Johan 6:12 - সান্তালী বাইবেল

¹² Adoko jom biyen khan Jisu do acʼren celakoe metatʼkoa, “Sarecʼakʼ kecakʼko halaṅ jarwaepe jemon cetʼge alo nosṭokʼ.”

Santali Common Language New Testament

¹² Adoko jom biyen khan Jisu do acʼren celakoe metatʼkoa, “Sarecʼakʼ kecakʼko jarwaepe jemon cetʼge alo nosṭokʼ.”

Johan 6:12 Referans Kwoze

Luk 1:53

Ar okoekoko reṅgecʼge, bhage, bhage jiniskote uni do onkoakʼ reṅgecʼe purun akatʼtakoa, menkhan kisạ̃ṛko do eken tiye bidạkatʼkoa.

Luk 9:17

Ar sanam hoṛko jomkeda arko biyena. Ar okako kecakʼ hiricʼ pạsir ńur tahẽkan onate celako do gelbar phạtiạkʼko halaṅ jarwakeda.

Nehemiạ 9:25

Onko do pạcrite esetʼ ḍher nagraha ar bhage jumikoko dokholana; ar bhage bhage jiniste perecʼ oṛakʼ-duạr ar benao ṭhikakʼ kuńko, darkha bagwanko, jạitun bagwanko ar ạḍi utạr jo teakʼ dareko ạidạriana. Onko do jomkateko tirpitena arko moṭayena ar amakʼ maraṅ bhạlạiteko hesecʼ sekrecʼlena.

Nehemiạ 8:10

Nehemiạ do onkoe metatʼkoa, “Ape do senkate bhage bhage jomakʼ ar heṛem heṛemakʼ darkha rasa ńũipe ar okoeyakʼ jomakʼ bạnukʼtako onko hõ thoṛa emakope. Teheńakʼ din do aboren Probhu Isor ńutumte sonotakʼ din kana. Ar alope dukokʼa, ente Probhu Isore emakʼ rạskạge apeakʼ daṛe do.”

Kạhtukko 18:9

Okoe acʼakʼ kạmireye asketokʼ uni do jarkharicʼ ren boeha kanae.

Luk 15:13

Thoṛa din tayom huḍińicʼ hopon do acʼakʼ sompotti ạkhrińkate ṭaka-poesawante sạṅgiń disạmteye calaoena. Ar onḍe uni do rij roṅre tahẽkate acʼakʼ sanam ṭaka-poesae ublạ ḍublạ cabaketʼtaea.

Luk 16:1

Jisu do acʼren celakoe metatʼkoa, “Mitʼṭen kisạ̃ṛ hoṛren maraṅ lonbonicʼ do noa menteko dusikedea je, uni do acʼren kisạ̃ṛakʼ dhonkoe nosṭoyeda.

Johan 2:2

Ona baplare Jisu ar acʼren celako hõko neota ocoakan tahẽkana.