Johan 5:39 - সান্তালী বাইবেল

³⁹ Ape do sonot sostorkope ḍunḍhạueda, entepe hudiseda ona hotetege jaejug jionpe ńama. Menkhan ona sostor ma coṅ iń reaṅge gohae emetʼkan;

Santali Common Language New Testament

³⁹ Ape do sonot sostorkope ḍunḍhạueda, entepe hudiseda ona hotetege jaejug jionpe ńama. Menkhan ona sostor ma coṅ iń reaṅge gohae emetʼkan;

Johan 5:39 Referans Kwoze

Luk 24:27

Inạ tayom uni do Moseyakʼ ar joto nạbikoakʼ olakʼ khon ehopʼkate sanam sonot sostorre acʼ reaṅ okako olakan ona jotoe bujhạuatʼkinạ.

Luk 24:44

Ar ona tayome metatʼkoa, “Iń do ape sãote tahẽkanreń menleda, Mose reakʼ ạnre, nạbikoakʼ olakʼre ar sereńkore iń reakʼ okako katha olakan ona sanamakʼ do purạukʼtehõ purạukʼgea.”

Aposkạmi 17:11

Thessalonikiạren Jihudi khon Beroea nagraharen Jihudikoakʼ mon do bạ̃ṛti soṛage tahẽkantakoa. Onko do khaṛa monte Isorakʼ katha ańjomkateko ataṅkeda. Ar Pạul okae menakatʼ ona do sạri kana se baṅ ona ńel lạgitʼ dinạm hilokʼ sostorko ḍunḍhạuetʼkan tahẽkana.

Mathae 22:29

Jisui roṛ ruạṛatʼkoa, “Bhuletʼ kanape, ente ape do sostor hõ bape baḍaea, ar Isorakʼ daṛe reaṅ hõ bape baḍaekana.

Jesaea 34:16

Ape do Probhu Isorakʼ puthire ḍunḍhạupe ar paṛhaokate ńelpe. Onḍe ol menakʼa, noko do mitʼṭen hõ bako adokʼa; ar cele hõ bin juri do bae tahena; ente ińakʼ mocate Probhu Isor doe hukum akada, ar uniren Jiu doe mitʼ ṭhene jarwakoa.

Aposkạmi 13:27

Jerusalemren hoṛko ar onkoren mukhiyạko do Jisu bako oromledea. Noa chaḍa nạbikoakʼ okaṭakʼ katha jirạukʼ mãhãre jaoge paṛhao idikʼkan tahẽkan, ona katha hõ onko do bako bujhạu daṛeada; onate Jisuko dusikedete ona kathako purạukeda.

Johan 5:46

Ape do Mosepe pạtiạuae khan honaṅ ińrehõpe pạtiạukokʼa, ente Mose do iń reaṅgeye olakada.

Jirimiạ 8:9

Ạkilan hoṛ do lajao arko torasokʼ kana ar jhạlireko paṛaokʼ kana. Onko do Probhu Isorakʼ kathako nihạ̃t giḍiakada, enḍekhan onko do cetʼ lekan ạkil menakʼtakoa?

Romiko lạgitʼ Pạul Apostolakʼ ciṭhi 3:2

Ona do joto secʼ khonge porhowanakʼ hoyakana. Pạhilte Isor do acʼakʼ katha Jihudikogeye ematʼko tahẽkana.

Mark 12:10

Ape do cetʼ sonot sostorre bape paṛhao akada? ‘Raj mistiriko okaṭakʼ dhiriko nihạ̃t giḍiletʼ onage konac reakʼ asol dhiri hoyena;

Johan sodor 19:10

Unre iń do uni serma goḍetakʼ jaṅga ṭhen ombakʼenteń sewawadea. Menkhan uni doe metadińạ, “Noa do cetʼem cekayeda? Iń do amren são kạmiyạicʼ kạnạń. Isorge sewawaeme. Amren biswạsi boehako, okoe do Jisuakʼ cecetʼakʼko sapʼ dohoakatʼ, iń do onko modren mitʼ hoṛ kạnạń. Jisuakʼ cecetʼakʼge tahẽkana nạbikoakʼ asol katha do.”

Romiko lạgitʼ Pạul Apostolakʼ ciṭhi 1:2

Isor do acʼren nạbiko hotete sonot sostorkore noa bhage sombat reakʼ laharegeye gokʼ dohoakatʼ tahẽkana.

Aposkạmi 26:27

E Agrippa raj, am do cetʼ nạbikoakʼ katharem pạtiạukʼ kangea? Ińiń baḍaea pạtiạuatako kangeam.”

Johan 7:52

Phạrusiko do Nikodemusko roṛ ruạṛadea, “Am hõ cetʼ Gạlilren hoṛ kanam? Sonot sostor ḍunḍhạukate ńelme, Gạlilre jãhãe nạbi janamokʼ reakʼ katha do bạnukʼa.”

Johan 5:32

Eṭakʼ mitʼ hoṛ menaea okoe do iń reaṅ gohae emetʼkan, ar ińiń baḍaea uni oka gohae em ona do sạrigea.

Sereńko 36:9

Am do jion reakʼ marsal kanam; amakʼ marsaltege ale dole marsalena.

Dosar Biboron 18:18

Iń do onkoren Israel boehako tala khon onko lạgitʼ am leka mitʼṭen nạbiyiń teṅgo akoa. Ar uniyakʼ mocatege ińakʼ kathakoń roṛa, ar iń oka lạlạiyiń hukumae onage uni doe roṛa.

Dosar Biboron 18:15

Aperen Probhu Isor do Israel boehako tala khon iń leka mitʼṭen nạbiye teṅgoapea. Ar uniyakʼ katha leka ape do calakʼ hoyokʼtapea.

Johan 5:36

Menkhan Johanakʼ khon hõ ińakʼ do maraṅ goha menakʼtińạ, ente okako kạmi Babae emakawạdiń onakogeń kạmikana. Ar onako do iń reaṅ noa gohae emeda je, Babageye kol akadińạ.

Sereńko 119:11

Amakʼ katha do ińakʼ ontorreń dohoakada, jemon am upạrte aloń kại.

Sereńko 16:11

Amge jion reakʼ horkom baḍae ocoakadińạ; cepel cepel rạskạ do am mẽtʼãhã samaṅrege menakʼa, ar amakʼ jojomti secʼ do jaejug reakʼ sukge menakʼa.

Luk 16:31

“Unre Abrahame menkeda, ‘Mose ar nạbikoakʼ katha jãhãe bako ańjom khan enḍekhan gocʼko mod khon jãhãegeye beretʼlenre hõ onko do ohoko pạtiạulena.’ ”

Kạhtukko 6:23

ente noako hukum do diuhe leka, noa sikhnạt do marsal leka, ar ḍanṭao reakʼ nisṛạu do jion reakʼ horge.

Josuạ 1:8

Ạn-ạri reakʼ niạ puthire okako ol menakʼ ona do jao okte amakʼ mocare tahenma. Ar ona jemonem pańja daṛeakʼ onate siń-ńindạm khondrondjoṅa. Onate jotowakʼrege sarhekʼtama ar bhạlại hoyokʼtama.

Dosar Biboron 32:47

Ape lạgitʼ noa do ạuṛi katha baṅkana, menkhan apeakʼ jion kangea. Jordan gaḍa tinrepe paromokʼa ar ona disạmpe dokhola unre noako kathape dohoya ar ḍher din jiwetʼpe tahena.”

Ibriko 11:16

Menkhan onko do arhõ bhage mitʼṭecʼ disạm reakʼ, metakʼme jion puri reakʼko ńam baṛayetʼkan tahẽkana. Ona iạte Isor acʼtetʼge onkoren Isor mente ńumogokʼ do bae lajaokʼ kana, ente uni do onko lạgitʼge mitʼṭecʼ nagrahae tear akatʼ tahẽkana.

Kolossiko lạgitʼ Pạul Apostolakʼ ciṭhi 3:16

Mạsiyakʼ katha apeakʼ ontorre purạte girobas ocowakʼpe. Isorakʼ akelte lại cecetʼ ar sipikhạukʼpe, sereńko, sarhao sereńko ar Jiuteakʼ õṛhẽyakʼkote apeakʼ ontorre Isor gun manao tulucʼ sereńaepe.

Luk 16:29

“Menkhan Abrahame menkeda, ‘Mose ar nạbikoakʼ puthi ma coṅ menakʼge. Onko do onkoakʼ kathako luturakʼ ma.’

Daniel 12:2

Ar unre dhạrti reakʼ otreko jạpitʼ akatʼ alekha hoṛ doko ebhenokʼa; ar adomko do jaejug jiwetʼ tahen lạgitʼko beretʼa, arhõ adomko doko beretʼa lajao ar jaejug hirkhạwanko hoyokʼ lạgitʼ.

Johan 1:45

Philip do Nathanaele sendra ńamkedeteye metadea, “Mose do okoeyakʼ katha ạn-ạrikoreye ol oṭo akatʼ ar nạbiko hõ okoe reaṅko olakatʼ uni do alele ńam akadea. Uni do Nasaret atoren Josephren hopon Jisu kanae.”

Jesaea 8:20

Ape do Isorakʼ hukum ar gohako ṭhen calakʼ hoyokʼtapea. Ar Isorakʼ katha leka onko bako roṛ enḍekhan bujhạu hoyokʼa onko talare marsal do bạnukʼa.

Sereńko 21:4

Uni do am ṭhen jione koeleda, ar am do onam emadea; ar ḍher din bahaokʼ lạgitʼem danadea.

Sereńko 1:2

bickom Probhu Isorakʼ ạnrege uniyakʼ rạskạtae do, ar onage uniyakʼ siń ar ńindạ reakʼ dhenkantaea.

Sereńko 133:3

Ona do Hermon buru reakʼ sisir dakʼ leka one oka do ạtu pheḍokʼkan Sion burure; ente Probhu Isor do onḍegeye ạsirbad akawada, ar ona ạsirbad do jaejug jionge.

Ibriko 11:35

Maejiuko do akoren gocʼ hoṛko arhõ jiwetʼgeko ńam ruạṛketʼkoa. Eṭakʼko do akotege hajot khon baṅ chaḍaokʼteko santao ocolena, jemon onko do gocʼko khon beretʼkate artetʼ mońj jionko ạidạri joṅ.

Dosar Biboron 29:29

“Danaṅakʼ reakʼ jotowakʼko do aboren Probhu Isorakʼ bisoe kana, menkhan sodorakʼ jotowakʼ do jaejug lạgitʼ abo ar abokoren hopon ar hoponerako lạgitʼkana, jemon noa ạn-ạri reakʼ sanamakʼ kathako bon senakʼte ona bon purạu.

Luk 24:25

Khange Jisu do unkine metatʼkinạ, “Aben do cetʼge baben bujhạu akada. Abenakʼ mon do goṛdho akana, onate nạbikoko roṛakatʼ katha hõ baben pạtiạuakʼ kana.

Johan 5:40

enrehõ ape do jion ńam lạgitʼ iń ṭhen hijukʼ baṅ sanayetʼpea.

Mark 10:3

Jisui metatʼkoa, “Mose do cetʼ hukume em akawatʼpea?”