Johan 5:38 - সান্তালী বাইবেল

³⁸ Ona chaḍa uniyakʼ kathako do apeakʼ ontorre baṅ tahen kana, ente okoeye kolakade unire bape pạtiạukʼkana.

Santali Common Language New Testament

³⁸ Ona chaḍa uniakʼ kathako do apeakʼ ontorre baṅ tahen kana, ente okoeye kolakade unire bape pạtiạukʼkana.

Johan 5:38 Referans Kwoze

1 Johan 2:14

E hoponińko, apeń olapekana, ente ape do Isor Babape baḍae akadea. E babako, iń do apeń ol ape kana, ente okoe pạhil khon menae unipe baḍae akadea. E juạnko, apeń ol ape kana, ente ape dope daṛeanko kana ar Isorakʼ katha apeakʼ ontorre menakʼa, ar ape do Soetanpe bhagao akadea.

Johan 15:7

Ińrepe tahẽlen khan ar ińakʼ kathako apeakʼ ontorre tahẽnlen khan enḍekhan jãhãnakʼge sanape, onage koepe; ar ona do hoeapea.

Johan 8:37

Baḍaegeạń Abrahamren bõsko kanape, menkhan enhõ ape do gojeńpe menjoṅkana, ente ińakʼ katha do apeakʼ ontorre jaega bae ńameda.

Johan 1:11

Uni do acʼrenko ṭhene hecʼlena, menkhan acʼren hoṛge bako ataṅledea.

Jesaea 49:7

Hoṛko okoeko nihạ̃t giḍi akade arko hirkhạwaekan, okoe doe disạm cakʼlaokoren golamkan, uni Israelren sonoticʼ ar chakʼḍaoicʼ do Probhu Isor niạ kathae metaekana, “Rapajko do am ńelteko beredokʼa, ar mukhiyạko do amko ḍobokʼama, ente Probhu Isor do ame bachao akatʼmea; Israelren uni sonoticʼ doe pạtiạranicʼ kana.”

Josuạ 1:8

Ạn-ạri reakʼ niạ puthire okako ol menakʼ ona do jao okte amakʼ mocare tahenma. Ar ona jemonem pańja daṛeakʼ onate siń-ńindạm khondrondjoṅa. Onate jotowakʼrege sarhekʼtama ar bhạlại hoyokʼtama.

Kolossiko lạgitʼ Pạul Apostolakʼ ciṭhi 3:16

Mạsiyakʼ katha apeakʼ ontorre purạte girobas ocowakʼpe. Isorakʼ akelte lại cecetʼ ar sipikhạukʼpe, sereńko, sarhao sereńko ar Jiuteakʼ õṛhẽyakʼkote apeakʼ ontorre Isor gun manao tulucʼ sereńaepe.

Sereńko 119:11

Amakʼ katha do ińakʼ ontorreń dohoakada, jemon am upạrte aloń kại.

Jesaea 26:10

Bedhorom hoṛko daya udukʼakore hõ onko do dhorom bako ceda; hokakʼ disạmre onko do dusṭạmiko kạmiya ar Probhu Isorakʼ mạhima hõ bako aṅgoca.