Johan 15:4 - সান্তালী বাইবেল

⁴ Ińre tahenpe ar iń hõ apeakʼ ontorreń tahena. Darkha nạ̃ṛĩre ḍạrko joṛao baṅ tahẽlen khan cetʼ leka apnarte baṅ jokʼ onkage ape hõ ińre bape tahẽlen khan apnarte ohope jo daṛelena.

Santali Common Language New Testament

⁴ Ińre tahenpe ar iń hõ apeakʼ ontorreń tahena. Darkha nạ̃ṛĩre ḍạrko joṛao baṅ tahẽlen khan cetʼ leka apnarte baṅ jokʼ onkage ape hõ ińre bape tahẽlen khan apnarte ohope jo daṛelena.

Johan 15:4 Referans Kwoze

1 Johan 2:6

Noa hotetege bon baḍae daṛeakʼa, abo do uni tulucʼ jopoṛao menakʼ bona mente.

Galathiko lạgitʼ Pạul Apostolakʼ ciṭhi 2:20

Iń do Mạsi tulucʼ iń kurus ocoakana. Onate jiwetʼ do bạnuńa, menkhan Mạsige ińre jiwetʼ menaea. Ar okaṭakʼ hoṛmote jioniń khemaokan ona do Isorren Hoponre pạtiạu hotetegeń khemaoeda. Uni do ińe dulạṛkedeńte acʼ apnartetʼe emena.

Johan 8:31

Ado okoe Jihudikoko pạtiạuade Jisu do onkoe metatʼkoa, “Ińakʼ katha lekape senlen khan sạrige ińren celako kanape.

2 Johan 1:9

Okoe Mạsiyakʼ sikhnạtko taṛam parom ar ona sikhnạtre ṭarhao akae bako tahen, onkoakʼ ontorre Isor do bạnugicʼan. Menkhan okoe ona sikhnạtre ṭarhao akane tahenkan uniyakʼ ontorre do Baba ar Hopon bana hoṛge menakʼkinạ.

Johan 6:56

Okoe ińakʼ jele jom ar ińakʼ mãyãme ńũi uni do ińreye tahẽnkana ar iń hõ unire.

Johan 14:20

Enhilokʼgepe baḍae daṛeakʼa, iń do Babare, ape do ińre ar iń do apere minạńa mente.

Luk 8:15

Ar bhage hasare ńũren itạte do onko lạgitʼge roṛ akana, okoe do khạṭi ar soṛa monte ona katha ańjomkate kajakteko sapʼ dohojoṅ kan ar onare ṭarhao akae tahente jionreko gele belekʼkan.

2 Korinthiko 13:5

Apnarge biḍạu aṭkarokʼpe, Mạsire sạri biswạs menakʼtapea se baṅ. Apnarge biḍạu sạbudokʼpe. Ape do cetʼ bape bujhạueda, Jisu Mạsi do apeakʼ ontorre menaea mente? Ar sạbudokʼre belek mente alope ṭarhaokʼa.

Kolossiko lạgitʼ Pạul Apostolakʼ ciṭhi 2:6

Ape cetʼleka Jisu Mạsi do Probhu Isor mentepe ataṅakade onkage uni tulucʼ mitʼ tahente jion khemaope.

Kolossiko lạgitʼ Pạul Apostolakʼ ciṭhi 1:27

Isor doe khojkana, boṅgan hoṛ jạtrenko talare hõ uniyakʼ noa sạri okoakʼ reakʼ maraṅ ṭhonok cetʼkana mente, ona jemon acʼren sanam hoṛko baḍae daṛeakʼ. Ona sạriyakʼ do noage, Mạsi do apeakʼ ontorre menaete uniyakʼ ṭhonok ńam reakʼpe as akana.

Johan 17:23

Metakʼme iń do onkore, ar am do ińre, jemon nonkate onko do mitʼko hoyokʼ. Onate dhạrtiren hoṛko baḍae daṛeakʼa, amge ińem kol akadińa ar cetʼleka ińem dulạṛedeń kan onkage onko hõm dulạṛetʼkoa.

Hosea 14:8

E Ephrayim, boṅgako sãote amakʼ do jãhãn sompokge bạnukʼa. Ińge amakʼ koejoṅ reakʼ roṛ ruạṛiń emama ar amiń jotonmea. Iń kangeạń soṛa Saro dare do; amakʼ jo do iń khonge hijukʼkana.”

Ephesiko lạgitʼ Pạul Apostolakʼ ciṭhi 3:17

ar biswạs hotete Mạsi do apeakʼ monre purạte girobas akane tahen. Iń do arhoń koeyeda jemon Mạsiyakʼ dulạṛre rehetʼ ar bạisạu akanpe tahen,

Aposkạmi 11:23

Ar Antiokiạren hoṛko Isorakʼ dayako ńamakada menteye ńelketʼ khan Barnabas do ạḍiye rạskạyena. Onko jemon goṭa ontorte Probhu Isorre biswạsko tahen onate uni do sanamkoe sikhạu paṛhaoketʼkoa.

Kolossiko lạgitʼ Pạul Apostolakʼ ciṭhi 1:23

Onate Mạsi reaṅ bhage sombat khon oka sạri aspe ńamakatʼ ona khon alo pharakokʼte pạtiạure teṅgo ṭarhao akae tahenpe. Ona bhage sombat do goṭa dhạrtire lại jạhir akana ar ape do onape ańjom akada. Ar iń Pạul do noa bhage sombatren porcaricʼ iń hoyakana.

1 Thessalonikikko 3:5

Onate iń do tinre bạń sahao daṛeada unre pạtiạu secʼte oka dosare menakʼpe ona baḍae lạgitʼge Timothiń kolledea. Iń doń botorokʼkan tahẽkana, hoedaṛeakʼa Soetan do laloce udukʼakatʼpea ar aleakʼ sanam mehnot do ạuṛiyakʼ akantalea.

Soros sereń 8:5

Acʼren dulạṛiạreye ṭenḍar akan uni hahaṅkar secʼ khon rakapʼ hijukʼicʼ doe okoekana? Apel dare latarreń ebhenketʼmea; amren eṅgam do onḍege bedon rakapʼadete ame janamketʼmea.

Ibriko 10:39

Okoe ruạṛ senkateko maraokʼkan onko dolren dobon baṅkana; menkhan pạtiạukʼte okoe bańcaoko ńam onko dolren kangea bon.

Mathae 12:33

“Noa katha do aṅgocpe je, dare bhagege khan jo hõ bhagege hoyokʼa, ar dare bạṛicʼge khan jo hõ bạṛicʼge hoyokʼa; ente jotege dare do oromokʼa.