Johan 15:5 - সান্তালী বাইবেল

⁵ “Ińge darkha nạ̃ṛĩ ar ape do ḍạrko. Okoe ińreye tahenkan ar iń do unire enḍekhan uniyakʼ jionre do ạḍi joe jokʼa, ente iń begor ape do cetʼ hõ bape ceka daṛeakʼa.

Santali Common Language New Testament

⁵ “Ińge darkha nạ̃ṛĩ ar ape do ḍạrko. Okoe ińreye tahenkan ar iń do unire enḍekhan uniakʼ jionre do ạḍi jo jokʼa, ente iń begor ape do cetʼ hõ bape ceka daṛeakʼa.

Johan 15:5 Referans Kwoze

Philipiko lạgitʼ Pạul apostolakʼ ciṭhi 4:13

Ar okoe daṛeye imạńkan uni hotetege iń do jotowakʼiń kạmi daṛeakʼ kana.

Kolossiko lạgitʼ Pạul Apostolakʼ ciṭhi 1:10

Onate boge kạmikote bhage jope jokʼte Isor do arhõ jemon mońjtepe baḍae daṛeae; ar nonkate jotowakʼre Probhu Isorpe kusi ocoyete unire lek lekape colon.

Johan 15:16

Ape do bape bachao akadińạ, menkhan ińgeń bachao akatʼpete kạmireń dhurạu akatʼpea jemon apeakʼ jionrepe jokʼ ar ona jo do jemon tahẽ akae tahentape. Enḍekhan iń ńutumte Baba ṭhen jãhãnakʼgepe koe uni do onageye emapea.

Galathiko lạgitʼ Pạul Apostolakʼ ciṭhi 5:22

Menkhan sonot Jiu reakʼ jo do, dulạṛ, rạskạ, suluk, sobori, susṭob, bhạlại, pạtiạr,

Kạhtukko 11:30

Dhorom hoṛ do eṭakʼkoakʼ jion dare leka; ar okoe eṭakʼkoakʼ mone jitạu akatʼ uni doe ạkilanicʼ kana.

2 Korinthiko 13:8

Sạriyakʼtetʼ upạrte jãhãn ektiạri do bạnukʼtalea menkhan sạriyakʼtetʼ lạgitʼ do menakʼtalegea.

Johan 5:19

Onate Jisu do onko mukhiyạkoe metatʼkoa, “Sạrigeń metapekana, Hopon do acʼte cetʼge bae ceka daṛeakʼa. Baba okaṭakʼ kạmikane ńelekan eken onageye daṛeakʼa, ente Baba okae cekae Hopon hõ onageye onkayeda.

Jakob 1:17

Jion reakʼ mimitʼ bhage ar niphuṭ dan do serma khon pheḍ hijukʼ kana, ona do Isor ṭhen khonge hijukʼ kana, ar uni do sanam marsalkoren Baba kanae. Uni do parom calakʼkan umul leka bae pheraokʼa.

2 Patras 3:18

Ape do aboren Probhu Isor ar babańcaoicʼ Jisu Mạsiyakʼ daya ar uni reaṅ akelte hara rakabokʼpe. Ńit ar jaejug hạbicʼ uniyakʼge ṭhonok hoyokʼtae ma. Amen.

Johan 12:24

Sạrigeń metaben kana, guhum jaṅ hasare ńurkate baṅ gocʼlen khan ona do eskarge tahena, menkhan gocʼlen khan do ạḍi utạr gele belekʼa.

Romiko lạgitʼ Pạul Apostolakʼ ciṭhi 7:4

Ṭhik onkage E ińren boehako, Mạsiyakʼ hoṛmo secʼte ar Moseyakʼ ạn-ạri lekate ape hõpe gocʼena. Onate ape do okoe gocʼko khone jiwetʼ beretʼ ocoakan uni Jisu Mạsiren hoṛpe hoyakana, jemon apeakʼ jion do Isor lạgitʼ jo baha daṛeakʼ.

Johan 9:33

Uni do Isor ṭhen khon bae hecʼlen khan honaṅ cetʼge ohoe ceka daṛelea.”

Philipiko lạgitʼ Pạul apostolakʼ ciṭhi 4:17

Jãhãn daniń khojokʼ kana ona do baṅ, menkhan nonkan jogeń asokʼ kana one oka do ape ńutumte doho jarwa idikʼ.

Romiko lạgitʼ Pạul Apostolakʼ ciṭhi 6:22

Menkhan ńitokʼ do kại khonpe sạdhin akante Isorren golampe hoyakana. Onate porho do noage hoyakana, ape dope sonot ocokʼa, ar ona reakʼ mucạtʼ jo do hoyokʼkana jaejug jion.

Aposkạmi 4:12

Kại khon bańcao do ar okoe ṭhen khon hõ oho ńamlena, ente serma latarre, manwako talare nonkan okoege bạnukʼkoa one uniyakʼ ńutumte kại khon bańcao bon ńam daṛeke.”

1 Korinthiko 12:12

Mitʼṭen hoṛmore cetʼleka aema hạṭińko tahen ar ona hạṭińko ḍhergere hõ cetʼleka mitʼṭen hoṛmoge hoyokʼkan, Mạsi hõ ṭhik onkage.

1 Patras 2:4

Nonkan mitʼṭecʼ jiwetʼ dhiri menakʼa one okaṭakʼ do Isore bachao akawan ar one okaṭakʼ do uniyakʼ mẽtʼre ạḍi damanakʼkan, menkhan hoṛko do uniko neṅghao akadea. Mạsigeye hoyokʼ kana ona dhiri do;

1 Korinthiko 12:27

Ape do Mạsiyakʼ hoṛmo kanape, ar mimitʼ hoṛ do ona hoṛmoren hạṭińkoge.

Ephesiko lạgitʼ Pạul Apostolakʼ ciṭhi 5:9

ente sanam lekan bhạlại ar dhorom ar sạriyakʼ kangea marsal reakʼ jo do.

2 Korinthiko 9:10

Cacasicʼ lạgitʼ itạ ar jom lạgitʼ piṭhạ okoeye kulạu juṛạuetʼ, uni do erokʼ lạgitʼ itạ hõe kulạuapea are baḍhao ocoytapea; ar apeakʼ dhorom reakʼ phosole borket ocoytapea.

Kolossiko lạgitʼ Pạul Apostolakʼ ciṭhi 1:6

Noa bhage sombat do goṭa dhạrtire pasnao idikʼkante jokʼ kana ar dinke din baḍhao idikʼ kana. Ar oka hilokʼ noa bhage sombatpe ańjomketʼ ar Isorakʼ daya reakʼ katha sạri mentepe baḍaeketʼ enhilokʼ khon ṭhik onkage ona do ape talare hõ kạmikʼkana.

Romiko lạgitʼ Pạul Apostolakʼ ciṭhi 12:5

ṭhik onkage abo do lekhare bon ḍhergere hõ Mạsire bon mitʼ akante mitʼ hoṛmoge bon hoyakana. Ar abo mimitʼko do eṭakʼkoakʼ hoṛmo hạṭińko kana bon.

1 Korinthiko 10:16

6 Probhu kedokʼ okte gunmanao joharate oka bhoranakʼ bạṭi khon bon ńũi, ona do cetʼ Mạsiyakʼ mãyãmre bakhra seledokʼ leka do baṅkana? Ar okaṭakʼ piṭhạ do kecakʼkate bon jometʼkan ona hõ cetʼ Mạsiyakʼ hoṛmore bakhra seledokʼ leka do baṅkana?

Hosea 4:8

Ińren hoṛkoakʼ kại gunạkʼte onkoakʼ do lab hoyokʼ kana ar ińren hoṛko kại lạgitʼko udgạuetʼkoa.

Mathae 13:21

menkhan onkore mońjte baṅ rehedokʼkante thoṛa ghuṛi lạgitʼko ṭarhao tahen kana. Ar ona katha khạtirte tinre santao ar khedreko paṛaokʼkana unre onko doko pạcokʼkana.