa, onkoren são gutiko ar boehako, okoe do ako lekako gocʼ ocokʼ onkoakʼ lekha ạuri purạukʼ hạbicʼ jemon arhõ thoṛa ghạṛicʼ ńel hor akaereko tahen.

Johan sodor 12:12

“Onate E serma, hulạsokʼme; ar ape okoe do onḍepe tahenkan, hulạsokʼpe. Menkhan dhạrti ar jalapuri abenre do hae hae, ente Soetan do aben cetanreye pheḍ hecʼakana. Soetan do raṅgaoteye phulạu akana, enteye baḍaea uniyakʼ do ḍher somoe bạnukʼtaea.”

Johan sodor 21:6

Uni do arhõe metadińạ, “Hoyena. Ińge Alpha ar Omega, etohopʼ ar mucạtʼtetʼ. Okoe tetaṅ edekan uni do jiwetʼ dakʼ reakʼ jharna khon begor damteń ńũ ocoyea.