Johan 16:32 - সান্তালী বাইবেল

³² Ńelpe, ona okte do hijukʼkana, hẽ hecʼakangea, unre ape dope chirchạturokʼa ar iń eskarpe bạgi oṭowạńte apan ạpin jaegatepe calakʼa, enrehõ iń do bạń eskara, ente iń tulucʼ do Baba menaea.

Santali Common Language New Testament

³² Ńelpe, ona okte do hijukʼkana, hẽ hecʼakangea, unre ape dope chir chạturokʼa ar iń eskarpe bạgi oṭowạńte apan ạpin jaegatepe calakʼa, enrehõ iń do bạń eskara, ente iń tulucʼ do Baba menaea.

Johan 16:32 Referans Kwoze

Sakariạ 13:7

Phạdkoren Probhu Isore meneda, “E tarwaṛe, am do ińren gukʼpiko upạrte, ińren sãoten hoṛko upạrte, ebhenokʼme. Gukʼpiyicʼ iń mageya, enḍekhan bhiḍiko doko chir chạturokʼa; ar iń do bhiḍi hoponko upạrte hõ tiyiń tula.

Mathae 26:31

Unre Jisui metatʼkoa, “Niạ ńindạ ape jotoge ińrepe tạkijokʼa. Sonot sostorre ol akana, ‘gupiyicʼ iń mageya, enḍekhan palren bhiḍikoko chirchạturokʼa.’

Johan 8:29

Okoe ińe kol akadiń unige iń sãote menaea. Uni do eskar bae bạgi akawạdińạ, ente okaṭakʼ kạmiye kusiyakʼkan onage siń sạṭupʼ iń kạmiyeda.”

Johan 8:16

Ar jãhãtis iń bicạrlere hõ ińakʼ bicạr do sạrigea, ente iń do bạń eskara. Iń ma minạńge ar okoeye kol akadiń uni ińren Baba hõ soṅgete menaea.

Mark 14:27

Ado Jisu acʼren celakoe metatʼkoa, “Jotokoge iń iạte monrepe tạkijokʼa. Sonot sostorre ol akana, ‘gupiyicʼ iń mageya, onate bhiḍiko doko chirchạturokʼa.’

Mathae 26:56

Menkhan noa joto do hoyena jemon nạbiko reakʼ olakʼko purạukʼ.” Unre celako do Jisuko ńir bạgiyadea.

Johan 20:10

Ona tayom unkin cela do oṛakʼtekin ruạṛ calaoena.

Johan 16:25

“Noako sikhạuna katha do phenkoteń galmaraoatʼpea. Ente nonkan okte hijukʼkana one unre iń do phenkote ar bạń galmarao apea, menkhan pusṭạute Baba reaṅ iń lạiya.

Johan 16:2

Sunạgog khonko oḍok idipea; ar nonkan okte hijukʼ kana one okoe apeko gocʼpe onko doko monejoṅa, Isorgeko sewawae kana mente.

Johan 4:23

Menkhan okte daraekana, ar ńit hõ kangea, one unre sạri sewako do Jiu ar sạriyakʼte Babako sewawaea. Ar Baba hõ nonkan sekʼwakogeye ńam baṛayetʼkoa.

Johan 4:21

Jisu do uniye metadea, “Ańjomme ar ińakʼ kathare pạtiạukʼme, ente nonkan okte hijukʼ kana unre Isor Baba do noa burure hõ baṅ ar Jerusalemre hõ bape sewawaea.

Johan 12:23

Unre Jisu do Andreas ar Philipe metatʼkinạ, “Manwa Hopon do ṭhonok sodorokʼ reakʼ okte seṭer akantaea.

Johan 5:28

Noa katha ańjomkate alope hahaṛakʼa, ente nonkan okte daraekana, okoe topare menakʼko onko sanamkoge manwa Hoponakʼ aṛaṅ ańjomteko oḍokʼ hijukʼa.

Johan 5:25

Sạrigeń metapekana, nonkan okte hijukʼ kana, bickom ńitokʼkangea, tinre gocʼko do Isorren Hoponakʼ aṛaṅko ańjoma ar tinạkʼko ańjom onko doko jiwedokʼa.

Mark 14:50

Unre celako do uniko ńir bạgiyadea.

Aposkạmi 8:1

Ar onḍe Sạul hõ uni gocʼ ocokʼre rạjigeye tahẽkana. Enhilokʼ Jerusalem manḍerren hoṛko upạrte maraṅ okocʼ khed ehopʼena. Onate apostolko chaḍa sanam biswạsiko do Jihudạ ar Samariạ disạm reakʼ ṭoṭhakoreko chirchạturena.

Johan 16:31

Jisu do acʼren celakoe metatʼkoa, “Enḍekhan ńitokʼ do cetʼ pạtiạukʼ kangeape?

Johan 19:27

Ona tayom uni celae metadea, “Ńeleme nũkʼũitam eṅgam.” Ar unrege uni cela do Jisuren eṅgattetʼ acʼakʼ oṛakʼteye idikedea.

Aposkạmi 21:6

Ona tayom ale do bidạ hataokate jahajrele decʼena ar onko do akoakʼ oṛakʼteko ruạṛ calaoena.