Johan 8:32 - সান্তালী বাইবেল

³² Ona chaḍa ape do sạriyakʼtetʼpe baḍae daṛeakʼa, ar ona sạriyakʼtetʼge ape doe sạdhinpea.”

Santali Common Language New Testament

³² Ona chaḍa ape do sạriakʼtetʼpe baḍae daṛeakʼa, ar ona sạriakʼtetʼge ape doe sạdhinpea.”

Johan 8:32 Referans Kwoze

Romiko lạgitʼ Pạul Apostolakʼ ciṭhi 8:2

Jionren mạlik sonot Jiu reakʼ niạmge Jisu Mạsi hotete kại ar gujukʼ reakʼ niạm khone chaḍao akadińạ.

Johan 8:36

Onate Isorren Hopone sạdhinlepere sạrige ape do sạdhinpe hoyokʼa.

Johan 17:17

“Sạriyakʼ hotete am lạgitʼge onko do begar dohokom. Amakʼ katha kangea ona sạriyakʼtetʼ do.

1 Patras 2:16

Sạdhin hoṛko leka jion khemaope, menkhan dusṭạmi dapal lạgitʼ ona sạdhintetʼ do alope beohara. Ona bodolte Isorren golamko leka jion khemaope.

Johan 14:6

Jisu do Thomae metadea, “Ińge hortetʼ, sạriyakʼtetʼ ar jion do. Iń hotete baṅkhan okoe hõ Baba ṭhen do ohoko calao daṛelena.

Romiko lạgitʼ Pạul Apostolakʼ ciṭhi 6:22

Menkhan ńitokʼ do kại khonpe sạdhin akante Isorren golampe hoyakana. Onate porho do noage hoyakana, ape dope sonot ocokʼa, ar ona reakʼ mucạtʼ jo do hoyokʼkana jaejug jion.

Jesaea 61:1

Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombatiń danako. Uni doe kol akadińạ rạputʼ monanko bogeko lạgitʼ, bondi akanko ṭhen sạdhinokʼ reakʼ katha lại jạhir lạgitʼ; kạd oṛakʼre tol akanko ṭhen chaḍaokʼ reakʼ katha sodor lạgitʼ;

Sereńko 25:5

Amakʼ sạriyakʼre ạyurińme ar cetʼạńme, ente ińren babańcaoicʼ Isor dom am kangea; ar amrege sanam ghạṛicʼ iń bhorsakʼ kana.

Jakob 1:25

Menkhan okaṭakʼ purạ ạn manwa do sạdhintetʼe danae ona secʼ okoe mońjteye beṅged are hetawakʼ, uni do ona ạn reakʼ katha ańjomkate bae hiṛińa bickom ona lekae kạmiya. Onate uni do acʼakʼ sanam kạmire bhore ńama.

Galathiko lạgitʼ Pạul Apostolakʼ ciṭhi 5:1

Mạsi do aboe sạdhinketʼ bona jemon sạdhin bon tahẽdaṛeakʼ. Onate teṅgo keṭecʼ akan tahenpe, jemon okoe hõ golam ar aloko benao daṛeape.

Jakob 2:12

Okaṭakʼ ạn do manwa sạdhine dan akokan ar ona ạn hotete okoekoakʼ bicạr hoyokʼ, onko lekage katha roṛpe ar beoharpe;

Galathiko lạgitʼ Pạul Apostolakʼ ciṭhi 5:13

E boehako, sạdhin ocokʼ lạgitʼge Isor doe hohoakatʼpea. Menkhan apeakʼ jel reakʼ kusi sana purạu lạgitʼ noa sạdhintetʼ do alope laṛcaṛa. Ona khon bickom dulạṛte mitʼ hoṛ eṭakʼ hoṛe sapʼ soraema,

Jirimiạ 6:16

Probhu Isor do acʼren hoṛko nonkae metakokana, “Dobạṭiạkore teṅgokate ńelpe ar sedae jug reakʼ suṛucʼ horko kulijoṅpe; bhage hor do okare menakʼa mente ar ona horte calakʼpe. Onate ape do apan ạpin jiwi lạgitʼ jirạupe ńama. Menkhan apepe meneda, ‘ale do ona horte bale taṛama.’

Johan 7:17

Jãhãe uniyakʼ sanaleka senokʼe menjoṅ khan enḍekhane bujhạu daṛeakʼa noa cecetʼakʼ do Isor secʼ khonakʼ kana se iń nij khoniń roṛeda.

Hosea 6:3

Dela, abo do Probhu Isor bon aṅgocema; ar baḍaeye lạgitʼ bon pańjayema. Siń candoe rakabokʼ leka uni do khạṭigeye sodorokʼa; uni do aghãṛ cando reakʼ dakʼte ote lohotʼetʼkan leka ar jạṛi dakʼ lekageye hijukʼa.

Romiko lạgitʼ Pạul Apostolakʼ ciṭhi 8:15

Ar golamren Jiu do bape ńamakadea, one onatepe botorkokʼ; Ape do Isorren Jiugepe ńamakadea one okoe do hopon hoyokʼ reakʼ ạidạriye emakatʼpe. Ona iạtege Isor do Abba, metakʼme Baba mente bon hohowaekana.

Johan 16:13

Menkhan uni sạriyakʼren Jiu tinreye hijukʼa unre uni do hore udukʼapete sạriyakʼreye ạyurpea. Uni do acʼte bae roṛa, menkhan okaṭakʼe ańjom onageye roṛa ar okaṭakʼ hoyokʼ lạgidokʼ ona hõe baḍae ocopea.

Jesaea 30:21

Etom se kõńe jãhãtegepe calakʼ ape do tayom khon uniyakʼ niạ kathape ańjom ńama, “Niạ kangea hor do; niạ hortege taṛam idipe.”

Malaki 4:2

Menkhan ape okoe do ińpe botorạń kan ape cetanre iń do dhoromren siń candoń rakapʼ ocoyea uniyakʼ marsalre do phạphạriạwakʼge tahena. Ar ape do goṛa khon oḍok ạgukede mĩhũ lekape piḍgạu baṛaea.

Kạhtukko 1:23

Ińakʼ ḍanṭaope luturakʼ khan, ińren Jiu do apereń dulkea, ar ińakʼ mon reakʼ kathań baḍae ocokepea.

2Timothi 3:7

Onko do siń sạṭupʼ sikhnạt reakʼ kathako ańjomeda, menkhan tishõ Isorakʼ sạriyakʼ reakʼ khạndritetʼ do bako bujhạu daṛeakʼ kana.

Jesaea 35:8

Onḍe do ḍahar hoyokʼa, hẽ onḍe do mitʼṭecʼ horge hoyokʼa; ona do sonotakʼ horko metakʼa. Be sapha hoṛ do ona cetante bae taṛama; ona do sonot hoṛkoakʼ horge hoyokʼa. Lelha hoṛko hõ ona horte do bako calakʼa,

Sereńko 119:45

Iń do begor tạkicʼtege jioniń khemaoa, ente amakʼ ạn ạrikoń uihạreda.

Kạhtukko 4:18

Isor botoraekan hoṛkoakʼ hor do aṅga hijukʼkan marsal leka, one ạuri tikinokʼ hạbicʼ tạpis khon arhõ tạpis idikʼkan.

Kạhtukko 1:29

Onko do ạkilko kurud akawada ar Probhu Isor botorae hõ bako khojleda.

Johan 6:45

Nạbikoakʼ puthire ol akana, ‘onko sanamkoge Isor ṭhen sikhạunako ńama.’ Baba ṭhen khon ańjomkate okoeye cetʼakatʼ unige iń ṭhene hijukʼa.

Jesaea 54:13

Amren sanam hoponko do Probhu Isor hoteteko cetʼ ocokʼa ar amren hoponkoakʼ bhạlại hoyokʼa.

Jesaea 2:3

Jạt jạtren hoṛ do hecʼkateko mena, “Dela, abo do Probhu Isorakʼ burute bon rakapʼlenge, dela, Jakobren Isorakʼ oṛakʼte bon calakʼa. Uni do acʼakʼ hor reaṅe cetʼabona ar uniyakʼ horte bon taṛama.” Onko do noa kathako mena, ente Sion khon do hukum emogokʼa ar Jerusalem khon do Probhu Isorakʼ kathage.

Mathae 11:29

Ińakʼ arãṛ gogpe ar iń ṭhen khon cetʼ joṅpe, ente iń do mạ̃hir ariń nindhạngea.

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniyakʼ oka ṭhonok menakʼtae ona do alele ńelakada. Uni do daya ar sạriyakʼteye perecʼgea.

Johan 1:17

Mose hotete ạn-ạriko em hoylena, menkhan daya ar sạriyakʼtetʼ do Jisu Mạsi hotetege hecʼakana.

1 Korinthiko 7:22

Golam tahenre Probhu Isor okoeye hohoakawade uni do Probhu Isor hotetegeye sạdhin ocoakana. Onkage okoe sạdhin tahenreye hoho ocoakan uni do Mạsiren golame hoyakana.

2 Johan 1:1

Isor okoeye bachao akade uni maejiu ar uniren hoponko ṭhen iń murubbi do noa ciṭhiń oletʼkana. Isorakʼ sạriạkʼtetʼ iạte iń do ape sanamkoń dulạṛetʼpea. Eken ińiń dulạṛetʼpea ona do baṅ, menkhan okoe Isorakʼ sạriyakʼtetʼko baḍae oromakatʼ onko sanamkoge apeko dulạṛetʼpea.

Levitikus 25:41

Ar ona tayom do uni ar uniren hoponko aṛakʼako hoyokʼa. Uni do unre acʼ bõsren ar hapṛamkoakʼ jumiteye ruạṛ senokʼa.