Johan sodor 10:2 - সান্তালী বাইবেল

^2-3 Uniyakʼ tire do oṭakʼ akatʼ mitʼṭecʼ huḍiń puthi tahẽkana. Uni do acʼakʼ jojom jaṅga jalapurire ar leṅga jaṅga do otre dohokate dhạcri kule hạnḍrạukʼkan leka ãṭ aṛaṅteye hohokeda. Uniyakʼ hoho são sãote eae goṭecʼ huḍur saḍeyena.

Santali Common Language New Testament

^2-3 Uniakʼ tire do oṭakʼ akatʼ mitʼṭecʼ huḍiń puthi tahẽkana. Uni do acʼakʼ jojom jaṅga jalapurire ar leṅga jaṅga do otre dohokate dhạcri kule hạnḍrạukʼkan leka ãṭ aṛaṅteye hohokeda. Uniakʼ hoho são sãote eae goṭecʼ huḍur saḍeyena.

Johan sodor 10:2 Referans Kwoze

Johan sodor 10:5

Okoeṭakʼ serma goḍet do jalapuri ar otre teṅgo akaniń ńellede uni do acʼakʼ jojomti serma secʼe tulkeda.

Johan sodor 6:3

Bheḍa Hopon do dosarakʼ mohor chape raṛayetʼ tahẽkanre iń do dosaricʼ jiwiyanicʼ roroṛkaniń ańjomkedea, “Dela hijukʼme.”

Mathae 28:18

Unre Jisu do hecʼsorkateye metatʼkoa “Serma ar dhạrti reakʼ sanam ektiạri do iń ṭhen emakana.

Sereńko 65:5

E aleren babańcaoicʼ Isor, amakʼ dhorom reakʼ botoranakʼ kạmikote am do aleakʼ hohom luturakʼa. Dhạrtiren sanam manwa, ar sanam khon sạṅgińrenko ar jalapuri hanasaren hoṛko hõ amreko bhorsakʼa.

Sereńko 2:8

Am do iń ṭhen khojogokʼme, ado porjạtrenko amakʼ sompotti menteń emama ar goṭa dhạrtige amakʼ ạidạrire hijukʼa.

Johan sodor 6:1

Bheḍa Hopon do ona eae goṭecʼ mohor chapko reakʼ pạhilakʼe raṛaketʼ khan iń ńelkeda; onko ponea jiwiyanko modren mitʼṭen do huḍur reakʼ aṛaṅ leka roroṛkaniń ańjomkedea, “Dela hijukʼme.” Unre iń do mitʼṭen ponḍ sadomiń ńelkedea.

Jesaea 59:19

Pạchim secʼren hoṛko do Probhu Isorko botoraea ar purub secʼren hoṛ do uniyakʼ mạhima ńelteko botorokʼa, ente Probhu Isor do acʼakʼ sahẽtʼteye laga ńiretʼkan ḍubạ dakʼ lekae hijukʼa.