Johan 3:29 - সান্তালী বাইবেল

²⁹ Okoe ṭhen bạhu kuṛiye jimạ ocoakan uni kangeae jãwãe beṭa do. Ar lomta koṛa do jãwãe beṭawakʼ kathae ańjoma ar uniyakʼ aṛaṅ ańjomteye rạskạkʼa. Onkage ińakʼ rạskạ hõ teheń do purạu akantińạ.

Santali Common Language New Testament

²⁹ Okoe ṭhen bạhui jimạ ocoakan uni kangeae jãwãe do. Ar lomta koṛa do jãwãe beṭawakʼ kathae ańjoma ar uniakʼ aṛaṅ ańjomteye rạskạkʼa. Onkage ińakʼ rạskạ hõ teheń do purạu akantińạ.

Johan 3:29 Referans Kwoze

Hosea 2:19

“E Israel, am sãote baplakʼ reaṅ do jaejug hạbicʼ iń kajak utạra; dhoromte, hok reakʼ bicạrte, asambheṛ dulạṛte ar dayate iń do ona reaṅiń kajak utạra.

Mathae 9:15

Jisui metatʼkoa, “Jãwãe beṭa soṅgere tahen tulucʼ cetʼ bạriạtko doko bhabnakʼa? Menkhan okte hijukʼ kana jãwãe beṭa do onko khone idiocokʼa. Ar unre onko doko upạsa.

Jeheskel 16:8

“ ‘Iń do am aṛeteń parom calakʼkan tahẽkanre am secʼ beṅgetʼkateń ńelkeda, amakʼ do dulạṛokʼ reakʼ okte hoyakantama; ona iạte ińakʼ kicricʼ reakʼ hĩs am cetanreń dapalketʼte amakʼ uluṅiń esetʼketʼtama. Iń do am ṭheniń kiriạyena ar am tulucʼ baplakʼ reakʼ iń bondoboskeda, ar onate ińrenem hoyena.

Jesaea 54:5

Amren sisirjạuicʼge amren jãwãe do, uniyakʼ ńutum do phạdkoren Probhuge; Israelren uni sonoticʼge amren chakʼḍaoicʼ do. Unige goṭa dhạrtiren Isore ńum ocokʼkana.

Johan sodor 21:9

Ar okoe eae goṭecʼ serma goḍetkoakʼ tire mucạtʼ eae goṭecʼ dukte perecʼ bạṭi tahẽkan onko modren mitʼ hoṛ do iń ṭhen hecʼkateye menkeda, “Dela hijukʼme, bạhu kuṛiń udukʼama, metakʼme Bheḍa Hoponren bạhuń udukʼama.”

Philipiko lạgitʼ Pạul apostolakʼ ciṭhi 2:2

enḍekhan nonkage ińakʼ rạskạ purạutińpe, ar ape sanamkoakʼ mon mitʼakae tahenma, ape mimitʼko dupulạṛpe ar mitʼ jiwi ar mitʼ monokʼpe.

Johan 16:24

Ape do ńit hạbicʼ iń ńutumte jãhãnakʼge ạuripe koea. Koepe, adope ńama jemon apeakʼ rạskạ purạukʼtape.

1 Johan 1:4

Aleakʼ rạskạ jemon perejokʼ onate ale do noakole oleda.

2 Korinthiko 11:2

Iń do ape lạgitʼ ińakʼ ontorre Isor reakʼ khạndri ãṭteń ãṭokʼkana, ente iń do eken mitʼṭen jãwãe tulucʼ, metakʼme Mạsi tulucʼge apeakʼ bapla reaṅ iń ṭhik dohoakada, jemon niphuṭ kũạ̃ri kuṛi leka uni tireń jimạ daṛeape.

Luk 15:6

Ar oṛakʼte calaokate acʼren gateko ar aḍepaseren hoṛko hohowakoteye metakoa, ‘iń sãote rạskạkʼpe, ente atʼlen bhiḍi doń ńam ruạṛ akadea.’

Soros sereń 5:1

E dulạṛiạ, E bạhutiń, iń do ińakʼ bagwanreń bolo akana; ińakʼ gondhoros iń sitʼetʼkana ińakʼ mahkaokʼ salakʼ. Iń do chatań jometʼtińạ ińakʼ dumur rasa tulucʼ, ar ińakʼ darkha rasań ńũiyetʼtińạ toa tulucʼ. Jompe, E gateko ar ńũ joṅpe, dulạṛte ńũ bikʼpe E dulạṛiạko. Dulạṛiạwakʼ katha: (Kuṛi)

Mathae 25:1

“Unre serma raj do nonkan gel tetre kuṛiko leka hoyokʼa one okoe do gate kuṛiren Jãwãe daram ạguiye lạgitʼ diuhewante bahreteko oḍok calaoen.

Jesaea 66:11

Ape do nunuipe ar bikʼpe Jerusalem reakʼ bạ̃skin khon asambheṛ oḍokokʼ kan bhạlại reakʼ jomkate tirpitokʼpe.

Soros sereń 3:11

E Sionren kuṛiko, dela oḍok hijukʼpe, ńelpe, Solomon raj do mạ̃ṛteye sajao akana; uniyakʼ baplakʼ dinre, ar uniyakʼ rạskạ dinre, uniren eṅgattetʼ do mạ̃ṛe horokʼ akawadea.

2 Johan 1:12

Ape olape lạgitʼ ińakʼ aema katha menakʼre hõ enhõ kagoc ar kạlite olape do bạń menjoṅ kana. Ona khon bickom ape ṭhen senkate mocate galmarao reakʼ iń asokʼ kana, jemon aboakʼ rạskạ purạukʼ tabon.

Johan 17:13

“Ńitokʼ do am ṭheniń hijukʼ kana, ar ińakʼ rạskạte onkoakʼ ontor jemon perejokʼtako onate dhạrtire tahenrege noako kathań roṛeda.

Mathae 22:2

“Serma raj do nonkan mitʼṭen raj lekana, one okoe do acʼren hopon lạgitʼ bapla bhoje tearketʼ.

Johan 3:30

Uni do maraṅ idikʼtege hoyokʼtaea ar iń do ocogokʼ hoyokʼtińạ.”

Johan 15:11

Noako kathań menkeda jemon ińakʼ rạskạ do apeakʼ ontorre tahen ar apeakʼ rạskạ purạukʼtape.