Johan 18:25 - সান্তালী বাইবেল

²⁵ Ado Simon patras teṅgokate tinreye jorogokʼ kan tahẽkana unre hoṛko do uniko metadea, “Am do cetʼ uniren celako modren mitʼ hoṛ dom baṅ kana?” Patras do baṅketʼteye menkeda, “Baṅ iń doń baṅkana.”

Santali Common Language New Testament

²⁵ Ado Simon patras teṅgokate tinreye jorogokʼ kan tahẽkana unre hoṛko do uniko metadea, “Am hõ cetʼ uniren celako modren mitʼ hoṛ kanam?” Patras do baṅketʼteye menkeda, “Baṅ iń doń baṅkana.”

Johan 18:25 Referans Kwoze

Kạhtukko 29:25

Manwa okoeye botorae ona botor do uniyakʼ jhampa leka hoyokʼa. Menkhan okoe Probhu Isorreye bhorsakʼkan uni do khạtirjomae tahena.

Genesis 18:15

Unre Sara do botor rakapʼadete landa reakʼ kathae baṅketʼteye menkeda, “Baṅa, iń do bacoṅ landa akatʼ.” Menkhan Probhu Isor doe menkeda, “Ona do sạri katha do baṅkana; am dom landa akatʼgea!”

Luk 22:56

Unre mitʼṭen kạ̃ṛmĩ do seṅgel reakʼ marsalte Patrase ńel ńamkede khan beṅgetʼ uricʼadeteye menkeda, “Nũi hoṛ hõ uni sãoteye tahẽkana.”

Mathae 26:69

Unre Patras do bahre racareye duṛupʼ akan tahẽkana. Ar mitʼṭen kạ̃ṛmĩ kuṛi do hecʼkateye metadea, “Am hõ coṅ Gạlilren Jisu tulucʼem tahẽkan.”

Mark 14:66

Patras tinre bhitri racareye tahẽkana unre maraṅ naekeren mitʼṭen kạ̃ṛmĩ do onḍeye hecʼena.

Luk 22:55

Ar bakher raca talare okoe do seṅgel jolkateko jorogokʼkan tahẽkan onko ṭhen hecʼkateye duṛupʼ panteyena.

Luk 22:57

Menkhan Patras do baṅketʼteye menkeda, “Uni do bạń oromakadea.”