Johan 17:1 - সান্তালী বাইবেল

¹ Ado noako kathae roṛketʼ khan Jisu do serma secʼ beṅgetʼ rakapʼ kateye menkeda, “E Baba, okte do seṭerakana. Amren Hopon ṭhonok ocoyem jemon Hopon hõ amakʼ ṭhonoke sodortam.

Santali Common Language New Testament

¹ Ado noako kathae roṛketʼ khan Jisu do serma secʼ beṅgetʼ rakapʼ kateye menkeda, “E Baba, okte do seṭerakana. Amren Hopon ṭhonok ocoyem jemon Hopon hõ amakʼ ṭhonoke sodortam.

Johan 17:1 Referans Kwoze

Johan 12:23

Unre Jisu do Andreas ar Philipe metatʼkinạ, “Manwa Hopon do ṭhonok sodorokʼ reakʼ okte seṭer akantaea.

Aposkạmi 3:13

Abraham, Isahak ar Jakobren Isor, metakʼme aboren hapṛamkoren Isorge noa kạmi hotete acʼren guti Jisuakʼ ṭhonoke sodor akada. Ape ma goje lạgitʼ mukhiyạkoakʼ tirepe soprotlede. Pilạt do aṛakʼkaegeye menleda, menkhan Pilạt samaṅre unipe baṅkedea.

Johan 7:39

Noa do uni Jiu reaṅe roṛkeda, one okoe acʼre pạtiạukʼte sonot Jiuko ńame. Unre sonot Jiu do bae emakan tahẽkana, ente unhạbicʼ Jisu hõ bae ṭhonok ocoakan tahẽkana.

1 Patras 1:21

Isor do gocʼko khon uniye jiwetʼ beretʼkedete ṭhonoke danadea ar uni hotete ape do Isorrepe biswạs akana; ar onatege apeakʼ biswạs ar as do Isor cetanre menakʼtapea.

Johan 11:4

Noa katha ańjomkate Jisui menkeda, “Noa ruạ do gujukʼ lạgitʼ do baṅkana bickom Isorakʼ ṭhonok sodorokʼ lạgitʼge hoyakana, jemon noa hotete Isorren Hoponakʼ ṭhonok sodorokʼtae.”

Mark 14:41

Ado tesar dhao ruạṛ hecʼkateye metatʼkoa, “Ńitokʼ hõpe jạpitʼ akatʼgea? Ḍher hoyakana. Ńelpe, okte do seṭerena. Ńitge Manwa Hopon do kại hoṛkoakʼ tireye soprot ocokʼa.

Sereńko 123:1

E serma reakʼ siṅghạsonre duṛupʼ akanicʼ; iń do am secʼiń beṅgetʼ rakapʼeda.

Johan 11:41

Unre dhiriko ocokʼkeda. Ar Jisu do coṭ secʼ beṅgetʼ rakapʼkateye menkeda, “E Baba, ińakʼ katham ańjomketʼte iń do amiń gun manao joharam kana.

Johan 8:20

Jisu do mundilreye cetʼakokan tahẽkan jokhecʼ dan samaṅokʼ jaegare noa doe metatʼkoa. Menkhan un hạbicʼ uniyakʼ okte do baṅ hoyakantae tahẽkante okoe hõ bako sapʼledea.

Johan 7:30

Noa iạte onko hoṛ do Jisu sabeko menetʼ tahẽkana, menkhan un hạbicʼ hõ okte do baṅ hoyakantae tahẽkante okoe hõ bako joṭetʼledea.

Johan 16:32

Ńelpe, ona okte do hijukʼkana, hẽ hecʼakangea, unre ape dope chirchạturokʼa ar iń eskarpe bạgi oṭowạńte apan ạpin jaegatepe calakʼa, enrehõ iń do bạń eskara, ente iń tulucʼ do Baba menaea.

Johan 13:1

Sen-parom porob thoṛa laha reakʼ ghoṭna. Jisu do noa dhạrti bạgikate Baba ṭhen calakʼ reakʼ okte seṭer akana menteye bujhạu daṛeatʼ tahẽkana. Ar dhạrtire okoeko acʼren hoṛko tahẽkan onkoe dulạṛetʼko tahẽkana ar mucạtʼ hạbicʼe dulạṛketʼkoa.

Luk 22:53

Iń do mundilre dinke din ape samaṅreń tahẽkana, menkhan unre ma bacope sapʼlediń. Menkhan ńitokʼ do apeakʼ okte kangea; ar ńut reakʼ ektiạri hõ ńelokʼkana.”

Luk 18:13

Unre uni mạsul-uṭhạuicʼ do thoṛa sạṅgiń ńokʼre teṅgo akane tahẽkana. Uni do serma secʼ beṅgetʼ rakapʼ hõ bae dilleda; ar koṛam ceṭakʼateye menkeda, ‘E Isor, iń doń kại hoṛ kana; ińre mãyãkʼme baṛe.’

Jesaea 38:14

Bhạluạ ar kõkʼ lekań keco beḍrokʼkan tahẽkana, potam lekań kuku ḍuburetʼ tahẽkana. Coṭ secʼ beṅgetʼ beṅgetʼte ińakʼ mẽtʼ do ṭolmolaokʼ kantiń tahẽkana. E Probhu Isor, iń doń cipạ ocokʼ kana, ińakʼ bhar baṛe hataome.