Johan 7:35 - সান্তালী বাইবেল

³⁵ Jisuakʼ noa kathate Jihudi mukhiyạko do ako talareko menkeda, “Nui hoṛ do okateye calakʼte babon ńam daṛeaea? Baṅ do Junạniko talare chirchạtur akan Jihudiko ṭhen senkate Junạnikoe cetʼako?

Santali Common Language New Testament

³⁵ Jisuakʼ noa kathate Jihudi mukhiạko do ako talareko menkeda, “Nui hoṛ do okateye calakʼte babon ńam daṛeaea? Baṅ do Junạniko talare chir chạtur akan Jihudiko ṭhen senkate Junạnikoe cetʼako?

Johan 7:35 Referans Kwoze

Jakob 1:1

Isor ar Probhu Jisu Mạsiren golam iń Jakob do dhạrti reakʼ sanam jaegareko chirchạtur akan Jihudikoren gelbar bõsrenko johariń emakokana.

1 Patras 1:1

Isorren bachao akan okoeko hoṛ do Pontus, Galatiạ, Kapadokiạ, Asiạ ar Bithuniạ Prodesre chirchạtur akan upriạ hoṛ lekako girạbasokʼ kan, onko ṭhen iń Jisu Mạsiren apostol Patras do noa ciṭhiń oleda.

Sephaniạ 3:10

Kus disạm reakʼ gaḍa hanasa khon iń sewawạńko, ar ińren chirchạtur akan hoṛko do iń ńutumte samaṅokʼakʼ jinisko ạguiya.

Jesaea 11:12

Uni do jạtrenko lạgitʼ mitʼṭecʼ jhạnḍiye rakaba ar bidesre bondi akan Israelkoe jarwakoa; ar Jihudạren chirchạtur akan hoṛko pirthimi reakʼ beṛhae khone jarwakoa.

Johan 12:20

Ona porobre okoeko sewa lạgitʼko hecʼakan tahẽkan onko modre adomko do Junạni hoṛko tahẽkana.

2Timothi 1:11

Ar noa bhage sombat lạgitʼge uni do jạhiricʼ, apostol ar cecetʼicʼ menteye bahal akadińạ.

1Timothi 2:7

ar noa goha emokʼ lạgitʼ Isor do lại jạhiricʼ, apostol ar boṅgan hoṛ jạtrenko ṭhen biswạs ar sạriạkʼren cecetʼicʼe bahal akadińạ. Iń do sạriyakʼgeń roṛeda, eṛe do baṅ.

Kolossiko lạgitʼ Pạul Apostolakʼ ciṭhi 1:27

Isor doe khojkana, boṅgan hoṛ jạtrenko talare hõ uniyakʼ noa sạri okoakʼ reakʼ maraṅ ṭhonok cetʼkana mente, ona jemon acʼren sanam hoṛko baḍae daṛeakʼ. Ona sạriyakʼ do noage, Mạsi do apeakʼ ontorre menaete uniyakʼ ṭhonok ńam reakʼpe as akana.

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiyakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye em akadińạ.

Aposkạmi 22:21

“Unre Probhu Isor do ińe metadińạ, ‘Do calakʼme, ente iń do sạṅgińte boṅgan hoṛ jạtrenko ṭheniń kolmea.’ ”

Aposkạmi 21:21

Onko do khoborko ańjomakada, boṅgan hoṛ jạtrenko talare okoe Jihudiko menakʼko onko do Mose reakʼ ạn-ạri bạgikate senokʼ reakʼ sikhnạtem emakokana, metakʼme am do onkoren gidrạko bam khatna ocoako kana ar Jihudikoakʼ cạli leka senokʼ hõm baronetʼkoa. Ńitokʼ ale do cetʼle cekaya?

Aposkạmi 11:18

Noa katha ańjomkate Jihudạren biswạsiko do begor ạnḍuṅte Isor sarhaoateko menkeda, “Isor do boṅgan hoṛ jạtrenko hõ kại khon mon ạcurkate jion ńam lạgitʼ ạte em akatʼkoa.”

Johan 8:22

Unre Jihudi mukhiyạko menkeda, “Acʼtegeye gujukʼa se cetʼ? Enteye meneda, ‘iń okateń calakʼkan onḍe do bape sen daṛeakʼa.’ ”

Luk 2:32

Eṭakʼ jạtrenko ṭhen noa do hor udukʼako reakʼ marsal kana, ar amren Israel jạtrenko ṭhen noa do ṭhonokanakʼ kangea.”

Mathae 12:21

Ar porjạtrenko do uniyakʼ ńutumreko bhorsakʼa.

Jesaea 49:6

Uniye meneda, “Eken Jakobakʼ bõsrenko bańcaoko lạgitʼ ar Israelren sarecʼ hoṛko ruạṛ ạguko lạgitʼ ińren golamem hoyokʼa ona do baṅa; ente ona do ḍherge komgea. Ona chaḍa iń do boṅgan hoṛ jạtrenko ṭhen hõ marsal lekań hoyocomea jemon am hotete goṭa dhạrtiren hoṛ do kại khon bańcaoko ńam.”

Jesaea 11:10

Enhilokʼ Jesaea reakʼ kahle do sanam jạtrenko lạgitʼ mitʼṭecʼ jhạnḍi lekae teṅgona; ar sanam jạtrenko do uni ṭhenko jarwakʼa ar uniyakʼ ṭhạ̃i do ṭhonokanakʼ hoyokʼtaea.

Sereńko 147:2

Probhu Isorge Jerusalem doe benao rakaba; ar unige chirchạtur akan Israelkoe jarwakoa.

Jesaea 56:8

Probhu Isor, okoe do chirchạtur akan Israelkoe jarwako uni do noa kathae meneda, “Okoe lahareko samṭao ocoakan onko sãote iń do eṭakʼ jạtren hoṛko hõń samṭao jarwakoa.”

Johan 7:1

Noa tayom Jisu do Gạlilregeye dãṛãnkan tahẽkana. Ar Jihudi mukhiyạko gojeko menetʼ tahẽkante uni do Jihudạ disạmre dãṛãne bạgikeda.

Aposkạmi 11:20

Menkhan onko modre adomko do Antiokiạte senkate Junạni pạrsiren hoṛko ṭhen hõ Probhu Jisu reaṅ bhage sombat porcarko dhurạuena. Noko do Kupros dip ar Kurene nagraharen hoṛko tahẽkana.

Aposkạmi 14:1

Ikonium nagrahare Pạul ar Barnabas do ạkinakʼ cạli leka Jihudikoakʼ sunạgogkote kin boloyena. Unkin do onḍe nonkan kathakin galmaraoatʼkoa je, Jihudiko ar Junạniko khon ạḍi utạr hoṛko pạtiạuena.

Aposkạmi 17:4

Noa katha ańjomkate adom Jihudiko doko pạtiạuente Pạul ar Silạs tạkin sãoteko mitʼena. Ona chaḍa Isor botorae aema Junạniko ar bhodro maejiuko hõ unkin sãoteko mitʼena.

Aposkạmi 18:4

Ar jao jirạukʼ mãhãre Pạul do sunạgogre bolokate Jisu reaṅe galmarao akokan tahẽkana ar Junạni ar Jihudiko Jisuakʼ horte ạguko lạgitʼe kurumuṭuyetʼ tahẽkana.

Romiko lạgitʼ Pạul Apostolakʼ ciṭhi 1:16

Jisu Mạsi reaṅ noa bhage sombat iạte iń do bạń lajaokʼ kana, ente noa bhage sombat do Isorakʼ daṛe kana one oka hotete uni do sanam biswạsiko kại khone bańcaoko. Pạhilte do Jihudiko, ar ona tayom do boṅgan hoṛ jạtrenkoge.