Johan 6:45 - সান্তালী বাইবেল

⁴⁵ Nạbikoakʼ puthire ol akana, ‘onko sanamkoge Isor ṭhen sikhạunako ńama.’ Baba ṭhen khon ańjomkate okoeye cetʼakatʼ unige iń ṭhene hijukʼa.

Santali Common Language New Testament

⁴⁵ Nạbikoakʼ puthire ol akana, ‘onko sanamkoge Isor ṭhen sikhạunako ńama.’ Baba ṭhen khon ańjomkate okoeye cetʼakatʼ unige iń ṭhene hijukʼa.

Johan 6:45 Referans Kwoze

Jesaea 54:13

Amren sanam hoponko do Probhu Isor hoteteko cetʼ ocokʼa ar amren hoponkoakʼ bhạlại hoyokʼa.

Ibriko 10:16

Probhu Isore meneda, “Onko tulucʼ oka bondobos iń bandhaoa ona do noage, ińakʼ ạn-ạri do onkoakʼ ontorre hõń dohoya ar onkoakʼ monre hõń ol dohokakʼa.”

1 Thessalonikikko 4:9

Boeha dulạṛ reaṅ olape do jãhãn jạruṛ bạnukʼtińạ, ente Isorge ape mimitʼko dupulạṛokʼe cetʼ akawatʼpea.

Mikạ 4:2

Jạt jạtren hoṛko do hecʼkateko mena, “Dela, abo do Probhu Isorakʼ burute bon rakapʼa, Dela, Jakobren Isorakʼ oṛakʼte bon calakʼa. Uni do acʼakʼ hor reaṅe cetʼabona ar abo do uniyakʼ horte bon taṛama.” Onko do noa kathako mena, ente Sion khon do hukum emogokʼa ar Jerusalem khon do Probhu Isorakʼ katha oḍokokʼa.

Jesaea 2:3

Jạt jạtren hoṛ do hecʼkateko mena, “Dela, abo do Probhu Isorakʼ burute bon rakapʼlenge, dela, Jakobren Isorakʼ oṛakʼte bon calakʼa. Uni do acʼakʼ hor reaṅe cetʼabona ar uniyakʼ horte bon taṛama.” Onko do noa kathako mena, ente Sion khon do hukum emogokʼa ar Jerusalem khon do Probhu Isorakʼ kathage.

Johan 6:65

Ona iạteye menkeda, “Onateń metapekana, Ạpuń daṛe bae emape khan okoe hõ iń ṭhen do ohope hecʼ daṛelena.”

Johan 6:37

Baba okoekoe emawạń onko jotoge iń ṭhenko hijukʼa. Okoe iń ṭhene hijukʼ uni do oka lekate hõ ohoń oḍok giḍilea,

Mathae 17:5

Ado Patras kathae roroṛkan tahẽkanrege mitʼṭecʼ jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniyakʼ ańjomtaepe.”

Ephesiko lạgitʼ Pạul Apostolakʼ ciṭhi 1:17

Ar koejoṅ jokhecʼ apeakʼ katha do bạń hiṛińeda. Iń doń koejoṅ kana jemon aboren Probhu Jisu Mạsiren Isor, metakʼme uni ṭhonokren Baba do jiu reakʼ akel ar bujhạu lạgitʼ daṛeye danape, jemon uni do arhõ bạ̃ṛtipe baḍae daṛeae.

Johan 10:27

Ińren bhiḍiko do ińakʼ aṛaṅko ańjomeda. Ar iń doń baḍae oromakatʼkoa ar onko do ińko pańjayediń kana.

Luk 18:31

Jisu do acʼren gelbar celako mitʼ secʼe hohowatʼkoteye metatʼkoa, “Ńelpe, Jerusalemte bon calakʼ kana. Ar Manwa Hopon reaṅ nạbiko okaṭakʼko ol oṭoakatʼ ona do sanamakʼge purạukʼa.

Luk 1:70

Noa katha do acʼren sonot nạbikoakʼ moca hotete uni do ḍher din laharegeye roṛletʼ tahẽkana.

Mark 1:2

Jesaea nạbiyakʼ puthire noa katha ol akana; Ńelme, ińren goḍet do am lahateń kolekana. Uni do amakʼ hore teara.

Mathae 11:27

“Ińren Baba do sanamakʼge ińakʼ tireye jimạ akada. Baba chaḍa Hopon do okoe hõ bako baḍaeyede kana ar Hopon chaḍa Baba hõ okoege bako baḍae edekana, Hopon okoe ṭhen Baba sodoreye menjoṅkan unige uni doe baḍaeyea.

Aposkạmi 7:42

Menkhan Isor do onko khone ạcurente onkoe alae giḍikatʼkoa sermaren siń cando, ńindạ cando ar ipilko sewawako lạgitʼ. Ar inạ kathage nạbikoakʼ puthire olakana: E Israel hoponko, hahaṅkarre pongel bochor ape do cetʼ iń lạgitʼ janwar se eṭakʼ jãhãn dãṛẽkope samaṅletʼkoa?

Aposkạmi 13:40

Onate ape do sontorokʼpe, jemon nạbikoko roṛakatʼ noako apere alo paṛaokʼ:

Philipiko lạgitʼ Pạul apostolakʼ ciṭhi 3:15

Ona iạte dhorom secʼte okoe bon laha idikʼkan abo do inạ mitʼ monejoṅakʼge tahen lek tabona. Ar jãhãnakʼ reaṅ eṭakʼ lekape moneyetʼ khan Isor do ona hõe udukʼapea.

1 Johan 2:27

Menkhan ape do Mạsi ṭhen khonpe ojokʼ ocoakana, metakʼme sonot Jiupe ńam akadea. Uni do apeakʼ ontoreye tahena. Onate eṭakʼ okoeyakʼ hõ cecetʼakʼ do baṅ jạruṛapea. Sanamakʼ reaṅ sonot Jiugeye cetʼapea. Uni doe sạriyicʼ kana, ar bae eṛea. Onate cetʼleka Mạsire tahene cetʼape onkage Mạsire tahenpe.