Johan 3:21 - সান্তালী বাইবেল

²¹ Menkhan okoe sạri horteye calakʼkan uni do marsal ṭhene hijukʼkana jemon uniyakʼ kạmiko Isorakʼ sanaleka hoyakana mente sodorokʼtae.”

Santali Common Language New Testament

²¹ Menkhan okoe sạri horteye calakʼkan uni do marsal ṭhene hijukʼ kana jemon uniakʼ kạmiko Isorakʼ sanaleka hoeakana mente sodorokʼtae.”

Johan 3:21 Referans Kwoze

1 Johan 1:6

Isor ar abo talare helmel menakʼa mente bon menetʼ khan ar ńutre bon taṛametʼ khan enḍekhan eṛe katha bon roṛeda, ar sạriyakʼ horte do babon taṛameda.

3 Johan 1:11

Dulạṛiạ gateko, bạṛicʼakʼko pańja baṅkate bickom bhageakʼ pańjaepe. Okoe bhageakʼe kạmikan uni doe Isorren hoṛ kana, ar okoe bạṛicʼakʼe kạmikan uni do Isor bae ńelakadea.

Ephesiko lạgitʼ Pạul Apostolakʼ ciṭhi 5:9

ente sanam lekan bhạlại ar dhorom ar sạriyakʼ kangea marsal reakʼ jo do.

Sereńko 119:105

Amakʼ katha do hor udukʼạń reakʼ diuhe kana, ona do ińakʼ calakʼ hor reakʼ marsalge.

Philipiko lạgitʼ Pạul apostolakʼ ciṭhi 2:13

Isor do apeakʼ monre nonkae kạmikana one onate uniye kusikʼ onkan kạmi reakʼ monsubạ ar daṛe hecʼape.

Galathiko lạgitʼ Pạul Apostolakʼ ciṭhi 6:8

Okoe acʼakʼ jel lạgitʼe era; uni do jel khonakʼ maraoakʼgeye irạ. Menkhan sonot Jiu lạgitʼe er khan uni do jaejug jiongeye ir joṅa.

Sereńko 119:80

Amakʼ ạn ạriko senakʼ jokhecʼ ińakʼ ontor do jemon khạṭi tahen, jemon lajaore aloń paṛaokʼ.

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onatege biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.

Ibriko 13:21

Okaṭakʼ bhageakʼ kan onate uni do acʼakʼ monejoṅ leka calakʼ lạgitʼ apeko purạteye sạbit utạrpe ma. Uniyakʼ mẽtʼãhã samaṅre okaṭakʼ bhageakʼkan Jisu Mạsi hotete aboakʼ ontorre uni do onageye kạmi ma. Jaejug hạbicʼ Isorakʼ ṭhonokʼ hoyokʼtae ma. Amen.

Kolossiko lạgitʼ Pạul Apostolakʼ ciṭhi 1:29

Ar noa monsubạge Isorakʼ oka maraṅ daṛe ińreye kạmikan ona daṛe lekate iń do ạḍitetʼ iń khaṭaokʼ kana.

Johan 5:39

Ape do sonot sostorkope ḍunḍhạueda, entepe hudiseda ona hotetege jaejug jionpe ńama. Menkhan ona sostor ma coṅ iń reaṅge gohae emetʼkan;

Johan 1:47

Jisu do Nathanael acʼ ṭhen hijukʼkane ńelkede khane menkeda, “Hạni ńelepe, mitʼṭen sạri Israel. Uniyakʼ monre do jãhãn phạsiạrage bạnukʼ anaṅ.”

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

1 Korinthiko 15:10

Menkhan ńitokʼ okań hoyakan ona do Isorakʼ dayategeń hoyakana. Iń cetanre uniyakʼ daya do baṅ ạuṛiyakʼ akana; ar eṭakʼ sanam apostolko khon iń do ḍheriń khaṭao akana; ar eken ińiń khaṭao akan ona do baṅ bickom ińre Isorakʼ daya hõ tahẽkana.

Hosea 14:8

E Ephrayim, boṅgako sãote amakʼ do jãhãn sompokge bạnukʼa. Ińge amakʼ koejoṅ reakʼ roṛ ruạṛiń emama ar amiń jotonmea. Iń kangeạń soṛa Saro dare do; amakʼ jo do iń khonge hijukʼkana.”

Jesaea 26:12

E Probhu Isor, suluk baṛe teṅgo aleme; ente okale ceka daṛeakatʼ ona sanamakʼge am do ale lạgitʼem kạmi akatʼa.

Johan sodor 3:15

Am do reaṛ hõ bam reaṛa ar lolo hõ bam loloa. Am do reaṛ se lolom hoylen khan honaṅ boge hoykokʼa!

Jesaea 8:20

Ape do Isorakʼ hukum ar gohako ṭhen calakʼ hoyokʼtapea. Ar Isorakʼ katha leka onko bako roṛ enḍekhan bujhạu hoyokʼa onko talare marsal do bạnukʼa.

Johan 3:20

Okoe bạṛicʼakʼe kạmikan uni do marsale hirkhạwakʼ kana. Ar bạṛicʼ kạmiko sodorokʼtae iạte marsal ṭhen do bae hijukʼkana.

Johan 7:17

Jãhãe uniyakʼ sanaleka senokʼe menjoṅ khan enḍekhane bujhạu daṛeakʼa noa cecetʼakʼ do Isor secʼ khonakʼ kana se iń nij khoniń roṛeda.