Johan 4:46 - সান্তালী বাইবেল

⁴⁶ Jisu do arhõ Gạlil reakʼ ona Kana atoteye calaoena. Nonḍege uni do dakʼe darkha rasa ocoletʼ tahẽkana. Ar Gạlil reakʼ Kapharnạhum nagrahare mitʼṭen raj kạmiyạ hoṛren hopontetʼ doe ruạ kạhil akan tahẽkana.

Santali Common Language New Testament

⁴⁶ Jisu do arhõ Gạlil reakʼ ona Kana atoteye calaoena. Nonḍege uni do dakʼe darkha rasa ocoletʼ tahẽkana. Ar Gạlil reakʼ Kapharnạhum nagrahare mitʼṭen raj kạmiạ hoṛren hopontetʼ doe ruạ kạhil akan tahẽkana.

Johan 4:46 Referans Kwoze

Luk 8:42

Ar Jisu acʼakʼ oṛakʼte hijukʼ lạgitʼe nehõradea, ente uniren gelbar bochor umerren sadher hoponera do gujukʼ dạkhile tahẽkana. Ado Jisu tinreye calakʼkan tahẽkana unre gadel hoṛko do beṛhaeteko riḍetʼ ciritʼede tahẽkana.

Luk 7:2

Onḍe mitʼṭen Rom Subedarren guti do ruạ kạhilte gujukʼ dạkhile tahẽkana. Ar Subedar do uni guti ạḍiye dulạṛedekan tahẽkana.

Mathae 15:22

Ar ńelpe, Kananren mitʼṭen maejiu do oḍok hecʼkate hohoateye menkeda, “E Probhu, Dạudren Hopon, mãyãwạńme baṛe, ente hoponerań do bạṛicʼ jiue capaṛ akawadete ạḍitetʼe sasetokʼ kana.”

Mathae 9:18

Jisu noakoe galmarao akokan tahẽkanre Jihudikoren mitʼṭen mukhiyạ hoṛ do hecʼkate ḍobokʼadeteye metadea, “Hoponerań do ńitgeye gocʼena. Menkhan enhõ senkate capoyem, ar inạtege uni doe jiwedokʼa.”

Hosea 5:15

Ar tin hạbicʼ onko do akoakʼ dos bako aṅgoc ar iń secʼ bako moneyakʼ unhạbicʼ iń do ińakʼ jaegate ruạṛ senkate onḍeń tahena. Onkoakʼ duk kosṭore onko do gagoj salakʼ iń ṭhenko ruạṛ hijukʼa.”

Sereńko 50:15

Amakʼ muhinre hohowạńme; iń do amiń bańcaomea ar am do ińem manotińạ.”

Johan 21:2

Simon Patras, ar jawako metae Thoma ar Gạlil reakʼ Kana nagraharen Nathaniel, Sabdaeren hoponkin ar Jisuren eṭakʼ barea cela onko do mitʼ soṅgeteko tahẽkana.

Sereńko 78:34

Uni do onkoe gocʼketʼko tayom sarecʼ hoṛko do uniyakʼ kathako disạkeda; onko do arhõ uni secʼko ạcur ruạṛena ar jitkate uniko ńam baṛakedea.

Josuạ 19:28

Ona tayom ona simạna do Ebron, Rehob, Hamon ar Kana secʼte maraṅ Sidon hạbicʼ calao idiyena.

Mathae 4:13

Jisu do Gạlilteye calaoena ar Nasaret atoe bạgiyatʼte Sebulon ar Naphthạli elaka reakʼ doreão aṛe Kapharnạhum nagrahate senkateye berelena.

Luk 4:23

Jisui metatʼkoa, “Ape do noa hõpe mitạńa, ‘E raranicʼ amge baṛe bogekokʼme.’ Arhõpe mitạńa, ‘Kapharnạhumre okako kạmi reakʼ kathale ańjomakatʼ, onako ńitokʼ nijakʼ atorehõ udugme.’ ”

Johan 2:12

Ona tayom Jisu do acʼren eṅgattetʼ, boehako ar celako sãote Kapharnạhum nagrahateye calaoena, menkhan onḍe onko do ḍher din bako tahẽlena.