Johan 16:28 - সান্তালী বাইবেল

²⁸ Sạrige iń do Baba ṭhen khon noa dhạrtiteń hecʼakana, arhõ noa dhạrti bạgikate Baba ṭhengeń calakʼ kana.”

Santali Common Language New Testament

²⁸ Sạrige iń do Baba ṭhen khon noa dhạrtiteń hecʼakana, arhõ noa dhạrti bạgikate Baba ṭhengeń calakʼ kana.”

Johan 16:28 Referans Kwoze

Johan 13:1

Sen-parom porob thoṛa laha reakʼ ghoṭna. Jisu do noa dhạrti bạgikate Baba ṭhen calakʼ reakʼ okte seṭer akana menteye bujhạu daṛeatʼ tahẽkana. Ar dhạrtire okoeko acʼren hoṛko tahẽkan onkoe dulạṛetʼko tahẽkana ar mucạtʼ hạbicʼe dulạṛketʼkoa.

Johan 13:3

Jisu doe baḍaekan tahẽkana, Isor Baba do acʼakʼ tire jotowakʼe jimạ akada. Ar noa hõe baḍaekan tahẽkana, acʼ do Isor ṭhen khone hecʼakana ar uni ṭhengeye ruạṛ calao lạgidokʼ kana.

Johan 8:14

Jisui roṛ ruạṛatʼkoa, “Iń do apnarte gohań emetʼkanre hõ ińakʼ goha do sạrigea, ente oka khoniń hecʼakana ar okateń calakʼkan ona doń baḍaegea. Menkhan ape do bape baḍaea oka khoniń hecʼakana ar okateń calakʼa mente.

Johan 16:5

Okoe ińe kol akadiń iń do ńitokʼ uni ṭhengeń calakʼ kana, ar apeko modren okoe hõ bape kuliyediń kana, ‘okatem calakʼ kana mente?’

Johan 17:5

E Baba, dhạrti ạuri sirjạure am sãote oka ṭhonok tahẽkantiń, ona ṭhonok arhõ emạńme baṛe.

Johan 16:16

“Thoṛa ghạṛicʼ khange bape ńel ńameńa, arhõ thoṛa ghạṛicʼ khangepe ńeleńa.”

Johan 14:28

Ańjom akadape ińiń menakatʼpea, ‘iń doń calakʼkana ar ape ṭhen arhõń ruạṛ hijukʼa.’ Ape do ińpe dulạṛliń khan Baba ṭheniń calakʼkan iạtepe rạskạkokʼa, ente Baba do iń khon hõe maraṅgea.

Luk 24:51

Are bhorakokan tulucʼge onkoe bạgiyatʼkoa ar sermateye rakapʼ idi ocoyena.

Johan 17:13

“Ńitokʼ do am ṭheniń hijukʼ kana, ar ińakʼ rạskạte onkoakʼ ontor jemon perejokʼtako onate dhạrtire tahenrege noako kathań roṛeda.

Johan 17:11

Iń do noa dhạrtire ar bạń tahen kana, menkhan onko do noa dhạrtire menakʼkoa; iń do am ṭheniń hijukʼkana. E sonoticʼ Baba, amakʼ oka ńutumem emakawạdiń ona ńutumte noko rukhiyạkom, jemon alaṅ cetʼ leka laṅ mitʼge noko hõ onkage mitʼko tahen.

Luk 9:51

Ado sermate calakʼ reakʼ okte hoyentae khan uni do Jerusalemte calakʼ lạgitʼe mon murukkeda.

Johan 8:42

Jisui metatʼkoa, “Isor do sạrige aperen babae hoylentape khan ińpe dulạṛkińạ, ente iń do Isor khoniń hecʼ akana ar ńitokʼ do ape talare minạńạ. Iń apnarte do bạń hecʼakana, menkhan unigeye kol akadińạ.

Johan 16:10

Isorakʼ sanaleka calakʼ reaṅ hõ cehaonae emakoa, ente iń do Baba ṭheniń calakʼ kana menkhan ape do ar bape ńel ńameńa;

Johan 16:30

Nitokʼ dole bujhạu daṛeakʼkana, bin baḍaeakʼ do cetʼge bạnukʼtama, ar jãhãege jãhãnakʼe kulime ona reakʼ jạruṛ hõ bạnukʼtama. Ona iạtegele pạtiạukʼ kana am do Isor ṭhen khonem hecʼakana.”