Johan 7:26 - সান্তালী বাইবেল

²⁶ Menkhan uni ma khulạsate kathae roroṛkan, ar mukhiyạko hõ coṅ cetʼge bako metaekan. Enḍekhan onko do cetʼ sạrigeko baḍae oromkedea, nui doe Mạsi kana mente?

Santali Common Language New Testament

²⁶ Menkhan uni ma khulạsate kathae roroṛkan, ar mukhiạko hõ coṅ cetʼge bako metaekan. Enḍekhan onko do cetʼ sạrigeko baḍae oromkedea, nui doe Mạsi kana mente?

Johan 7:26 Referans Kwoze

Johan 7:48

Mukhiyạko se Phạrusiko modren okoe hõ coṅ unirema bacoko pạtiạu akan.

Philipiko lạgitʼ Pạul apostolakʼ ciṭhi 1:14

Ona chaḍa noa hajotre minạń khạtirte ḍher boehakoge Probhu Isorre arhõ bạ̃ṛti ṭehãḍokʼko cetʼakada ar onate onko do begor botorokʼte Isorakʼ katha porcar lạgitʼ arhõ dilanko hoyakana.

Aposkạmi 4:13

Ado Patras ar Johanakʼ dil ńelte ar bin bidiyạwan ar ne hoṛkanakin menteko baḍaeketʼ khan onko mukhiyạko doko hahaṛayena, ar noa hõko bujhạukeda je unkin hõ Jisu sãotekin tahẽkana.

Johan 12:42

Enre hõ mukhiyạko modren ḍher hoṛge unireko pạtiạuena, menkhan Phạrusiko ṭhen biṭlạha ocokʼ botorte bako aṅgocleda.

Johan 9:22

Uniren go-baba do Jihudi mukhiyạko botorte noa dokin menkeda, ente Jihudi mukhiyạko do laha khongeko goṭa ạguakatʼ tahẽkana je, jãhãege Jisu do Mạsi menteye aṅgoce uni doe biṭlạha ocokʼa.

Luk 7:30

Menkhan Phạrusiko ar sostor baḍaeko do Johan ṭhen bako bạptislente Isorakʼ monejoṅakʼko neṅghaokeda.

Mathae 22:16

Onko do Herod secʼrenko sãote akoren celako uni ṭhenko kolketʼkoa. Onko do Jisuko metadea, “E Guru, alele baḍaea am dom sạri hoṛ kana. Ar Isorakʼ hor reaṅ sạritegem cetʼako kana. Am do okoe hõ bam hetawako kana, ente hoṛkoakʼ mẽtãhã do bam beṅgetʼakʼ kana.

Jesaea 42:4

Dhạrti reakʼ hok bicạr ạuriye purạu hạbicʼ uni do bae laṅgakʼa se bae talga tạuạgokʼa. Ar jalapuri ḍhipkoren hoṛ do uniyakʼ ạnko ńel hor akaeko tahena.”

Kạhtukko 28:1

Bedhoromko do begor khudạukotegeko dạṛ joṅa, menkhan dhorom hoṛ do dhạcri kul leka dil akaeko tahena.

Luk 23:13

Unre Pilạt do maraṅ naekeko, mukhiyạko ar sanam hoṛko hoho jarwakateye metatʼkoa,

Johan 3:1

Phạrusiko modre Nikodemus ńutuman Jihudikoren mitʼṭen mukhiyạ hoṛe tahẽkana.

Johan 4:29

“Dela hijukʼte mitʼṭen hoṛ ńelepe. Uni do ińiń ceka akatʼ jotowakʼe lại ạdińa. Baṅ do nuigeye Mạsikan?”

Johan 7:25

Unre Jerusalemren adom adom hoṛko menkeda, “Mukhiyạko gojeko menetʼkan hoṛ do cetʼ nui kangeae?

Johan 7:31

Menkhan ḍher hoṛge Jisure pạtiạuenteko menkeda, “Nui do aema hahaṛawakʼkoe kạmikana. Mạsiye hecʼlenre noako khon hõ bạ̃ṛti hahaṛawakʼko cetʼ bae kạmiya?”

Johan 18:20

Jisui roṛ ruạṛkeda, “Iń do hoṛko ṭhen sodortegeń galmarao akada. Ar Jihudiko mitʼ sãote okareko jarwakʼ ona sunạgogkore ar mundilre iń do jaogeń cetʼ akawatʼkoa. Ar danaṅre do cetʼge bạń roṛakada;