Johan 8:11 - সান্তালী বাইবেল

¹¹ Uni maejiue roṛ ruạṛkeda, “Okoe hõ baṅ Probhu.” Unre Jisui menkeda, “Iń hõ bạń dusiyetʼmea. Do calakʼme ar kạire jion alom khemaoa.”

Santali Common Language New Testament

¹¹ Uni maejiue roṛ ruạṛkeda, “Okoe hõ baṅ Probhu.” Unre Jisui menkeda, “Iń hõ bạń dusiyetʼmea. Do calakʼme ar kạire jion alom khemaoa.”

Johan 8:11 Referans Kwoze

Johan 3:17

Uni do manwa dusire paṛaoko lạgitʼ acʼren Hopon bae kolakadea bickom Hopon hotete jemon kại khon bańcaoko ńam ona lạgitʼgeye kolakadea.

Johan 5:14

Ona tayom Jisu do mundilre uni hoṛ ńel ńamkedeteye metadea, “Ńelme, am dom boge akana. Ar alom kạiya, jemon jãhãnakʼ bạṛicʼ alo hoyokʼtam.”

Johan 8:15

Manwa cetʼlekako bicạretʼkan onkage ape hõpe bicạretʼ kana, menkhan iń do okoe hõ bạń bicạretʼkoa.

Luk 15:7

Ińiń metapekana, onkage kại khon mon ạcur bako moneyakʼkan aregel are dhorom hoṛko khon bickom mitʼṭen kại hoṛ mone ạcuretʼkante sermare arhõ bạ̃ṛti rạskạ hoyokʼa.

Luk 5:32

Dhorom hoṛ hohowako lạgitʼ do baṅ menkhan kại hoṛko lạgitʼgeń hecʼakana.”

Kạhtukko 28:13

Okoe hoṛ acʼakʼ kạiye danaṅkakʼ uni do bae jo baha daṛeakʼa, menkhan okoe onae aṅgoc are bạgiyakʼ uni do dayae ńama.

Jobakʼ 34:31

“Jãhãe hoṛge Isor do bako men akawadea, ‘iń do sạjạiyiń ńamakada, ar bạń behoka;

Romiko lạgitʼ Pạul Apostolakʼ ciṭhi 2:4

Am do Isorakʼ asambheṛ daya, sahao daṛe ar soborim neṅghaoetʼtaea. Am dom hiṛiń akada, Isorakʼ noa daya do kại khone ạcur ruạṛetʼmea mente.

Luk 13:3

Ińiń metapekana, ona do baṅa, ar onkage ape hõ kại khon mon bape ạcurle khan jotokogepe nosṭo ocokʼa.

Luk 15:10

Ińiń metapekana, mitʼṭen kại hoṛ mone ạcurle khan Isorren goḍetko talare hõ onkage rạskạ hoyokʼa.”

Johan 18:36

Jisui menkeda, “Ińakʼ raj do noa dhạrti reakʼ do baṅkana. Ente noa dhạrti reakʼ tahẽlen khan enḍekhan ińren hoṛko lạṛhạikokʼa jemon Jihudi mukhiyạkoakʼ tire aloń paṛaokokʼ; menkhan ińakʼ raj do nonḍenakʼ do baṅkana.”

Luk 15:32

Menkhan hesecʼ sekrejokʼ ar rạskạkʼ do lek kan tabona, ente amren nui boeha do gocʼgeye tahẽkana arhõe jiwetʼ akana; atʼgeye tahẽkana arhõe ńam ruạṛ akana.’ ”

Luk 13:5

Ińiń metapekana, ona do baṅ, menkhan kại khon mon bape ạcurle khan ape hõ sanamkogepe marao utạrokʼa.”

Jesaea 55:6

Probhu Isor do sorreye tahenrege uni secʼ ruạṛokʼpe; ar sorreye tahenrege uni ńam baṛayepe.

Dosar Biboron 17:9

Unre ape do un jokhecʼren bikʼcạricʼ ar Liwiko talaren naekeko ṭhenpe calakʼa. Onko ṭhenpe kulijoṅa ar apeakʼ bicạr reakʼ rayko lạiyapea.

Dosar Biboron 16:18

“Aperen Probhu Isor okaṭakʼ ato ar nagrahae emape lạgidokʼkan ona reakʼ mimitʼ goṭecʼ lạgitʼ bikʼcạrko ar sordarkope dohokoa. Onko do hok reakʼ lekate hoṛkoakʼko bicạr chinḍạukatakoa.

2 Patras 3:15

Disạipe, manwako kại khon bańcaoko ńam lạgitʼ aboren Probhu Isor doe sombhuriyeda. Ar inạ mitʼ kathage aboren dulạṛiạ boeha Pạul hõ Isore emakade akelte apeye olatʼpea.

1 Korinthiko 5:12

Manḍer bahreren hoṛko bicạrko reakʼ do cetʼ jạruṛ paṛao akawạdińa? Menkhan manḍerren hoṛko bicạrko do cetʼ lek baṅ kantapea? Okoeko bahreren kan onkoakʼ do Isorgeye bicạra. Sonot sostor reakʼ katha leka, “Ape tala khon uni bạṛicʼ hoṛ do oḍok giḍikaepe.”

Luk 9:56

Ona tayom onko do eṭakʼ atoteko calaoena.