Johan sodor 1:5 - সান্তালী বাইবেল

⁵ Jisu kangeae pạtiạricʼ goha do ar gocʼko khon unige pạhil dhaoe jiwetʼ beretʼakana, ar dhạrtiren rapajkoren raj doe uni kangea. Uni do aboe dulạṛetʼbona ar acʼakʼ mãyãmte kại khone chaḍaoketʼbona.

Santali Common Language New Testament

⁵ Jisu kangeae pạtiạricʼ goha do ar gocʼko khon unige pạhil dhaoe jiwetʼ beretʼlena, ar dhạrtiren rapajkoren raj doe uni kangea. Uni do aboe dulạṛetʼbona ar acʼakʼ mãyãmte kại khone chaḍaoketʼbona.

Johan sodor 1:5 Referans Kwoze

Sereńko 89:27

Uni do ińren pạhilicʼ hoponiń hoeocoyea; Dhạrtiren rapajko modre uni doń maraṅea.

Ibriko 9:14

Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.

1 Johan 1:7

Menkhan Isor do cetʼleka marsalre menae ar onkage abo hõ marsalre bon taṛametʼ khan enḍekhan abo talare helmel menakʼtabona ar uniren Hopon Jisuakʼ mãyãm do sanam kại khone sapha bona.

Johan sodor 17:14

Onko do Bheḍa Hopon upạrteko lạṛhạiya ar Bheḍa Hopon do onkoe bhagaokoa, ente uni do Probhukoren Probhu ar raj koren raj kanae. Ar okoeko hoho ocoakan arko bachao ocoakan ar okoe doko pạtiạrkokan onkoge uni tulucʼko tahena.”

Kolossiko lạgitʼ Pạul Apostolakʼ ciṭhi 1:18

Ona chaḍa unige acʼakʼ hoṛmoren, metakʼme manḍerren matha kanae. Unige pạhilicʼ ar unige pạhilre gocʼko khone jiwetʼ beretʼena, jemon unige jotowakʼren maraṅicʼe hoydaṛeakʼ.

1 Patras 1:19

ape dope kiriń chaḍao akana niphuṭ ar bedagan Bheḍa Hopon Jisu Mạsiyakʼ mãyãmte.

Aposkạmi 26:23

Ar ona katha do hoyokʼ kana, Mạsi do duk jojom hoyokʼtaea ar unige pạhilre gocʼko khone jewetʼ beredokʼte acʼ jạtrenko ar boṅgan hoṛ jạtrenko ṭhen marsalakʼ rajosṭi reaṅ lại jạhir hoyokʼtaea.”

Johan sodor 19:16

Ar uniyakʼ kicricʼre ar bulure noa ńutum ol menakʼa, “Rajkoren raj, ar Probhukoren Probhu.”

1 Johan 4:10

Isor do abogebon dulạṛ akadea ona do baṅ, menkhan unigeye dulạṛketʼ bonte acʼren Hopone kolkedea, jemon Hopon do acʼakʼ jiwiye alaete aboakʼ kạiko meṭaokate Isore kusi ocoye. Ar noa kangea dulạṛ do.

Johan 18:37

Pilạt do Jisui metadea, “Enḍekhan am do cetʼ raj kanam?” Jisui roṛ ruạṛkeda, “Am do ṭhikgem menakada, iń doń raj kana. Iń do sạri goha emokʼ lạgitʼgeń janam akana ar ona lạgitʼge dhạrtiteń hecʼakana. Ar okoeye sạriyakʼren kan uni do ińakʼ kathae ańjoma.”

Johan sodor 3:14

“Laodikiạ nagraha reakʼ manḍerren goḍet ṭhen noa ciṭhi olme, “Okoe do Amen, ar okoe do pạtiạricʼ are sạri goha kan, ar okoe doe Isorakʼ sirjonren etohopʼicʼkan, uni do noa kathae meneda: iń do amakʼ kạmiko reakʼ iń baḍaea.

Johan sodor 7:14

Adoń metadea, “Ńelme, ona do amgem baḍaea.” Uni doe metadińạ, “Ona maraṅ saset khon okoeko hecʼakan onko doko noko kangea. Onko do akoakʼ kicricʼko Bheḍa Hoponakʼ mãyãmte ạrupʼkateko ponḍ akatʼtakoa.

Mathae 28:18

Unre Jisu do hecʼsorkateye metatʼkoa “Serma ar dhạrti reakʼ sanam ektiạri do iń ṭhen emakana.

Sereńko 72:11

Sanam rajko do uniko ḍobokʼae ma. Ar sanam jạtrenko hõ uniko sewawae ma.

1Timothi 6:15

Uni maraṅ bhạgan Isor, one uni eskar cakʼlaoyicʼ ar rapajkoren raj are Probhukoren Probhu kan, unige acʼakʼ okte nạpitre Mạsiye sodorea.

Ephesiko lạgitʼ Pạul Apostolakʼ ciṭhi 2:4

Menkhan Isor do mãyãteye perecʼgea; uni do ạḍiye dulạṛetʼ bona.

Ephesiko lạgitʼ Pạul Apostolakʼ ciṭhi 5:2

Mạsi cetʼlekae dulạṛaketʼ bon ar abon lạgitʼ Isor ńutumte jut so lạgitʼ samaṅokʼakʼ lekate acʼtetʼgeye emen, ṭhik onkage ape hõ dulạṛ horte taṛampe.

Aposkạmi 20:28

Ape do apnar lạgitʼ sontor akae tahenpe, ar okoe sonot Jiu biswạsikoren horhoyicʼ lekate ape cetanreye emakan uni lạgitʼ hõ sontor akae tahenpe. Gupiyicʼ do cetʼleka acʼakʼ palren bhiḍikoe ńel todarotetʼko onkage ape hõ Isorakʼ manḍerko ńel todarotpe. Ente Isor do acʼakʼ mãyãmte onako manḍerre kirińakada.

Daniel 7:14

Uni manwa hopon do ektiạri, ṭhonok ar rajosṭiye emocoyena jemon sanam jạtrenko, disạmrenko ar pạrsirenko uniko sewawae. Uniyakʼ rajosṭi do jaejug hạbicʼ tahena; ona do baṅ mucạdokʼa ar uniyakʼ rajosṭi hõ tisge baṅ maraokʼtaea.

Galathiko lạgitʼ Pạul Apostolakʼ ciṭhi 2:20

Iń do Mạsi tulucʼ iń kurus ocoakana. Onate jiwetʼ do bạnuńa, menkhan Mạsige ińre jiwetʼ menaea. Ar okaṭakʼ hoṛmote jioniń khemaokan ona do Isorren Hoponre pạtiạu hotetegeń khemaoeda. Uni do ińe dulạṛkedeńte acʼ apnartetʼe emena.

Sakariạ 13:1

“Iń phạdkoren Probhu Isorgeń meneda, enhilokʼ Dạudakʼ bõsren ar Jerusalemren hoṛkoakʼ kại ar besapha akanakʼ ạrupʼ saphae lạgitʼ mitʼṭecʼ jharna do jhijogokʼa. Ar enhilokʼ do disạm khon boṅgako sạṅgiń ocokʼa ar onkoakʼ ńutum do celehõ bako disạiya. Disạm khon onkoren nạbikoń sạṅgiń giḍikakoa ar bạṛicʼ jiuko hõń sạṅgińkoa.

Jesaea 55:4

Ńelpe, jạt jạtrenko lạgitʼ uni do mitʼṭecʼ goha lekań teṅgo akadea, hoṛkoren mitʼṭecʼ ạyuricʼ ar cakʼlaoicʼge.

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

1Timothi 6:13

Isor, okoe do sanamakʼe jiwetʼ ocoyetʼ ar Mạsi Jisu, one uni do Pontus Pilạt ṭhen sạriyakʼ reakʼ gohae emletʼ, uni Isor ar Jisu Mạsi samaṅre iń do noań hukumam kana,

1 Korinthiko 6:11

Ape modre adomko do onkageko tahẽkana, menkhan Probhu Jisu Mạsi ńutumte ar aboren Isorren Jiu hotete ape dope ạrupʼ sapha ocoakana, ar Isor lạgitʼpe sonot ocoakana arpe dhorom ocoakana.

Johan 15:9

Baba cetʼlekae dulạṛ akadiń ińhõ onkage apeń dulạṛakatʼpea. Ińakʼ dulạṛre tahenpe.

Johan 13:1

Sen-parom porob thoṛa laha reakʼ ghoṭna. Jisu do noa dhạrti bạgikate Baba ṭhen calakʼ reakʼ okte seṭer akana menteye bujhạu daṛeatʼ tahẽkana. Ar dhạrtire okoeko acʼren hoṛko tahẽkan onkoe dulạṛetʼko tahẽkana ar mucạtʼ hạbicʼe dulạṛketʼkoa.

Dosar Biboron 7:8

Uni doe onka akada apere uniyakʼ dulạṛ iạte ar aperen hapṛamko ṭhene kiriạlen iạte. Ar onate uni do acʼakʼ daṛeanakʼ titeye oḍok ạguakatʼpea ar Misorren Pharao rajakʼ ti khon ar golam oṛakʼ khone chaḍao akatʼpea.

Romiko lạgitʼ Pạul Apostolakʼ ciṭhi 8:37

Menkhan okoe apeye dulạṛetʼpe uni hotete noa sanamakʼ talate hõ abo do purạute bon jitạu akana.

Johan 13:34

Mitʼṭecʼ nãwã hukumiń emape kana dupulạṛpe. Cetʼleka iń do apeń dulạṛ akatʼpe onkage ape hõ dupulạṛpe.

Johan 3:32

Uni do okae ńelakatʼ ar okae ańjomakatʼ ona reakʼ gohageye ema, menkhan okoe hõ uniyakʼ goha do bako aṅgoctaea.

Johan 3:11

Sạrigeń metamkana, ale okale baḍae akatʼ onagele roṛeda ar okale ńelakatʼ ona reaṅge gohale emeda, menkhan ape do aleakʼ goha bape luturakʼ kana.

Dosar Biboron 23:5

Menkhan aperen Probhu Isor do Biliamakʼ katha bae luturada; ar ape bako dulạṛletʼpe iạte uni do sarap bodolteye bhoratʼpea.

Daniel 2:2

Ar acʼakʼ kukmũ reakʼ bhed baḍaejoṅ lạgitʼte uni do gonokko, gunidarko, muhnidarko ar kạldikoe hoho ạgu ocoketʼkoa. Arko hecʼen khan onko do raj samaṅreko teṅgoyena.

Sereńko 51:2

Ińakʼ sanam ghạṭko khon ạrupʼ saphayińme; ińakʼ kại khon sapha utạr kạńme baṛe.

Kạhtukko 14:5

Pạtiạr goha do eṛe katha bae roṛa, menkhan phạsiạra goha do eṛe kathae roṛa.

Mathae 20:28

Manwa Hopon do sapʼsor ocokʼ do bae hecʼakana, bickom sapʼsosor lạgitʼge, ar ạḍi utạr hoṛko bodolte chaḍaokʼ reakʼ dam menkate acʼakʼ jiwi emokʼgeye hecʼakana.”

Johan 3:16

“Isor do dhạrtirenko nonkae dulạṛketʼkoa acʼren eskar janam Hopongeye emkedea, jemon unire pạtiạukʼ mitʼke mitʼ hoṛ aloko nosṭokʼ bickom jaejug jion tahentako.

Romiko lạgitʼ Pạul Apostolakʼ ciṭhi 3:25

Isor doe sodorakatʼ tahẽkana je, okoeko pạtiạukʼkan onko lạgitʼ Jisu Mạsi do acʼakʼ mãyãm hotete, metakʼme acʼakʼ jiwiye alaeketʼte uniye kusi ocokedea. Nonkate Isor doe udukʼ akada acʼakʼ sahao gun iạte manwakoakʼ lahateakʼ kại reakʼ sạjại bae emlenre hõ uni doe dhoromgea.

Ibriko 10:29

Enḍekhan Isorren Hopon okoeye kurud akawade, oka mãyãmte uniye sapha akan Isorakʼ ona bondobos reakʼ mãyãm okoe be sonotakʼ menteye bujhạuetʼ ar okoe dayae emokʼkan uni sonot Jiu okoeye bemanot akade, enḍekhan hudispe, uni do tinạkʼ artetʼ sạjạiyokʼ lek kanae!

Johan sodor 2:13

Am okarem tahenkan ona doń baḍaegea; onḍe do Soetanakʼ siṅghạson menakʼa. Enhõ am do ińre pạtiạr menama ar iń cetanre amakʼ pạtiạu do bam baṅ akada. Okare Soetane tahenkan onḍe ińren pạtiạricʼ goha Antipas do ape samaṅreye khũn ocolenre hõ am do amakʼ pạtiạu bam baṅlakʼa.

Johan sodor 11:3

Menkhan ińren banar gohakin nonkan ektiạriń emakinạ onate unkin do gõṛẽ kicricʼ horokʼkate mitʼ hajar bar sae turui gel din hạbicʼ kin nạbiya.”

Johan sodor 19:11

Tayomte iń do serma jhicʼ akan, ar onḍe mitʼṭen ponḍ sadomiń ńelkedea. Ar okoe uni sadomreye decʼakan tahẽkan uniyakʼ ńutum do pạtiạr ar sạriyicʼ. Uni do dhoromteye bicạreda are lạṛhại kana.

Levitikus 13:58

Ona jinis saphae tayom polso dag baṅ ńelokʼ khan ona do arhõ sapha doṛhae hoyokʼa, ar onate ona do saphakʼa.”

Dosar Biboron 18:2

Israel boehako talare sompotti mente onko do cetʼge baṅ tahentakoa. Probhu Isorakʼ gokʼakʼ lekate Isorge onkoren sompotti doe hoyokʼa.