Johan 3:14 - সান্তালী বাইবেল

¹⁴ Cetʼleka Mose do hahaṅkarre bińe rakapʼlede onkage Manwa Hopon hõe rakapʼ ocokʼa,

Santali Common Language New Testament

¹⁴ Cetʼleka Mose do hahaṅkarre bińe rakapʼlede onkage Manwa Hopon hõe rakapʼ ocokʼa,

Johan 3:14 Referans Kwoze

Johan 8:28

Onate Jisui metatʼkoa, “Manwa Hopon tinre coṭtepe rakabea unrepe baḍae daṛeakʼa, iń doń uni kangea. Ar noa hõpe bujhạu daṛeakʼa iń do ińte cetʼge bạń kạmikana, bickom Baba okae cetʼ akawạdiń onageń roṛeda.

Aposkạmi 2:23

Isor, okoe do laharege jotowakʼe baḍaekan, uni do laharegeye ṭhik dohoakatʼ tahẽkana je, apeakʼ tire Jisui soprotea. Ar ape hõ bạṛicʼ hoṛko hotete unipe kuruskedea arpe gocʼ ocokedea.

Mathae 26:54

Sostorre ma coṅ olge menakʼ, noako hoyokʼ do jạruṛgea.”

Sereńko 22:16

Iń beṛhaete bạṛicʼakʼko kạmikan phạdko do seta lekako esetʼ ạcur akadińạ; onko do ińakʼ ti jaṅgako pạṭi tapʼ akatʼtińạ.

2 Rapajko 18:4

Uni do than boṭkocʼkoe maraokeda, ar sekʼwa dhirikoe rạputʼ giḍikada ar Asera khunṭikoe makʼ rạputʼkada. Ar Moseye benaolede pitạlren biń hõe rạputʼ khanḍa khunḍikedea, ente Israelko do un hạbicʼ hõ uni biń ńutumte dhupko jeretʼetʼ tahẽkana. Pitạlren bińakʼ ńutum do Nehustan tahẽkana.

Luk 24:20

Aleren maraṅ naekeko ar sostor baḍaeko do Romren hoṛkoakʼ tireko soprotledea jemon bicạrete gujukʼ sạjạiko emae. Ar Jihudi mukhiyạko do uniko kuruskedea.

Jesaea 11:10

Enhilokʼ Jesaea reakʼ kahle do sanam jạtrenko lạgitʼ mitʼṭecʼ jhạnḍi lekae teṅgona; ar sanam jạtrenko do uni ṭhenko jarwakʼa ar uniyakʼ ṭhạ̃i do ṭhonokanakʼ hoyokʼtaea.

Mathae 8:20

Jisu do uniye metadea, “Toyoko do bhugạkʼ menakʼtakoa ar cẽṛẽkoakʼ hõ tukạ menakʼa, menkhan Manwa Hopon do bohokʼ dohoytae lạgitʼ jaega hõ bạnukʼtaea.”

Johan 6:51

Ińge ona jiwetʼ reakʼ piṭhạ do one serma khon pheḍ hecʼakan. Ar okoe noa piṭhại jom uni do jaejug hạbicʼ jiwetʼe tahena. Ińakʼ hoṛmo kangea ona piṭhạ do. Manwa jemon jionko ńam ona lạgitʼ iń do ińakʼ hoṛmoń emokʼa.”

Johan 18:32

Jisu do cetʼleka gujukʼ hoyokʼtaea ona do laharegeye lạiletʼa. Noa do hoyena uniyakʼ ona katha jemon purạukʼ.