Johan 4:21 - সান্তালী বাইবেল

²¹ Jisu do uniye metadea, “Ańjomme ar ińakʼ kathare pạtiạukʼme, ente nonkan okte hijukʼ kana unre Isor Baba do noa burure hõ baṅ ar Jerusalemre hõ bape sewawaea.

Santali Common Language New Testament

²¹ Jisu do uniye metadea, “Ańjomme ar ińakʼ kathare pạtiạukʼme, ente nonkan okte hijukʼ kana unre Isor Baba do noa burure hõ baṅ ar Jerusalemre hõ bape sewawaea.

Johan 4:21 Referans Kwoze

1Timothi 2:8

Ińakʼ monejoṅakʼ do noage, herel hopon do sanam jaegare edre se jhogṛa baṅkate sapha monte sonot ti tulkate jemonko koejoṅ.

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.

Ephesiko lạgitʼ Pạul Apostolakʼ ciṭhi 2:18

Uni hotete ini mitʼ sonot Jiure Baba ṭhen calakʼ reakʼ ạidạri do sanamkoakʼ menakʼ tabona.

Johan 4:23

Menkhan okte daraekana, ar ńit hõ kangea, one unre sạri sewako do Jiu ar sạriyakʼte Babako sewawaea. Ar Baba hõ nonkan sekʼwakogeye ńam baṛayetʼkoa.

Mathae 18:20

ente okare bar se pe hoṛ iń ńutumteko jarwakʼa, onḍege iń do onko talareń tahena.”

Ephesiko lạgitʼ Pạul Apostolakʼ ciṭhi 3:14

Serma ar dhạrtiren sanam jiwiyanko modre mitʼke mitʼ gusṭiren okoe do uniren hopon menteko ńumogokʼkan uni Baba samaṅre iń doń ikṛumokʼkana.

Johan 16:32

Ńelpe, ona okte do hijukʼkana, hẽ hecʼakangea, unre ape dope chirchạturokʼa ar iń eskarpe bạgi oṭowạńte apan ạpin jaegatepe calakʼa, enrehõ iń do bạń eskara, ente iń tulucʼ do Baba menaea.

Johan 16:2

Sunạgog khonko oḍok idipea; ar nonkan okte hijukʼ kana one okoe apeko gocʼpe onko doko monejoṅa, Isorgeko sewawae kana mente.

Johan 5:28

Noa katha ańjomkate alope hahaṛakʼa, ente nonkan okte daraekana, okoe topare menakʼko onko sanamkoge manwa Hoponakʼ aṛaṅ ańjomteko oḍokʼ hijukʼa.

Jeheskel 14:3

“E manwa hopon, noko hoṛ do akoakʼ ontorre boṅga muṭhạnko bạisạu akawante kạire ńurokʼ lekan jinis ako samaṅreko dohoakada. Ona iạte iń ṭhen jãhãnakʼ reakʼko kulijoṅ khan onko do cetʼge bạń roṛ ruạṛakoa.

1 Patras 1:17

Isor Baba do mimitʼ manwakoakʼ kạmi lekae bicạrkoa, uni do mẽtʼãhã ńelte bae bicạra. Onate Baba mente unipe hohowaekan khan, enḍekhan noa dhạrtire tinạkʼ din upriạ leka menakʼpe unạkʼ din uni botorae salakʼ din khemaope.

Aposkạmi 6:14

Ale do noa katha roroṛle ańjomakadea, Nasaretren uni Jisu do noa mundile rạputʼ giḍiya ar Mose oka ạn-ạrikoe emakatʼbon onako hõe pheraoa.”

Johan 14:6

Jisu do Thomae metadea, “Ińge hortetʼ, sạriyakʼtetʼ ar jion do. Iń hotete baṅkhan okoe hõ Baba ṭhen do ohoko calao daṛelena.

Johan 5:25

Sạrigeń metapekana, nonkan okte hijukʼ kana, bickom ńitokʼkangea, tinre gocʼko do Isorren Hoponakʼ aṛaṅko ańjoma ar tinạkʼko ańjom onko doko jiwedokʼa.

Luk 21:24

Onko do tarwaṛeteko gocʼ ocokʼa ar sanam jạtrenko talare bondi akan leka chirchạturko tahena. Ar por jạtrenkoakʼ okte ạuri purạukʼ hạbicʼ Jerusalem do onkoakʼ jaṅgate lebetʼ gańjaokʼa.

Mathae 28:19

Onate sanam jạtren hoṛko ṭhen calakʼpe ar ińren cela hoyocokope. Ar Baba, Hopon, Sonot Jiu ńutumte bạptiskope.

Jeheskel 20:3

“E manwa hopon, am do Israelren murubbikom metakoa, Probhu Isore meneda, ‘ape do cetʼ iń ṭhen kulijoṅ lạgitʼpe hecʼakana? Ińakʼ ńutumteń menetʼkana, iń do bạń baḍae ocopea.’

Jesaea 66:1

Probhu Isore meneda, “Serma do ińakʼ siṅghạson kana ar ot do ińakʼ jaṅga lebedokʼakʼ ganḍo kana. Iń lạgitʼ oṛakʼ do okarepe benaoa? Ińakʼ koejoṅ reakʼ ṭhạ̃i do okare hoyokʼa?

Johan sodor 21:22

Ona nagrahare jãhãn mundilge bạń ńel ńamleda, ente sanam daṛeanicʼ Probhu Isor ar Bheḍa Hoponge ona nagraharen mundil do.