Johan 20:1 - সান্তালী বাইবেল

¹ Ado hapta reakʼ pạhil din ạḍi setakʼre, ńut tahẽkanrege Magdalaren Mạriạm do ona topa ṭhene hecʼena. Ar topa duạr khon dhiri do ocokʼ akatʼe ńelkeda.

Santali Common Language New Testament

¹ Ado hapta reakʼ pạhil din ạḍi setakʼre, ńut tahẽkanrege Magdalaren Mạriạm do ona topa ṭhene hecʼena. Ar topa duạr khon dhiri do ocokʼ akatʼe ńelkeda.

Johan 20:1 Referans Kwoze

Mark 16:9

Ado hapta reakʼ pạhil hilokʼ ạḍire Jisu do gocʼko khone jiwetʼ beretʼen khan pạhilre Magdalaren Mạriạm ṭhene ńel ocoyena. Uni Mạriạm khonge eae goṭen bạṛicʼ jiue oḍokʼ giḍiletʼko tahẽkana.

Mathae 27:60

ar cạṭạnireye kholao dohoakatʼ acʼakʼ nãwã topareye baekada. Ar topa duạrre mitʼṭecʼ maraṅ okocʼ dhiri guṛgạu idikateye esetʼ oṭokada.

Mark 15:46

Joseph do kicricʼe kiriń ạguketʼte Jisuakʼ mạ̃ṛĩye pheḍkeda ar kicricʼteye bedhaokeda, ar cạṭạinire kholao akatʼ mitʼṭecʼ topareye dohokada. Ona tayom mitʼṭecʼ dhiri guḍrạu ạgukate topa duạre esetʼ oṭokada.

Johan 20:26

Ado niạ mitʼ hapta tayom celako do arhõ oṛakʼ bhitrire mitʼ ṭhenko jarwayena, ar Thoma hõ onko sãoteye tahẽkana. Unre silpińko sińge tahẽkanre hõ Jisu do hecʼkate onko talare teṅgoyenteye metatʼkoa, “Suluk ape ma.”

Johan 19:25

Jisuren eṅgattetʼ, ar uniren eṅgattetʼren bokot kuṛi, Klopa rinicʼ Mạriạm, ar Magdalaren Mạriạm noko do Jisuakʼ kurus ṭhenko teṅgo akan tahẽkana.

Johan sodor 1:10

Probhu Isorakʼ dinre iń do Jiureń tahẽkana. Ar un jokhecʼ iń tayomre siṅgạ saḍe leka mitʼ hoṛakʼ aṛaṅiń ańjomkeda.

Mathae 27:64

Onate hukum emokʼme pe mãhã hạbicʼ jemon topa do kajakte horhokʼ. Ar baṅkhan uniren celako hecʼkate uniyakʼ mạ̃ṛĩko kombṛo iditaea ar hoṛkoko lạiyakoa ‘Uni do gocʼko khone jiwetʼ beretʼ akana.’ Ar onka hoylen khan pạhilakʼ bulạu khon tayomakʼ bulạu do artetʼge bạṛicʼ hoyokʼa.”

1 Korinthiko 16:2

Ape mimitʼko hõ apeakʼ daṛe leka thoṛa thoṛate doho jarwaepe hapta reakʼ pạhil dinre, jemon ińiń hecʼlenre dan uṭhạu alo lagaoape.

Aposkạmi 20:7

Ado hapta reakʼ pạhil din Probhu Isorakʼ bhoj ataṅ lạgitʼ ale do mitʼ ṭhenle jarwayena. Unre Pạul do hoṛko porcarakoe ehopʼena. Uni do dosar hilokʼ calakʼ reakʼ katha tahẽkantaete tala ńindạ hạbicʼe galmarao idikeda.

Mathae 27:56

Onko modre Magdalaren Mạriạm, Jakob ar Josephren eṅgat Mạriạm ar Sabdaeren hopon Jakob ar Johantekinren eṅgat hõe tahẽkana.

Mathae 27:66

Adoko calaoente dhiri cetanreko mohor chap oṭowada ar kajakte horhoe lạgitʼ pahradarkoko dohoketʼkoa.

Mathae 28:1

Ado Jirạukʼ mãhã tayom, hapta reakʼ pạhil din paha poho jokhecʼ Magdalaren Mạriạm ar uni eṭakʼ Mạriạm do topa ńeńelkin calaoena.

Mathae 28:2

Unre ackage dhạrti laṛaoena, ente Probhu Isorren mitʼṭen goḍet do serma khone pheḍ hecʼena ar topa duạr khon dhiri ocokʼkate ona cetanreye duṛupʼena.

Johan 11:38

Noate Jisuakʼ mon do arhõ kạulạ kạuliyentaea ar topa ṭhene calaoena. Topa do mitʼṭecʼ dander tahẽkana. Ar ona dander duạrre mitʼṭecʼ dhiri doho akan tahẽkana.

Johan 11:41

Unre dhiriko ocokʼkeda. Ar Jisu do coṭ secʼ beṅgetʼ rakapʼkateye menkeda, “E Baba, ińakʼ katham ańjomketʼte iń do amiń gun manao joharam kana.