Johan 17:2 - সান্তালী বাইবেল

² Am do sanam manwako cetanre ektiạriyem emakawadea, jemon okoekom emakawade onko sanamko jaejug jione emako.

Santali Common Language New Testament

² Am do sanam manwako cetanre ektiạriyem emakawadea, jemon okoekom emakawade onko sanamko jaejug jione emako.

Johan 17:2 Referans Kwoze

Johan 6:39

Okoeye kol akadiń uniyakʼ sana do noage je, uni okoekoe emakawạdiń onko modre mitʼṭen hõ alo jemoniń atʼko bickom mucạtʼ dinreń jiwetʼ beretʼkoa.

Johan 6:37

Baba okoekoe emawạń onko jotoge iń ṭhenko hijukʼa. Okoe iń ṭhene hijukʼ uni do oka lekate hõ ohoń oḍok giḍilea,

Daniel 7:14

Uni manwa hopon do ektiạri, ṭhonok ar rajosṭiye emocoyena jemon sanam jạtrenko, disạmrenko ar pạrsirenko uniko sewawae. Uniyakʼ rajosṭi do jaejug hạbicʼ tahena; ona do baṅ mucạdokʼa ar uniyakʼ rajosṭi hõ tisge baṅ maraokʼtaea.

Johan 17:24

“E Baba, menjoṅ kạnạń am okoekom emakawạdiń, ińakʼ ṭhonok ńel ocoko lạgitʼ onko do jemon iń okareń tahen onḍeko tahẽ daṛeakʼ. Ona ṭhonok do amgem emakawạdińa, ente dhạrti ạuri sirjạu khonge am dom dulạṛedeń kana.

Mathae 28:18

Unre Jisu do hecʼsorkateye metatʼkoa “Serma ar dhạrti reakʼ sanam ektiạri do iń ṭhen emakana.

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼbona jemon sạri Isor bon baḍae orom daṛeae. Ar okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.

Johan 17:9

“Sanamko lạgitʼ do bạń nehõrokʼkana, menkhan okoekom emakawạdiń onko lạgitʼ iń nehõramkana, ente amren kangeako.

Johan 17:6

“Dhạrtirenko mod khon okoekom emakawạdiń onko ṭhen amiń sodor akatʼmea. Onko do amrengeko tahẽkana, ar am do ińem emakawạdińa. Onko do amakʼ kathako batao akada.

Johan 4:14

Menkhan iń oka dakʼiń emokʼ, ar okoe onae ńũi uni do tisge oho tetaṅlea. Ona dakʼ do uniyakʼ ontorre jaejug jion lạgitʼ bhumbukokʼkan dakʼ jharna leka hoyokʼa.”

Johan 3:35

Baba do Hopone dulạṛede kana ar uniyakʼ tirege jotowakʼe emakada.

1 Johan 2:25

Noa kangea jaejug jion, one okaṭakʼ Mạsi do abo emabon lạgitʼe gokʼakatʼ.

1 Patras 3:22

Jisu do sermateye calao akana ar ńitokʼ Isorakʼ jojomsa aṛere menaea, ar sermaren goḍetko, ar ektiạrianko ar daṛeanko do uniyakʼ gobolre menakʼkoa.

Ibriko 1:2

Menkhan sesa sisi dinkore uni do acʼren Hopon hotete abokoe galmarao akatʼbona. Isor do acʼren Hopon sanamakʼren ạidạri hoyokʼ lạgitʼe dohokedea. Ar Hopon hotetege uni do sanamakʼe sirjạukeda.

Mathae 11:27

“Ińren Baba do sanamakʼge ińakʼ tireye jimạ akada. Baba chaḍa Hopon do okoe hõ bako baḍaeyede kana ar Hopon chaḍa Baba hõ okoege bako baḍae edekana, Hopon okoe ṭhen Baba sodoreye menjoṅkan unige uni doe baḍaeyea.

Jihudạwakʼ ciṭhi 1:21

Aboren Probhu Jisu Mạsiyakʼ mãyã do jemon jaejug jion secʼe idipe ona ńel hor lạgitʼge ape do Isorakʼ dulạṛre tahenpe.

1 Johan 1:2

Ona jion doe sodorlena. Ale do unile ńelakadea ar uni reaṅ gohale emeda. Okoe do Baba ṭhene tahẽkan ar ale ṭhene sodorlen ona jaejug jion reakʼ kathage apele baḍae ocoyetʼpea.

1Timothi 1:16

Onate Isor do ińe mãyã akawạdińa, jemon iń maraṅ kạiyan hotete Jisu Mạsi do acʼakʼ asambheṛ soboriye udukʼ daṛeakʼ. Ar unire pạtiạukʼ hotete okoe jaejug jionko ńam onko jemon iń ńelteko cetʼ daṛeakʼ onate uni do ińreye nonka akada.

Philipiko lạgitʼ Pạul apostolakʼ ciṭhi 2:10

jemon sermarenko, dhạrtirenko ar ot latarrenko tahenkan onko mitʼke mitʼkoakʼ gunṭhi do Jisu samaṅre ikhṛumokʼtako,

Ephesiko lạgitʼ Pạul Apostolakʼ ciṭhi 1:20

one okoe hotete uni do gocʼko khon Mạsiye jiwetʼ beretʼkede ar sermare acʼakʼ jojomsa aṛereye duṛupʼ akade.

1 Korinthiko 15:25

Isor do tin hạbicʼ Mạsiren sanam bạiriko uniyakʼ jaṅga latarre bae dohoko un hạbicʼ Mạsi doe rajokʼa.

Romiko lạgitʼ Pạul Apostolakʼ ciṭhi 6:23

Kại reakʼ kuṛại do moron kana, menkhan Isorakʼ daya dan do aboren Probhu Mạsi hotete jaejug jionge.

Sereńko 110:1

Probhu Isor do ińren Probhui metadea, “Tin hạbicʼ amren bạiriko amakʼ jaṅga latarre bạń dohoko, unhạbicʼ am do ińakʼ jojomsa aṛere duṛupʼme.”

Johan 6:27

Menkhan okaṭakʼ jomakʼ nosṭo giḍikʼ ona lạgitʼ uduṛ dhupuṛ baṛae reakʼ do cetʼ lab? Okaṭakʼ jomakʼ baṅ nosṭokʼ bickom jaejug jion tahentape ona lạgitʼ kạmipe. Ona do Manwa Hopongeye emapea, ente Isor Baba doe sạbud akada, noa kạmi reakʼ ektiạri do eken uniyakʼge menakʼtaea mente.

Mathae 25:46

Ona tayom Jisui menkeda, “Noko hoṛ do jaejug sạjạiteko calakʼa, menkhan dhoromko do jaejug jionko ńama.”