Johan 5:1 - সান্তালী বাইবেল

¹ Niạ tayom Jisu do Jerusalemteye calaoena, ente ona jokhecʼ Jihudikoakʼ mitʼṭecʼ porob tahẽkana.

Santali Common Language New Testament

¹ Niạ tayom Jisu do Jerusalemteye calaoena, ente ona jokhecʼ Jihudikoakʼ mitʼṭen porob tahẽkana.

Johan 5:1 Referans Kwoze

Dosar Biboron 16:16

“Aperen Probhu Isore bachao akawan ṭhạ̃ire bochorre pe dhao, metakʼme bin khạmiyanakʼ piṭhạ porobpe porobokʼ jokhecʼ, eae hapta reakʼ porobre ar chamḍa porobre aperen sanam herel hoṛko do Probhu Isor samaṅre hạjirokʼ hoyokʼtakoa. Unre Probhu Isor samaṅre eken ti okoe hõ alo jemonko hijukʼma.

Exodus 34:23

Sanam herel hoṛ do bochorre pe dhao Probhu Isor samaṅrepe hạjirokʼa. Ente uni kangeae Israelkoren Isor do.

Johan 2:13

Jihudikoakʼ bańcaokʼ porob soren khan Jisu do Jerusalemteye rakapʼ calaoena.

Galathiko lạgitʼ Pạul Apostolakʼ ciṭhi 4:4

Menkhan oktetetʼ purạuen khan Isor do acʼren Hopone kolkedea. Uni Hopon do maejiuakʼ kukhireye janamena ar ạn gobolreye harayena.

Mathae 3:15

Jisui menkeda, “Niạ dom do nonkage hoyocowakʼme, ente Isorakʼ sana do nonkage purạu lek talaṅa.” Adoe aṛakʼadea.

Dosar Biboron 16:1

“Abib candore ape do aperen Probhu Isor ńutumte bańcaokʼ porobpe porobokʼa. Niạ Abib candorege uni do ńindạ jokhecʼ Misor disạm khon apeye oḍok ạguletʼpea.