Johan 8:21 - সান্তালী বাইবেল

²¹ Jisu do arhõ Phạrusikoe metatʼkoa, “Iń doń calakʼkana. Arpe ńam baṛańa, menkhan ape do apeakʼ kạirepe gujukʼa. Ar okateń calakʼkan onḍe do ohope sen daṛelena.”

Santali Common Language New Testament

²¹ Jisu do arhõ Phạrusikoe metatʼkoa, “Iń doń calakʼkana. Arpe ńam baṛańa, menkhan ape do apeakʼ kạirepe gujukʼa. Ar okateń calakʼkan onḍe do ohope sen daṛelena.”

Johan 8:21 Referans Kwoze

Johan 7:34

Arpe ńam baṛayińạ menkhan bape ńameńa, ar okareyiń tahen onḍe hõ ohogepe sen daṛelena.”

Johan 8:24

Onateń metapekana, ape do apeakʼ kạirepe gujukʼa. Ar ińkangeạń mente bape pạtiạukʼkan khan apeakʼ kạiregepe gujukʼa.”

Johan 13:33

“E bachako, iń do ape tulucʼ ar thoṛa ghạṛicʼ minạńa. Ape do ińpe ńam baṛańạ, menkhan Jihudi mukhiyạko cetʼlekań metatʼko tahẽkan, ‘okateń calakʼkan onḍe do ohope sen daṛelena,’ onkage ape hõ ńitiń metapekana.

Ephesiko lạgitʼ Pạul Apostolakʼ ciṭhi 2:1

Bebatao ar kại iạte ape do gocʼgepe tahẽkana.

Johan 12:35

Jisui metatʼkoa, ar thoṛa dinge ape talare marsaltetʼ menakʼa. Ape ṭhen marsal menakʼrege dãṛãnpe, jemon apere ńut do aloe jitạu daṛeakʼ.

Johan 12:33

Uni do cetʼlekan gujukʼ hoyokʼtaea ona bujhạu ocoko lạgitʼge noa katha doe roṛkeda.

Mathae 25:46

Ona tayom Jisui menkeda, “Noko hoṛ do jaejug sạjạiteko calakʼa, menkhan dhoromko do jaejug jionko ńama.”

Mathae 25:41

“Tayomte uni do acʼakʼ leṅga secʼren hoṛkoe metakoa, ‘E sarapanko, iń ṭhen khon sạṅgińokʼpe. Soetan ar uniren celako lạgitʼ tearakan jaejug seṅgelre calakʼpe.

Mathae 23:39

Ińiń metapekana, tin hạbicʼ ạuripe men ‘Bhorangeae Probhu Isor ńutumte daraekanicʼ do’ unhạbicʼ ape do ar bape ńel ńameńa.”

Jesaea 65:20

Onḍe do nunu gidrạko hõ bako gujukʼa, se haṛam hoṛ hõ bahaokʼ din ạuri cabakʼtako hạbicʼ bako gujukʼa. Ar jãhãe mitʼsae bochor umerreye gocʼlenre hõ uni do juạn mentegeye bikạukʼa; ar okoe mitʼsae bochor bae bańcaokʼ uni do sarapanicʼe hoyokʼa.

Kạhtukko 14:32

Bedhoromicʼ do acʼakʼ bạṛicʼ kạmi iạteye ńurhạ ocokʼa, menkhan dhorom hoṛ do gujukʼre hõ as tahentakoa.

Kạhtukko 11:7

Bedhorom hoṛe gocʼlen khan uniyakʼ ashõ nosṭokʼtaea; Ar uniyakʼ daṛe iạte okakoe asakan tahẽkan ona do nasaokʼtaea.

Jobakʼ 20:11

Juạn reakʼ daṛete uniyakʼ jaṅko do perecʼgetaea uni sãote dhuṛire giticʼ akane tahena.

1 Rapajko 18:10

Amren jiwetʼ Probhu Isor ńutumte kiriạkateń metamkana, nonkan jạtrenko se rajosṭiko bạnukʼa one okare ińren mạlik do am sendrame lạgitʼ hoṛ bae kol akatʼko. Onko jạtrenko se rajosṭire tinreko lạikeda onḍe do bạnuma unre uni do onkoe kiriạ ocoyetʼko tahẽkana, ar sạrige onko do bako sendra ńam daṛeakatʼmea.

Johan 7:36

Enteye meneda, ‘ńam baṛańape menkhan bape ńameńa, ar iń okareń tahen onḍe do ohope sen daṛelena,’ noa katha reakʼ mane do cetʼkana?”