Johan 6:68 - সান্তালী বাইবেল

⁶⁸ Simon Patras do Jisui metadea, “E Probhu Isor, ale do okoe ṭhenle calakʼa? Jaejug jion reakʼ katha ma coṅ am ṭhenge.

Santali Common Language New Testament

⁶⁸ Simon Patras do Jisui metadea, “E Probhu, ale do okoe ṭhenle calakʼa? Jaejug jion reakʼ katha ma coṅ am ṭhenge.

Johan 6:68 Referans Kwoze

Sereńko 73:25

Sermare ińren sanamakʼ dom amkangea; amiń ńamketʼme iạte dhạrtire ińakʼ jãhãnakʼ khojogokʼakʼ do ar bạnukʼtińạ.

Johan 5:24

“Sạrigeń metapekana, Ińakʼ katha okoeye ańjom ar kol akadińicʼreye pạtiạukʼ uni do jaejug jion menakʼtaea. Uni do dusi mente bae lekhakʼa, ente uni do moron khon jionteye parom akana.

Aposkạmi 4:12

Kại khon bańcao do ar okoe ṭhen khon hõ oho ńamlena, ente serma latarre, manwako talare nonkan okoege bạnukʼkoa one uniyakʼ ńutumte kại khon bańcao bon ńam daṛeke.”

Aposkạmi 5:20

“Do calakʼpe, ar mundilre teṅgokate disạm hoṛko ṭhen jaejug jion reakʼ katha lại jạhirpe.”

Aposkạmi 7:38

Nui Mosege hahaṅkarre Israelkoren ona dol modre aboren hapṛamko sãoteye tahẽkana. Ar okoeṭakʼ serma goḍet do sinại burure kathae roṛletʼ tahẽkan, onḍe do nui Mosege serma goḍet sãoteye tahẽkana. Ar abo emabon lạgitʼ jiwetʼ kathako do nui Mosege onḍeye ńamleda.

Johan 6:63

Manwa hoṛmo do oka kaj reakʼ hõ baṅkana; sonot Jiuge jione emokʼkana. Okako katha ape ṭheniń roṛakatʼ ona do jiu ar jion kana.

Mathae 16:16

Simon Patrase roṛ ruạṛkeda, “Am do Mạsi, jiwetʼ Isorren Hopon kanam.”

Johan 6:40

Ińren Babawakʼ sana do nõkʼõe jemon Hoponko beṅgetʼae ar unire pạtiạukʼ mitʼke mitʼ hoṛ do jaejug jion tahentako. Ińge onko do mucạtʼ dinreń jiwetʼ beretʼkoa.”

Johan 17:8

Ente okako katha lạiyakom metadiń tahẽkan iń do onakoń lại akawatʼkoa. Ar onko do onako ataṅketʼte sạrigeko baḍaekeda, iń do am ṭhen khoniń hecʼakana, arko pạtiạu akana, amge ińem kol akadińa.

Mark 8:29

Unre Jisui kuliketʼkoa, “Menkhan ape do okoe kạnạń mentepe meneda?” Patrase roṛ ruạradea, “Am do uni Mạsi kanam.”

Luk 9:20

Jisui metatʼkoa, “Menkhan ape do okoe kạnạń mentepe meneda?” Patrase menkeda, “Am do Isorren uni Mạsi kanam.”

Johan 12:49

ente iń do apnarte cetʼge bạń roṛakada, menkhan okoeye kol akadiń uni Babageye hukum akawạdińạ cetʼko roroṛ hoyokʼ tińạ mente.

Johan 12:50

Ińiń baḍaea uniyakʼ hukum do jaejug jion kana. Onate okako kathań roṛetʼkan ona do Babawakʼ hukum lekageń roṛeda.”

Aposkạmi 13:26

“E boehako, Abrahamren hoponko ar Isor botoraekanko, kại khon bańcao reakʼ noa khobor do abon ṭhenge kolakana.