Johan 14:31 - সান্তালী বাইবেল

³¹ Menkhan noa do hoyokʼ kana jemon hoṛkoko baḍae daṛeakʼ je, iń do Babań dulạṛede kana ar Baba cetʼ lekae hukum akadiń onkage jotowakʼ iń kạmikana. Ma beredokʼpe, dela nonḍe khon bon calakʼa.

Santali Common Language New Testament

³¹ Menkhan noa do hoyokʼ kana jemon hoṛkoko baḍae daṛeakʼ je, iń do Babań dulạṛedekana ar Baba cetʼ lekae hukum akadiń onkage jotowakʼ iń kạmikana. Ma beredokʼpe, dela nonḍe khon bon calakʼa.

Johan 14:31 Referans Kwoze

Johan 10:18

Okoe hõ ińakʼ jiwi iń khon do bako rejeńa, menkhan iń do ińtegeń alaeyeda. Iń do jiwi alae reakʼ ektiạri menakʼtiń arhõ jiwi hatao ruạṛ reakʼ hõ ektiạri menakʼtińạ. Noa dạyik do ińren Baba ṭhen khoniń ńamakada.”

Philipiko lạgitʼ Pạul apostolakʼ ciṭhi 2:8

Ona chaḍa manwa rup hataokate gujukʼ hạbicʼ, metakʼme kurusre gujukʼ hạbicʼe bataoketʼte uni do nindhạngeye tahẽyena.

Johan 12:49

ente iń do apnarte cetʼge bạń roṛakada, menkhan okoeye kol akadiń uni Babageye hukum akawạdińạ cetʼko roroṛ hoyokʼ tińạ mente.

Johan 4:34

Unre Jisui metatʼkoa, “Okoeye kol akadiń uniyakʼ sanaleka calakʼ ar uniyakʼ kạmi purạutaege hoyokʼ kana ińakʼ jomakʼ do.

Luk 12:50

Iń do mitʼṭecʼ bạptisma ataṅ hoyokʼtińạ ar ona ạuri purạukʼ hạbicʼ ińakʼ duk do baṅ cabakʼtińạ.

Johan 15:9

Baba cetʼlekae dulạṛ akadiń ińhõ onkage apeń dulạṛakatʼpea. Ińakʼ dulạṛre tahenpe.

Sereńko 40:8

E ińren Isor, amakʼ sana leka calakʼge ińakʼ rạskạ do; ar amakʼ sanam hukumko do ińakʼ ontorre menakʼa.”

Johan 18:11

Noa iạte Jisu do Patrase metadea, “Tarwaṛe do khapre bhoraokakʼme. Baba oka duk reakʼ bạṭiye emakawạdiń ona do cetʼ bạń ataṅa?”

Johan 12:27

Ińakʼ jiwi do ńitokʼ khad badaokʼkan tińạ. Iń do cetʼ niạ kathageń mena, ‘E Baba, noa ghuṛi khon de bańcaoiń me?’ Menkhan niạ lạgitʼge coṅ noa okte hạbicʼ mań hecʼakana.

Mathae 26:39

Khan laha ńokʼ senkate uni doe taberena ar koeketʼteye menkeda, “E Baba, hoedaṛeakʼ khan noa duk reakʼ bạṭi do iń khon pharakokʼma. Enhõ ińiń menjoṅkan leka do baṅ, bickom amakʼ sana lekage baṛe hoyokʼma.”

Mathae 26:46

Ma beretʼpe, dela bon calakʼa. Ńelpe, bạirikoakʼ tire okoeye soprotiń uni doe seṭerena.”

Jesaea 50:5

Probhu Isor do ińakʼ luture jhicʼ akatʼtińạ ar iń doń batao akatʼtaea, ar bạń pạc ruạṛ akana.

Johan 13:1

Sen-parom porob thoṛa laha reakʼ ghoṭna. Jisu do noa dhạrti bạgikate Baba ṭhen calakʼ reakʼ okte seṭer akana menteye bujhạu daṛeatʼ tahẽkana. Ar dhạrtire okoeko acʼren hoṛko tahẽkan onkoe dulạṛetʼko tahẽkana ar mucạtʼ hạbicʼe dulạṛketʼkoa.