Johan 20:15 - সান্তালী বাইবেল

¹⁵ Jisu do uniye metadea, “Cedakʼem rakʼeda? Ar okoeyem ńam baṛayede kana?” Mạriạm do Jisu bagwanren mạli hudiskedeteye metadea, “Amem idiakade khan dayakate lạiyạńme okarem doho akadea. Iń do uniń idiyea.”

Santali Common Language New Testament

¹⁵ Jisu do uniye metadea, “Cedakʼem rakʼeda? Ar okoeyem ńam baṛayede kana?” Mạriạm do Jisu bagwanren mạli hudiskedeteye metadea, “Amem idiakade khan dayakate lạiạńme okarem doho akadea. Iń do uniń idiyea.”

Johan 20:15 Referans Kwoze

Johan 20:13

Unkin do Mạriạmkin metadea, “Cedakʼem rakʼeda?” Metatʼkinae, “Ińren Probhuko idi akadea ar okareko dohoakadea ona do bạń baḍaea.”

Johan 18:7

Jisu do arhõe kuliketʼkoa, “Okoepe ńam baṛayede kana?” Metadeako, “Nasaretren Jisu.”

Johan 1:38

Jisu do ạcurente pańjakane ńelketʼkinteye metatʼkinạ, “Cetʼben ńam kana?” Johanren cela dokin kulikedea, “E Rabbi, (torjomate) E Guru, am do okarem tahen kana?”

Mark 16:6

Uni juạn hoṛe metatʼkoa, “Alope tharbasaokʼa. Ape do Nasaretren Jisu, okoe doko kuruslede, unipe sendra baṛayede kana? Nonḍe do bạnugicʼan, uni doe jiwetʼ beretʼ akana. Ar nõkʼõe ńelpe ona jaega, one okareko doholede.

Mathae 28:5

Serma goḍet do maejiue metatʼkinạ, “Aloben botorokʼa, ente ińiń baḍaea, aben do kurus ocolen Jisu ben ńam baṛayede kana.

Soros sereń 3:2

Ińiń hudiskeda, iń do beretʼkate nagrahare, kulhire ar racakoreń dãṛãbaṛaea; iń do onḍe ińren dulạṛiạtińiń sendrayea; uniń sendra ledegea menkhan bạń ńamledea.

1 Samuel 1:16

Amren kạ̃ṛmĩ do mitʼṭen bạṛicʼ maejiu mente do alom hudisea. Iń do ạḍi utạr mon duk ar kosṭo iạte nunhạbicʼ iń koejoṅkan tahẽkana.”

Johan 18:4

Jisu do acʼre hoylạgidokʼkan jotowakʼ doe baḍaekan tahẽkana. Onate uni do oḍok hecʼkate onkoe metatʼkoa, “Okoepe ńam baṛayede kana?”

Luk 24:5

Onate maejiuko do botorteko ombakʼena. Unkin dokin metatʼkoa, “Jiwetʼicʼ do gocʼko talare cedakʼpe ńam baṛayede kana?

Mathae 12:34

E bińren bõsko! Apepe bạṛicʼgere hõ cekate bhageakʼ kathakope roṛ daṛeakʼ kana? Ente ontorre oka sareṛokʼ, onage moca doe roṛa.

Soros sereń 6:1

Maejiuko modren E napae utạricʼ, dulạṛiạtam do okateye senakana? Uni do oka secʼe ạcur sen akana? Ma lạiyaleme, ale hõ jemonle sendra goṛowam.

Luk 2:44

Uni do sãoten hoṛko tulucʼ menaea mente hudiskate mitʼ din reakʼ horkin calao lahayena. Tayomte ạkinren peṛako ar ńepel oprom hoṛko talare Jisu sendrayekin ehopʼena.