Johan 19:30 - সান্তালী বাইবেল

³⁰ Jisu sirkại ńamketʼ khane menkeda, “Purạu akana.” Ar ona tayom do bohokʼe kuḍburketʼte jiwiye jimạketʼtaea.

Santali Common Language New Testament

³⁰ Jisu sirkại ńamketʼ khane menkeda, “Purạu akana.” Ar ona tayom do bohokʼe kuḍburketʼte Jiue jimạketʼtaea.

Johan 19:30 Referans Kwoze

Johan 17:4

Am do okaṭakʼ kạmim emakawadiń ona sạtkate noa dhạrtireń ṭhonok ocoakatʼmea.

Philipiko lạgitʼ Pạul apostolakʼ ciṭhi 2:8

Ona chaḍa manwa rup hataokate gujukʼ hạbicʼ, metakʼme kurusre gujukʼ hạbicʼe bataoketʼte uni do nindhạngeye tahẽyena.

Ibriko 12:2

Delabon, Jisu secʼ beṅgetʼ akae bon tahenma, one okoe do biswạs reakʼ rehetʼ are sạbit utạricʼ kan. Uni samaṅre oka rạskạ dohoakan ona lạgitʼge uni do manot secʼ bae moneyatʼte kurusre gujukʼe sahaokeda ar ńitokʼ do Isorakʼ siṅghạson reakʼ jojomsa aṛereye duṛupʼ akana.

Johan 10:11

“Boge gupiyicʼ do ińge. Boge gupiyicʼ do acʼren bhiḍiko lạgitʼ acʼakʼ jiwiye alaetaea.

Daniel 9:24

“Amren hoṛko ar amakʼ sonot nagraha lạgitʼ eaegel hapta ṭhik dohoakana. Ar onako oktere bạṛicʼakʼko do cabakʼa, bedhorom hõ baṅ tahena, kại do puruchunokʼa, ar jaejug dhoromge bikạukʼa, dorson ar nạbi katha purạukʼa ar sonot utạrakʼ ṭhạ̃i do ojokʼ bahal ocokʼa.

Luk 23:46

Jisu do ãṭ aṛaṅte hohowateye menkeda, “E Baba amakʼ tire ińakʼ jiwiń jimạyetʼkana.” Ar noae roṛketʼ khan jiwi oḍokentaea.

Jesaea 53:10

Probhu Isor do acʼakʼ kusilekage uniye talga tạuạkʼ ocokedea ar duke jom ocokedea. Probhu Isorren golam do tinre acʼakʼ jiwiye samaṅtaea unre uni do acʼren hoponkoe ńel ńamkoa ar uniyakʼ bahaokʼ dine baṛhaotaea; uni hotetege Probhu Isorakʼ sana do purạukʼa.

Romiko lạgitʼ Pạul Apostolakʼ ciṭhi 10:4

Mạsige ạnkoe purạuketʼte ona reakʼ daṛe doe mạutạkeda, jemon acʼre okoeko pạtiạukʼ onko do Isor ṭhen dhorom menteko ataṅ ocokʼ.

Johan 19:28

Inạ tayom sanamakʼ purạu akana menteye baḍaeketʼ khan sonot sostor reakʼ katha jemon purạukʼ onate Jisui menkeda, “Tetaṅedińa.”

Mark 15:37

Ona tayom Jisu do ãṭ aṛaṅteye hohoketʼ khan jiwi oḍokentaea.

Johan 10:18

Okoe hõ ińakʼ jiwi iń khon do bako rejeńa, menkhan iń do ińtegeń alaeyeda. Iń do jiwi alae reakʼ ektiạri menakʼtiń arhõ jiwi hatao ruạṛ reakʼ hõ ektiạri menakʼtińạ. Noa dạyik do ińren Baba ṭhen khoniń ńamakada.”

Johan 4:34

Unre Jisui metatʼkoa, “Okoeye kol akadiń uniyakʼ sanaleka calakʼ ar uniyakʼ kạmi purạutaege hoyokʼ kana ińakʼ jomakʼ do.

Mathae 20:28

Manwa Hopon do sapʼsor ocokʼ do bae hecʼakana, bickom sapʼsosor lạgitʼge, ar ạḍi utạr hoṛko bodolte chaḍaokʼ reakʼ dam menkate acʼakʼ jiwi emokʼgeye hecʼakana.”

Mathae 27:50

Jisu do arhõ ãṭ aṛaṅteye hohokeda ar jiwi oḍokentaea.

Jesaea 53:12

Ona iạte iń do napṛakʼko talareń bakhrawaea ar uni do daṛeanko tulucʼ luṭakʼkoe bakhra joṅa, ente uni do gujukʼ hạbicʼ jiwiye alaeketʼtaea. Uni do kạiyanko tulucʼe lekha mitʼena; uni do ḍher hoṛkoakʼ kạiye gokʼ idikeda ar ghạghạṭko ńutumteye arojkeda.

Sereńko 22:15

Hasa bhajan reakʼ rạputʼ kelhatʼ leka ińakʼ daṛe do rohoṛ hijukʼ kana, ar ińakʼ alaṅ hõ jambere jaladokʼkana; am do gujukʼ reakʼ dhuṛirem gạḍiạu kedińa.

Ibriko 9:22

Moseyakʼ ạn-ạri lekate sanam jiniskoge mãyãmte saphakʼ kana ar begor mãyãm jorote kại do oho ikạlena.

Romiko lạgitʼ Pạul Apostolakʼ ciṭhi 3:25

Isor doe sodorakatʼ tahẽkana je, okoeko pạtiạukʼkan onko lạgitʼ Jisu Mạsi do acʼakʼ mãyãm hotete, metakʼme acʼakʼ jiwiye alaeketʼte uniye kusi ocokedea. Nonkate Isor doe udukʼ akada acʼakʼ sahao gun iạte manwakoakʼ lahateakʼ kại reakʼ sạjại bae emlenre hõ uni doe dhoromgea.

Mathae 3:15

Jisui menkeda, “Niạ dom do nonkage hoyocowakʼme, ente Isorakʼ sana do nonkage purạu lek talaṅa.” Adoe aṛakʼadea.

1 Korinthiko 5:7

jemon bin khạmiyanakʼ nãwã sipiyakʼ holoṅpe hoydaṛeakʼ; ar ape do bin khạmiyanko kangeape, ente aboakʼ bańcao porobren dãṛẽ doe teṅgenena metakʼme Mạsige.

Sakariạ 13:7

Phạdkoren Probhu Isore meneda, “E tarwaṛe, am do ińren gukʼpiko upạrte, ińren sãoten hoṛko upạrte, ebhenokʼme. Gukʼpiyicʼ iń mageya, enḍekhan bhiḍiko doko chir chạturokʼa; ar iń do bhiḍi hoponko upạrte hõ tiyiń tula.

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

Daniel 9:26

Ar ona turuigel bar hapta tayom uni ojokʼicʼ doe gocʼ ocokʼa ar uniyakʼ do cetʼge baṅ tahentaea. khan hijukʼkanicʼ cakʼlaoicʼren hoṛko do nagraha ar koejoṅ oṛakʼko maraoa. Ar ona reakʼ mucạtʼ do banbạsite hoyokʼa, ar mucạtʼ hạbicʼ lạṛhại do calao idikʼa; ar ona reakʼ jarkharokʼ do niṭakana.

Luk 22:37

Sonot sostorre ol akana, ‘uni do kại hoṛko tulucʼe lekha mitʼena.’ Ińiń metapekana, noa katha do ińrege purạukʼa, ente iń reaṅ okako olakan ona do purạu lạgidokʼ kana.”