Johan 8:48 - সান্তালী বাইবেল

⁴⁸ Unre Jihudi mukhiyạko do Jisuko metadea, “Ale do cetʼ ṭhik kathage bale meneda baṅma, am dom Samariạ kana ar amre do bhut menaea mente?”

Santali Common Language New Testament

⁴⁸ Unre Jihudi mukhiạko do Jisuko metadea, “Ale do cetʼ ṭhik kathage bale meneda baṅma, am dom Samariạ kana ar amre do bhut menaea mente?”

Johan 8:48 Referans Kwoze

Johan 7:20

Onkoko roṛ ruạṛadea, “Amre do bhut menaea; okoe am gocʼme lạgitʼ doe kurumuṭukana?”

Johan 8:52

Jihudi mukhiyạko do uniko metadea, “Ale do ńitokʼ sạrigele bujhạueda je, amre do bhut menaea. Abraham ar nạbiko hõko gocʼena, ar am dom meneda, ‘jãhãege ińakʼ katha lekae senokʼ uni do tis hõ bae gujukʼa.’ Am do cetʼ baba Abraham khon hõm maraṅgea?

Johan 10:20

Onko modren ḍher hoṛko menkeda, “Unire do bhut menaea, uni doe bạulạha akana; cedakʼ uniyakʼ katha dope ańjometʼtaea?”

Johan 4:9

Uni Samariạ maejiue menkeda, “Iń doń Samariạ maejiukana. Ar Jihudi hoykate cekate am do dakʼem koeyeń kana?” Maejiu do noa iạteye menkeda ente Jihudi ar Samariạko do bako duṛupʼ teṅgonkan tahẽkana.

Mathae 15:7

E Phạsiạrako! Jesaea nạbi do ṭhikge ape reaṅe nạbileda,

Mathae 12:24

Noa katha ańjomkate Phạrusikoko menkeda, “Nui do bhutkoren raj Beelsebul hotete bhutkoe oḍok giḍiyetʼkoa.”

Mathae 10:25

Cela lạgitʼ do niạge ḍhera acʼren guru lekae hoyokʼ ar golam hõ acʼren kisạ̃ṛ leka. Oṛakʼren kisạ̃ṛge Beelsebulko metaekan khan gharońjrenko do tinạkʼ artetʼgeko metakoa.

Mathae 10:5

Jisu do onko gelbarko noa hukumatʼkoteye kolketʼkoa, “Boṅgan hoṛ jạtrenko ṭhen do alope calakʼa ar Samariạkoakʼ okaṭakʼ atote hõ alope bolokʼa,

Jakob 2:19

Am do mitʼ Isorrem pạtiạu akana? Bhagegea! Menkhan bạṛicʼ jiuko hõ coṅ ona mako pạtiạukʼkan ar botorteko dhak dhakaokʼkan.

Romiko lạgitʼ Pạul Apostolakʼ ciṭhi 15:3

Mạsi hõ apnartetʼ do bae kusi ocolena. Sonot sostorre olakana, “Okoe amko opomanetʼme onkoakʼ sanam opoman do ińrege paṛaokʼ kana.”

Johan 13:13

Ape do Guru ar Probhu mentepe hohowạńkana, ar ona do ṭhikgepe meneda, ente uni kangeạń.

Jesaea 53:3

Hoṛko do uniko hirkhạwadea arko nihạ̃tkedea; uni do duk jom ar harkhet saset bakʼḍayicʼgeye tahẽkana. Uni ńelte hoṛko do mẽtʼãhãko bedokʼkan tahẽkana; onko do uniko hirkhạwae kan tahẽkana ar abo hõ babon manotledea.

Jesaea 49:7

Hoṛko okoeko nihạ̃t giḍi akade arko hirkhạwaekan, okoe doe disạm cakʼlaokoren golamkan, uni Israelren sonoticʼ ar chakʼḍaoicʼ do Probhu Isor niạ kathae metaekana, “Rapajko do am ńelteko beredokʼa, ar mukhiyạko do amko ḍobokʼama, ente Probhu Isor do ame bachao akatʼmea; Israelren uni sonoticʼ doe pạtiạranicʼ kana.”

Ibriko 13:13

Onate dela bon, uniyakʼ henosta bon gogte nagraha bahre uni ṭhen bon calakʼma,

Mathae 12:31

Noa iạtegeń metapekana, manwakoakʼ joto lekan kại ar Isor upạrte opoman katha do ikạkʼtaea, menkhan sonot Jiu upạrte opoman katha do tishõ baṅ ikạkʼtakoa.

Mathae 11:18

Johan do hecʼkate jom hõ bae jometʼ tahẽkana ar ńũ hõ bae ńũiyetʼ tahẽkana, onate hoṛko meneda unire do bhut menaea.

Johan 1:19

Jihudi mukhiyạko do Jerusalem nagraha khon naekeko ar Liwiko Johan ṭhenko kolketʼko khan Johan do onko ṭhen gohae emkeda. Onko doko kulikedea, “Am dom okoe kana?”

Johan 8:22

Unre Jihudi mukhiyạko menkeda, “Acʼtegeye gujukʼa se cetʼ? Enteye meneda, ‘iń okateń calakʼkan onḍe do bape sen daṛeakʼa.’ ”