Johan 4:31 - সান্তালী বাইবেল

³¹ Ar inạ takre celako do nehõradeteko metadea, “E Guru, thoṛa jom maṛaṅlem.”

Santali Common Language New Testament

³¹ Ar inạ takre celako do nehõradeteko metadea, “E Guru, thoṛa jom maṛaṅlem.”

Johan 4:31 Referans Kwoze

Johan 1:38

Jisu do ạcurente pańjakane ńelketʼkinteye metatʼkinạ, “Cetʼben ńam kana?” Johanren cela dokin kulikedea, “E Rabbi, (torjomate) E Guru, am do okarem tahen kana?”

Genesis 24:33

Menkhan tinre jomakʼe ạguadea unre uni gutiye menkeda, “Nonḍe cedakʼ iń hecʼakan ona ạuriń lại hạbicʼ cetʼge bạń jom ńũiya.” Labane menkeda, “Ma lạime.”

Mathae 23:7

Onko do hạṭiạ bajarkore johar ocokʼ ar hoṛko ṭhen guru men ocokʼgeko kusikʼkana.

Mathae 23:8

“Ape do guru mente alope hoho ocokʼa, ente mitʼṭengeae aperen Guru do, ar ape do jotokogepe boeha kana.

Mathae 26:25

Ado okoe bạirikoakʼ tire Jisui soprot ocoye lạgidokʼkan tahẽkan uni Jihudại menkeda, “E Guru, uni do cetʼ iń kạnạń?” Jisu do uniye metadea, “Am do ṭhikgem meneda.”

Mathae 26:49

Onate Jihudạ do Jisu ṭhen hecʼkateye menkeda, “Johar Guru,” Ar noa menkateye cokʼadea.

Mark 9:5

Unre Patras do Jisui metadea, “E Guru, ale nonḍe menakʼle do, bhagege hoyakana. Nonḍe pea kumbạ oṛakʼle benaoa, mitʼṭecʼ do am lạgitʼ, mitʼṭecʼ do Mose lạgitʼ ar mitʼṭecʼ do Eliạ lạgitʼ.”

Mark 11:21

Patras do Jisuakʼ katha disạketʼteye menkeda, “E Guru, ńelme okaṭakʼ darem sarapatʼ tahẽkan ona do rohoṛ akana.”

Mark 14:45

Onate Jihudạ do mitʼ mohnḍa Jisu ṭhen senkateye menkeda, “E Guru!” Ar noa menkateye cokʼadea.

Johan 1:49

Noate Nathanael do Jisui metadea, “E Guru, am do Isorren Hopon kanam ar amge Israelkoren raj do.”

Johan 3:2

Uni do mitʼ din ńindạ jokhecʼ Jisu ṭhen hecʼkateye menkeda, “E Guru, alele baḍaea am do mitʼṭen cecetʼicʼ leka Isor ṭhen khonem hecʼakana, ente okako hahaṛawakʼ kom kạmikan, ona do Isor soṅgete bae tahẽlen khan okoe hõ ohoe kạmi daṛelea.”

Johan 3:26

Onko do Johan ṭhen hecʼenteko metadea, “E Guru, okoe do Jordan hanasare am sãoteye tahẽkan ar okoeṭakʼ reakʼ goham emletʼ, ńelme, uni doe bạptisetʼkoa ar sanam hoṛ uni ṭhengeko calakʼkana.”

Johan 4:30

Onate hoṛko do ato khon oḍokkate Jisu ṭhen hijukʼko ehopʼena.

Johan 4:32

Jisu do onkoe metatʼkoa, “Iń ṭhen nonkan jomakʼ menakʼa one ona reakʼ ape do bape baḍaekan.”

Johan 6:25

Onḍe seṭerkate onko do Jisu sendra ńamkedeteko metadea, “E Guru, tinre nonḍe dom hecʼakana?”

Johan 9:2

Unre celako do Jisuko kulikedea, “E Probhu Isor, okoeye kạiletʼte nui do kãṛãgeye janamena? Nui se nuiren go-babakin?”

Johan 11:8

Celakoko metadea, “E Guru, thoṛa din lahare mukhiyạko dhirite tińmeko menetʼ tahẽkana, am do cetʼ arhõ onḍe calakʼem menjoṅ kana?”