Johan 15:1 - সান্তালী বাইবেল

¹ “Ińge sạri darkha nạ̃ṛĩ ar ińren Baba doe mạli kana.

Santali Common Language New Testament

¹ “Ińge sạri darkha nạ̃ṛĩ ar ińren Baba doe mạli kana.

Johan 15:1 Referans Kwoze

Jirimiạ 2:21

Iń do bachao akatʼ itạ khon janamakʼ bhage darkha reakʼ cara lekań rohoeketʼmea; enḍekhan cekate am do bạṛicʼ bir darkha nạ̃ṛĩ dom hoyena?

1 Korinthiko 3:9

ente ale do Isor tulucʼle kạmikana. Ar ape do Isorakʼ goḍa kanape, Isorakʼ benao akan oṛakʼge.

Jesaea 60:21

Unre amren sanam hoṛ do dhoromko hoyokʼa; onko do jaejug lạgitʼ disạmko ạidạrijoṅa. Onko do ińakʼ tite, rohoe akan kahle kanako, onko hotetege ińakʼ mạhima do sodorokʼa.

Jesaea 4:2

Enhilokʼ Probhu Isorakʼ kahle do husnạkʼ ar ṭhonokanakʼ hoyokʼ ar disạm reakʼ jo do Israelren sarecʼ hoṛkoakʼ mạhima ar saj lạgitʼge hoyokʼa.

Johan 6:55

Ińakʼ jel do sạri jomakʼ kana ar ińakʼ mãyãm do sạri ńũiyakʼ kana.

Jirimiạ 12:10

Aema gupiko do ińakʼ darkha bagwanko nosṭo akatʼtińạ ar jaṅgateko lebetʼ gasmanḍao akada; ińakʼ mońj bagwan do ujạṛakʼ ar hahaṅkargeko hoyoco akada.

1 Johan 2:8

Menkhan nõkʼõe okaṭakʼ hukum reakʼ katha ape ṭhen ńitokʼ iń oletʼkan ona do maregere hõ nãwãgea. Noa hukum reakʼ sạritetʼ do Jisu Mạsire ar apeakʼ jionre ńel akana, ente ńut do cabakʼkana ar ona sạri marsal do ńitokʼ jolokʼkana.

Mark 12:1

Ona tayom Jisu do phenko hotete cetʼakoe ehopʼena. Uni doe metatʼkoa, “Mitʼ hoṛ do mitʼṭecʼ darkha bagwane benaoketʼte ona beṛhaeteye eṭetʼ ạcurkada. Ar darkha rasa benao lạgitʼ lelen kunḍe laketʼte mitʼṭecʼ usul oṛakʼe benaokeda. Ona tayom cacasko ṭhen bạisạu oṭokate uni do eṭakʼ disạmteye calaoena.

Mathae 21:33

“Mitʼṭecʼ phen ańjompe. Mitʼṭen oṛakʼ kisạ̃ṛ do mitʼṭecʼ darkha bagwane benaokeda ar ona beṛhaeteye eṭetʼ ạcurkada. Tayomte uni do ona bagwanre lelen kũnḍe la tearketʼte mitʼṭecʼ usul pahra oṛakʼe benaokeda. Ar inạ tayom do cacasko ṭhen onae bạisạu oṭokatʼte acʼ do eṭakʼ disạmteye calaoena.

Hosea 10:1

Israel doe alak balakokʼkan darkha nạ̃ṛĩ kana; onare do ḍher joge sapʼlena. Uni do joko tinạkʼ saṅge idiyentae unạkʼge pinḍko hõe ḍherkeda; ar disạm hõ tinạkʼ sahre idiyentae unạkʼge uni do mońj mońj boṅga khunṭikoe benaokeda.

Johan 6:32

Jisu do onkoe metatʼkoa, “Sạrigeń metapekana, serma khon oka piṭhạpe ńamletʼ ona do Mose hõ bae emakatʼpea, menkhan ińren Babage sạri piṭhạ serma khone ematʼpe tahẽkana.

Luk 13:6

Ona tayom Jisu do cetʼako lạgitʼ noa kathae metatʼkoa: “Mitʼ hoṛakʼ darkha bagwanre mitʼṭecʼ loa dare rohoe tahẽkana. Mitʼ din uni hoṛ do hecʼkate joe ńam baṛakeda menkhan bae ńamleda.

Mathae 20:1

“Serma raj do mitʼṭen oṛakʼ kisạ̃ṛ lekana, one okoe do acʼakʼ darkha bagwanre kạmiyạko lagaoko lạgitʼ paha poho jokhecʼ bahreteye oḍok calaoen.

Soros sereń 7:12

Dela, ạḍire laṅ beredokʼa ar darkha bagwante laṅ bolokʼa, onḍe darkha nạ̃ṛĩ bhoṭogokʼ kana se baṅa, onare baha do saṛ akana se baṅa, ar ḍạlim bahako baha akana se baṅa ona laṅ ńela; ar iń do onḍege ińakʼ dulạṛiń emama.

Sakariạ 3:8

E Maraṅ naeke Josuạ, am do ańjomme ar am samaṅre duṛupʼakan amren sãoten naeke hõko ańjomma. Iń okaṭakʼ kahle metakʼme ińren gutiń ạguiye unigeye hoyokʼa naekeko reakʼ cinhạ do.

Johan 1:9

Unige sạri marsal do, one okoe mimitʼ manwako marsale emakokan, uni do dhạrtiteye hecʼlena.

Johan 1:17

Mose hotete ạn-ạriko em hoylena, menkhan daya ar sạriyakʼtetʼ do Jisu Mạsi hotetege hecʼakana.

Jesaea 61:3

jemon Sionre okoeko hirdạukʼkan onkoakʼ bohokʼre torocʼ bodolte abhraniń emako; hirdạukʼkan bodolte rạskạ reakʼ sunum ar as chuṭạukʼ akan bodolte sarhaoe reakʼ kicricʼ iń em daṛeako. Onko do dhorom reakʼ elon dareko ńumogokʼa; Probhu Isorge ona doe rohoe akada jemon onko hotete acʼakʼ mạhima sodorokʼtae.

Jeheskel 19:10

“ ‘Amren eṅgam do dakʼ aṛere rohoe akan mitʼṭecʼ darkha nạ̃ṛĩ lekanae; aema dakʼe ńametʼ tahẽkante onare do ḍạr perecʼ jo tahẽkana.

Mathae 15:13

Uniye roṛ ruạṛatʼkoa, “Sermaren ạpuń bae rohoe akatʼ mitʼke mitʼ poha do totʼ giḍi ocokʼa. Onate onkoakʼ katha do bạgiyakʼpe.

Johan 15:2

Ińre okako ḍạr baṅ jokʼ onako doe getʼ giḍikakʼa, ar oka ḍạrko jokʼkan onako doe kamana jemon arhõ bạ̃ṛti jokʼ.

Romiko lạgitʼ Pạul Apostolakʼ ciṭhi 11:17

Jodi ona jạitun dare reakʼ adom ḍạrko rạputʼ giḍikate onare am lekan bir jạitun dare reakʼ ḍạrko kolom mitʼlen khan am do asol jạitun dare reakʼ rehetʼ khon ros hatao joṅme,