Johan 4:10 - সান্তালী বাইবেল

¹⁰ Jisu do uni maejiue roṛ ruạṛadea, “Isorakʼ danem baḍaele khan ar okoe am ṭhen dakʼe kokoe kana enḍekhan amge honaṅ uni ṭhen dakʼem koekea ar uni do jiwetʼ dakʼe emkema.”

Santali Common Language New Testament

¹⁰ Jisu do uni maejiue roṛ ruạṛadea, “Isorakʼ danem baḍaele khan ar okoe am ṭhen dakʼe kokoe kana enḍekhan amge honaṅ uni ṭhen dakʼem koekea ar uni do jiwetʼ dakʼe emkema.”

Johan 4:10 Referans Kwoze

Johan 4:14

Menkhan iń oka dakʼiń emokʼ, ar okoe onae ńũi uni do tisge oho tetaṅlea. Ona dakʼ do uniyakʼ ontorre jaejug jion lạgitʼ bhumbukokʼkan dakʼ jharna leka hoyokʼa.”

Johan sodor 7:17

ente Bheḍa Hopon okoe do siṅghạsonre menae unige onkoren gupiyicʼe hoyokʼa. Ar jiwetʼ dakʼ reakʼ jharna ṭhene idikoa, ar Isor do onkoakʼ mẽtʼdakʼe jodtakoa.”

Jesaea 44:3

ente tetaṅokʼkan disạmre dakʼ iń dula. Ar amren hoponko cetanre ińren Jiu iń dulea ar amakʼ bõsren hoṛkoń bhorakoa.

Johan sodor 21:6

Uni do arhõe metadińạ, “Hoyena. Ińge Alpha ar Omega, etohopʼ ar mucạtʼtetʼ. Okoe tetaṅ edekan uni do jiwetʼ dakʼ reakʼ jharna khon begor damteń ńũ ocoyea.

Johan 3:16

“Isor do dhạrtirenko nonkae dulạṛketʼkoa acʼren eskar janam Hopongeye emkedea, jemon unire pạtiạukʼ mitʼke mitʼ hoṛ aloko nosṭokʼ bickom jaejug jion tahentako.

Jirimiạ 2:13

Ente ińren hoṛ do bareako ghạṭ akada. Jion dakʼ reakʼ bhumbuk doń ińkangea, onko do ińgeko bạgi giḍi akadińạ, ar apnar lạgitʼ nonkan dakʼ ḍạḍiko benao akada one onakore do dakʼge baṅ tahenkan.

Johan sodor 22:17

Sonot Jiu ar bạhu kuṛi dokin meneda, “Dela hijukʼme,” Ar okoe noa kathae ańjometʼ uni hõe menma, “Dela hijukʼme.” Okoe tetaṅede kan uni doe hijukʼma ar okoe dakʼ ńũi menetʼkan uni do begor damte jion dakʼe ńũ idi joṅma.

Sakariạ 14:8

Un jokhecʼ niron din ar rabaṅ dinre Jerusalem khon do heṛem dakʼ ạtu oḍokokʼte adha do purub jalapuri secʼ ar adha do pạchim jalapuri secʼ ạtu calakʼa.

Romiko lạgitʼ Pạul Apostolakʼ ciṭhi 8:32

Isor do acʼren Hopon hõ bae mãyãwadea bickom abo sanamko lạgitʼ gujukʼ tireye emkedea. Enḍekhan uni do cetʼ Hopon sãote ar sanamakʼko bae dan abona?

Jesaea 12:3

Ona iạte ape do hulạsate bańcao reakʼ kũń khon dakʼpe loya.

Johan 6:35

Jisui metatʼkoa, “Ińge ona jion reakʼ piṭhạ do. Okoe iń ṭhene hijukʼ uni do tis hõ baṅ reṅgejea. Ar okoe ińreye pạtiạukʼkan uni do tisge baṅ tetaṅea.

Jesaea 49:10

Onko do baṅ reṅgecʼkoa, ar baṅ tetaṅkoa se hahaṅkar reakʼ lolo se siń cando reakʼ jharla jhạrli setoṅ hõ baṅ paṛaoakoa. Onko cetanre okoeye mãyãkʼkan unige hore udukʼakoa ar dakʼ jharna ṭhene ạyur idikoa.

Sakariạ 13:1

“Iń phạdkoren Probhu Isorgeń meneda, enhilokʼ Dạudakʼ bõsren ar Jerusalemren hoṛkoakʼ kại ar besapha akanakʼ ạrupʼ saphae lạgitʼ mitʼṭecʼ jharna do jhijogokʼa. Ar enhilokʼ do disạm khon boṅgako sạṅgiń ocokʼa ar onkoakʼ ńutum do celehõ bako disạiya. Disạm khon onkoren nạbikoń sạṅgiń giḍikakoa ar bạṛicʼ jiuko hõń sạṅgińkoa.

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

Johan 6:51

Ińge ona jiwetʼ reakʼ piṭhạ do one serma khon pheḍ hecʼakan. Ar okoe noa piṭhại jom uni do jaejug hạbicʼ jiwetʼe tahena. Ińakʼ hoṛmo kangea ona piṭhạ do. Manwa jemon jionko ńam ona lạgitʼ iń do ińakʼ hoṛmoń emokʼa.”

Jesaea 43:20

Bir janwar, toyo ar ũṭ cẽṛẽko do ińko sarhaoińa, ente ińren hoṛko, ińren bachao akan hoṛkoakʼ jomakʼ lạgitʼ hahaṅkarre dakʼiń jogao akoa ar khaṅkarre do gaḍań hoeocoya.

Jesaea 35:6

Unre leḍhako do jel hopon lekako don baṛaea, guṅgạ hoṛkoakʼ alaṅ do rạskạteye andoṛa, hahaṅkarre do dakʼ bhumbukokʼa. Ar khaṅkar jaegakore do gaḍa dakʼ ạtukʼa.

Sereńko 46:4

Mitʼṭecʼ gaḍa menakʼa ar ona reakʼ nalako do Isorakʼ nagrahakoe rạskạ ocoyeda, ona sonot ṭhạ̃ikoge okare maraṅ Isorre tahenkan.

Exodus 17:6

Ona tayom iń do Horeb buru ṭhen am samaṅre mitʼṭecʼ dhiri cetanreń teṅgona. Am do ona dhirim dala ar onate hoṛko lạgitʼ onḍe khon dakʼ oḍokokʼa.” Ar Mose do Israelkoren murubbiko samaṅreye onkakeda.

2 Korinthiko 9:15

Ar oka dan reakʼ katha baṅ lạiyogokʼ ona dan ńutumte Isorakʼ sarhao baṛe hoyokʼtaema.

Luk 11:13

Enḍekhan apepe bạṛicʼgere hõ aperen gidrạko bhage bhage jinisko emakope baḍaekan khan, sermaren Baba do acʼ koeyekanko tinạkʼ artetʼ sonot Jiue emakoa!”

Jesaea 42:6

“Iń Probhu Isorge dhoromreń hohoakatʼmea; iń do amakʼ tiyiń sabtama. Ińgeń rukhiyạmea ar ińren hoṛko lạgitʼ mitʼṭecʼ bondobos menkateń dohomea ar eṭakʼ jạtrenko lạgitʼ do marsal lekań hoe ocomea.

Ephesiko lạgitʼ Pạul Apostolakʼ ciṭhi 2:8

Ente dayatepe bańcao akana biswạste. Ar ona do ape khonakʼ do baṅ, ona do Isorakʼ dan kana.

1 Korinthiko 1:30

Jisu Mạsi tulucʼpe mitʼakan ona do Isor khonge hoyakana. Jisu Mạsige abo lạgitʼ Isor ṭhen khone emakan akel do; unige aboren dhoromicʼ, sonoticʼ ar chakʼḍaoicʼ.

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼbona jemon sạri Isor bon baḍae orom daṛeae. Ar okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.

Johan 16:3

Onko do noa iạtegeko onkaea ente Baba hõ bako baḍaeakadea ar iń hõ bako baḍae akadińạ.

Aposkạmi 9:11

Probhu Isor do uniye metadea, “Ma beretʼkate sojheko metakʼ kulhite calakʼme. Ar onḍe Jihudạwakʼ oṛakʼre Tạrsus nagraharen Sạul ńutuman mitʼṭen hoṛ khojeme.

Sereńko 10:17

E Probhu Isor, am do mạ̃hirkoakʼ ontor reakʼ katham ańjomeda; ar amge dilem emakokana, ar onkoakʼ rakʼem ańjometʼtakoa.

Soros sereń 4:15

Am do bagwanko reakʼ jharna kanam, bhumbuk oḍokokʼ kan kũń dakʼ leka, Lebanon khon ạtu oḍokokʼ gaḍa hõ kanam.

Ibriko 6:4

ente mitʼ dhao marsal ńelakatʼko do, serma dan reakʼ sebel ar sonot Jiuakʼ elaṅko ńamakada,

Jeheskel 16:35

E laṭghaṭicʼ maejiu, Probhu Isorakʼ katha ańjomme.