Johan 8:37 - সান্তালী বাইবেল

³⁷ Baḍaegeạń Abrahamren bõsko kanape, menkhan enhõ ape do gojeńpe menjoṅkana, ente ińakʼ katha do apeakʼ ontorre jaega bae ńameda.

Santali Common Language New Testament

³⁷ Baḍaegeạń Abrahamren bõsko kanape, menkhan enhõ ape do gojeńpe menjoṅkana, ente ińakʼ katha do apeakʼ ontorre jaega bae ńameda.

Johan 8:37 Referans Kwoze

1 Korinthiko 2:14

Okoe Jiurene baṅkan, uni do Isorren Jiu ṭhen khon oka hijukʼ ona bae aṅgoca; ente uni ṭhen ona do lelhateakʼ kana. Uni do onako bae baḍae daṛeakʼa, ente sonot Jiu bae cetʼae khan onako do ohoe tojbij daṛelea.

Romiko lạgitʼ Pạul Apostolakʼ ciṭhi 9:7

Onko doko Abrahamren bõskanre hõ uniren sạriyakʼren hopon doko baṅkana, bickom sonot sostor reakʼ katha leka, “Isạhakren bõskoge amren bõs menteko lekhakʼa.”

Johan 7:1

Noa tayom Jisu do Gạlilregeye dãṛãnkan tahẽkana. Ar Jihudi mukhiyạko gojeko menetʼ tahẽkante uni do Jihudạ disạmre dãṛãne bạgikeda.

Aposkạmi 13:26

“E boehako, Abrahamren hoponko ar Isor botoraekanko, kại khon bańcao reakʼ noa khobor do abon ṭhenge kolakana.

Johan 8:43

Cetʼ iạte ińakʼ kathako bape bujhạueda? Ente ape do ińakʼ roṛ bape sahao daṛeakʼ kana.

Johan 11:53

Ado enhilokʼ khon Jihudi mukhiyạko do Jisu goje lạgitʼ soṛojontroko ehopʼena.

Johan 7:19

Mose do cetʼ ạn-ạriko bae emakatʼpea? Menkhan ape modre okoe hõ onako ạn do bape manaoeda. Enḍekhan cedakʼ gojeń lạgitʼ dope kurumuṭuyeda?”

Johan 10:31

Unre Jihudi mukhiyạko do tińe lạgitʼ dhiriko halaṅkeda.

Johan 8:6

Onko do Jisu biḍạue lạgitʼ noa kathako roṛkeda, jemon dusire paṛaoe lạgitʼ mitʼṭecʼ ạtko ńam daṛeakʼ. Unre Jisu do tumbutʼkate kạṭupʼte otre olokʼe ehopʼena.

Johan 7:25

Unre Jerusalemren adom adom hoṛko menkeda, “Mukhiyạko gojeko menetʼkan hoṛ do cetʼ nui kangeae?

Johan 5:44

Ape do eṭakʼko ṭhen khon sarhao ocokʼpe ńamkana, menkhan okaṭakʼ sarhao eken Isor ṭhen khon ńamokʼ ona reakʼ do bape kurumuṭuyeda. Ar noa tayom do cekatepe pạtiạu daṛekokʼa?

Mathae 13:15

Noko hoṛkoakʼ ontor do goṛdho akana ar lutur hõ tepetʼakan takoa, onko do mẽtʼ doko jạpitʼ akatʼtakoa, jemon mẽtʼte aloko ńeńel, luturte aloko ańjom ar ontorte aloko bujhạu, ar bogekʼ lạgitʼ iń ṭhen aloko ruạṛ hijukʼ.

Johan 8:33

Unre Jihudi mukhiyạko do Jisuko metadea, “Ale do Abrahamren bõs kanale; ar tisge okoeren golam hõ bale hoyakana. Am do cekatem meneda, ale dole sạdhin ocokʼa?”

Mathae 3:9

Ar Abraham bõsren hoṛ kanape, mente monre alope hudisjoṅa. Ińiń metapekana, noako dhiri khon Isor do Abrahamren bõskoe benao daṛeakoa.

Johan 8:56

Aperen baba Abraham hõ ińakʼ dinko ńel lạgitʼe hulạslena. Menkhan uni doe ńelleda ar kusi hõe kusilena.”

1 Johan 2:14

E hoponińko, apeń olapekana, ente ape do Isor Babape baḍae akadea. E babako, iń do apeń ol ape kana, ente okoe pạhil khon menae unipe baḍae akadea. E juạnko, apeń ol ape kana, ente ape dope daṛeanko kana ar Isorakʼ katha apeakʼ ontorre menakʼa, ar ape do Soetanpe bhagao akadea.