Johan sodor 10:11 - সান্তালী বাইবেল

¹¹ Ona tayom noa kathań menocoyena, “Am do arhõ ạḍi utạr disạmko, jạtrenko, pạrsiko ar rajko reaṅ nạbi kathako roroṛ hoyokʼtama.”

Santali Common Language New Testament

¹¹ Ona tayom noa kathań menocoyena, “Am do arhõ ạḍi utạr disạmko, jạtko, pạrsiko ar rajko reaṅ nạbi kathako roroṛ hoyokʼtama.”

Johan sodor 10:11 Referans Kwoze

Jeheskel 37:4

Unre uni do ona jaṅko ṭhen noa nạbi katha roroṛe metadińạ, “E rohoṛ jaṅko, ape do Probhu Isorakʼ katha ańjompe.

Johan sodor 17:15

Ona tayom uni serma goḍete metadińạ, “Am do oka dakʼem ńelketʼ, okare uni kusmbiye duṛupʼakan, ona do ạḍi utạr disạm kana, ạḍi utạr hoṛ kanako, ạḍi utạr jạtrenko ar ạḍi utạr pạrsiko kana.

Johan sodor 14:6

Ona tayom iń do arhõ mitʼṭen serma goḍet coṭ sermare uḍạukʼkaniń ńelkedea. Dhạrtiren tahenkan hoṛko ṭhen metakʼme mimitʼ jạtren, bõsren, pạrsiren, ar disạmren hoṛko ṭhen porcar lạgitʼ uni ṭhen jaejug hạbicʼ reakʼ bhage sombat tahẽkana.

Johan sodor 11:9

Unre sanam disạmren, jạt jạtren, khuṭren ar pạrsiren hoṛko do pe din tala hạbicʼ unkinakʼ mạ̃ṛĩko beṅgetʼakʼa.

Jeheskel 37:9

Unre uni do ińe metadińạ, “Am do hoe ńutumte nạbi katha roṛme; E manwa hopon, noa nạbi katha roṛme, Probhu Isore menetʼkana, ‘E hoe, am do beṛhae secʼ khon hijukʼme ar noko gocʼ hoṛkore sahẽtʼ emokʼme jemonko jiwedokʼ.’ ”

Johan sodor 5:9

Onko do noa nãwã sereńko sereńetʼ tahẽkana: “Amge ona puthi hataokate mohor chapko raṛae reakʼ lek kanam, ente am dom gocʼ ocolena. Amge amakʼ mãyãmte mimitʼ bõsko, pạrsirenko, disạmrenko ar jạt jạtrenko mod khon Isor lạgitʼ hoṛkom kiriń akatʼkoa.

Johan sodor 10:10

Unre serma goḍetakʼ ti khon ona huḍiń puthi hataokateń jom gotʼkada. Ar mocare do dumur rasa lekań ạikạukeda, menkhaniń jomketʼ khan lacʼ do haṛhatʼentińạ.

Johan sodor 11:1

Ona tayom sosoṅ ṭheṅga lekanakʼ mitʼṭecʼ chuchi ṭheṅga em ocokateń men ocoyena, “Mundil ar pinḍ soṅme ar okoeko onḍe Isorko sewawae kan onko hõ lekhakom.

Johan sodor 17:10

Onko rapajko modre mõṛẽ goṭen do laharegeko ńur akana, ar mitʼ hoṛ do ńit hõ menaegea ar eṭakʼicʼ do ńit hõ bae hecʼakana. Ar uni raje hecʼlen khan uni do thoṛa din hạbicʼ tahentege hoyokʼtaea.

Johan sodor 17:12

“Oka gel goṭecʼ bohokʼem ńelakatʼ onako do gel goṭen rapajko kanako. Onko do ńit hõ rajosṭi bako ńam akada, menkhan onko do uni janwar tulucʼ mitʼ ghuṛi lạgitʼ rapajko lekate ektiạriko ńama.

Jirimiạ 25:13

Iń do onako sanam disạm upạrte okako kathań roṛletʼ okaṭakʼ do noa puthire ol menakʼ, metakʼme sanam jạtrenko upạrte Jirimiạ nạbi oka kathae nạbiyakatʼ ona disạmre iń do onakoń paṛao ocoya.