Johan 7:17 - সান্তালী বাইবেল

¹⁷ Jãhãe uniyakʼ sanaleka senokʼe menjoṅ khan enḍekhane bujhạu daṛeakʼa noa cecetʼakʼ do Isor secʼ khonakʼ kana se iń nij khoniń roṛeda.

Santali Common Language New Testament

¹⁷ Jãhãe uniakʼ sanaleka senokʼe menjoṅ khan enḍekhane bujhạu daṛeakʼa noa cecetʼakʼ do Isor secʼ khonakʼ kana se iń nij khoniń roṛeda.

Johan 7:17 Referans Kwoze

Johan 8:43

Cetʼ iạte ińakʼ kathako bape bujhạueda? Ente ape do ińakʼ roṛ bape sahao daṛeakʼ kana.

Johan 8:47

Okoe hoṛ doe Isorren kan, uni do Isorakʼ kathageye ańjoma. Ape dope baṅkante Isorakʼ katha bape ańjomeda.”

Aposkạmi 17:11

Thessalonikiạren Jihudi khon Beroea nagraharen Jihudikoakʼ mon do bạ̃ṛti soṛage tahẽkantakoa. Onko do khaṛa monte Isorakʼ katha ańjomkateko ataṅkeda. Ar Pạul okae menakatʼ ona do sạri kana se baṅ ona ńel lạgitʼ dinạm hilokʼ sostorko ḍunḍhạuetʼkan tahẽkana.

Daniel 12:10

Ḍherkoge, sapha, niphuṭ arko khạṭi ocokʼa, menkhan dusṭạmi hoṛ do bedhorom iditegeko tahena. Dusṭạmiko do celege bako bujhạu daṛeakoa, menkhan ạkilanko doko bujhạu daṛeakogea.

Luk 8:15

Ar bhage hasare ńũren itạte do onko lạgitʼge roṛ akana, okoe do khạṭi ar soṛa monte ona katha ańjomkate kajakteko sapʼ dohojoṅ kan ar onare ṭarhao akae tahente jionreko gele belekʼkan.

Sereńko 25:12

Okoe kanae uni hoṛ, okoe do Probhu Isore botorae kan? Ar okaṭakʼ hor bachao hoyokʼtaea ona do unigeye udukʼaea.

Mikạ 4:2

Jạt jạtren hoṛko do hecʼkateko mena, “Dela, abo do Probhu Isorakʼ burute bon rakapʼa, Dela, Jakobren Isorakʼ oṛakʼte bon calakʼa. Uni do acʼakʼ hor reaṅe cetʼabona ar abo do uniyakʼ horte bon taṛama.” Onko do noa kathako mena, ente Sion khon do hukum emogokʼa ar Jerusalem khon do Probhu Isorakʼ katha oḍokokʼa.

Jesaea 35:8

Onḍe do ḍahar hoyokʼa, hẽ onḍe do mitʼṭecʼ horge hoyokʼa; ona do sonotakʼ horko metakʼa. Be sapha hoṛ do ona cetante bae taṛama; ona do sonot hoṛkoakʼ horge hoyokʼa. Lelha hoṛko hõ ona horte do bako calakʼa,

Malaki 4:2

Menkhan ape okoe do ińpe botorạń kan ape cetanre iń do dhoromren siń candoń rakapʼ ocoyea uniyakʼ marsalre do phạphạriạwakʼge tahena. Ar ape do goṛa khon oḍok ạgukede mĩhũ lekape piḍgạu baṛaea.

Sereńko 25:14

Probhu Isor okoeko botorae kan onko ṭhenge uni do acʼakʼ monsubại sodortaea, ar acʼe dohoakatʼ bondobose baḍae ocokoa.

Sereńko 119:10

Ińakʼ goṭa ontorte iń do am baḍaeme lạgitʼ iń ahkaokʼ kana; amakʼ hukum bahre do alom dãṛã ocoyińạ.

Mathae 6:22

“Mẽtʼ do hoṛmo reakʼ diuhe kana. Onate amakʼ mẽtʼ mońjgetam khan amakʼ goṭa hoṛmo hõ marsalte perejokʼa.

Hosea 6:3

Dela, abo do Probhu Isor bon aṅgocema; ar baḍaeye lạgitʼ bon pańjayema. Siń candoe rakabokʼ leka uni do khạṭigeye sodorokʼa; uni do aghãṛ cando reakʼ dakʼte ote lohotʼetʼkan leka ar jạṛi dakʼ lekageye hijukʼa.

Kạhtukko 3:32

ente Probhu Isor do konḍea horte calakʼ hoṛ doe kurudakoa, menkhan khạṭi ontorren hoṛko tulucʼ do helmele dohoyeda.

Kạhtukko 28:5

Bạṛicʼ hoṛko do hok bicạr reaṅ bako bujhạua, menkhan okoe Probhu Isorakʼ sana lekako calakʼkan onko do boge bạṛicʼ bujhạu reakʼ daṛeko ńama.

Johan 3:21

Menkhan okoe sạri horteye calakʼkan uni do marsal ṭhene hijukʼkana jemon uniyakʼ kạmiko Isorakʼ sanaleka hoyakana mente sodorokʼtae.”

Johan 8:44

Soetange aperen baba do, ar ape do uniren hoponko kanape; onate uniyakʼ sana purạupe menjoṅ kana. Soetan do pạhil khongeye khũniạhi kana. Uni do tisge sạriyakʼre bae teṅgo akana, ente unire do sạriyakʼtetʼge bạnukʼa. Uni do eṛe kathae roṛre acʼ khongeye roṛa, ente uni doe eṛeyicʼ kana ar sanam lekan eṛeakʼ do uni khonge janam akana.