Johan 14:27 - সান্তালী বাইবেল

²⁷ “Iń do ape lạgitʼ suluk iń doho oṭokakʼ kana, ińakʼ sulukge apeń emape kana; dhạrti cetʼ lekae emokʼkan onka do bạń emokʼ kana. Apeakʼ ontor do alo khad badaokʼtapema ar monre botor hõ alo tahentape ma.

Santali Common Language New Testament

²⁷ “Iń do ape lạgitʼ suluk iń doho oṭokakʼ kana, ińakʼ sulukge apeń emape kana; dhạrti cetʼ lekae emokʼkan onka do bạń emokʼ kana. Apeakʼ ontor do alo khad badaokʼtapema ar monre botor hõ alo tahentape ma.

Johan 14:27 Referans Kwoze

Philipiko lạgitʼ Pạul apostolakʼ ciṭhi 4:7

Ona iạte, Isorakʼ okaṭakʼ suluk reakʼ katha manwa do hudiskate hõ bako bujhạu daṛeakʼkan, ona suluk do Mạsi Jisu hotete apeakʼ mon ar ontore rukhiyạitapea.

Johan 16:33

Iń do noakoń lạiyatʼpea jemon iń tulucʼ mitʼ akanpe tahente monre sulukpe ńam. Noa dhạrtire ape do harkhet ar sasetre menakʼpea, menkhan khạtirokʼpe; ińge dhạrti doń jitạuakada.”

Jesaea 41:10

Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.

2 Thessalonikiko 3:16

Sulukren Probhu Isor do acʼge sanam okte jotowakʼre suluke dan ape ma. Probhu Isor do ape sanamko tulucʼe tahenma.

Kolossiko lạgitʼ Pạul Apostolakʼ ciṭhi 3:15

Mạsi okaṭakʼ suluke emokʼkan ona sulukge apeakʼ ontorre tahente ape mimitʼkoe ạyurpema. Sulukre tahen lạgitʼge coṅ sanamko mitʼ hoṛmorepe hoho ocoakana. Ar ape do gun manaoko baṛe hoyokʼpe.

2Timothi 1:7

Ente Isor do ḍurukiạ jiu do bae emakatʼbona; bickom nonkan jiugeye emakana, one unire do daṛe, dulạṛ ar apnar sambṛaokʼ reakʼ ektiạri menakʼ.

Romiko lạgitʼ Pạul Apostolakʼ ciṭhi 15:13

Okoe ase dan abonkan uni Isor do apeakʼ biswạs hotete asambheṛ rạskạ ar sulukteye perecʼpema. Enḍekhan sonot Jiu reakʼ daṛete apeakʼ ontor reakʼ as do sareṛokʼtapea.

Numeri 6:26

Probhu Isor do acʼakʼ mẽtʼãha am secʼe samaṅma ar suluke dohoam ma.’

Romiko lạgitʼ Pạul Apostolakʼ ciṭhi 8:6

Kại okae khojkan ona reakʼ monejoṅakʼ do moron kana, ar sonot Jiu reakʼ khojogokʼ leka senokʼ do jion ar sulukge.

Jirimiạ 1:8

Onko do alom botorakoa, ente iń Probhu Isorge amiń rukhiyạmea ar am sãotegeń tahena.”

Galathiko lạgitʼ Pạul Apostolakʼ ciṭhi 1:3

Isor Baba ar aboren Probhu Jisu Mạsi do daya ar suluke danape ma.

Galathiko lạgitʼ Pạul Apostolakʼ ciṭhi 5:22

Menkhan sonot Jiu reakʼ jo do, dulạṛ, rạskạ, suluk, sobori, susṭob, bhạlại, pạtiạr,

Sereńko 29:11

Probhu Isor do acʼren hoṛko daṛeye jogao akokana; ar suluke dan akokanteye bhorako kana.

Romiko lạgitʼ Pạul Apostolakʼ ciṭhi 5:1

Biswạs hotetege bon dhorom ocoakana ar ona iạtege Probhu Jisu Mạsi hotete Isor ar abo talare suluk do hoyakana.

Johan 14:1

“Apeakʼ mon do alo khad badaokʼtape ma. Isorre pạtiạukʼpe ar ińre hõ pạtiạu akae tahenpe.

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

Sereńko 112:7

Jãhãn bạṛicʼ khobor ańjomkate bae botorokʼa; uniyakʼ mon do khạtirgea ar Probhu Isorreye bhorsa akana.

Romiko lạgitʼ Pạul Apostolakʼ ciṭhi 5:10

Abo do Isorren bạiri bon tahẽkanre acʼren Hoponakʼ gujukʼte uni tulucʼ bon samge ocoakana. Ar nonkage bon samge ocoakante Mạsiyakʼ jionte khạṭige kại khon bańcao bon ńama.

Johan 20:21

Jisu do arhõe metatʼkoa, “Suluk ape ma. Baba cetʼleka ińe kol akadiń onkage iń hõ apeń koletʼpea.”

Sereńko 56:11

iń do uni cetanregeń bhorsakʼ kana; ar bạń botorokʼa, manwa do cetʼe cekayiń baṅ?

Sereńko 91:5

Ńindạ reakʼ muhin ar din reakʼ toras do bam botorakʼ kana;

Kolossiko lạgitʼ Pạul Apostolakʼ ciṭhi 1:20

Ona chaḍa dhạrtirege cetʼ ar sermarege cetʼ, Mạsi hotete jotowakʼge acʼ tulucʼ samge ocoy lạgitʼe goṭaleda. Mạsi do kurusre acʼakʼ mãyãme danketʼte suluke ạguketʼa ar onate Isor tulucʼ manwakoakʼ noa samge do hoyakana.

Romiko lạgitʼ Pạul Apostolakʼ ciṭhi 1:7

Rom nagraharen okoeko hoṛ do Isore dulạṛetʼko ar acʼren hoṛ hoyokʼ lạgitʼe hohoakatʼko, onko sanamko ṭhen, metakʼme ape ṭhenge iń do noa ciṭhiń oletʼkana. Aboren Isor Baba ar Probhu Jisu Mạsi doe mãyã apema ar suluke dan apema.

Jesaea 54:13

Amren sanam hoponko do Probhu Isor hoteteko cetʼ ocokʼa ar amren hoponkoakʼ bhạlại hoyokʼa.

Sereńko 85:10

Asambheṛ dulạṛ ar pạtiạr dokin ńapam midokʼa; dhorom ar suluk dokin cokʼ joṅa.

1 Korinthiko 1:3

Aboren Isor Baba ar Probhu Jisu Mạsiyakʼ daya ar suluk do ape sanamko tulucʼ baṛe tahenma.

Sereńko 56:3

Botor rakapʼạńre iń do am cetanreń bhorsakʼ kana.

Johan 20:19

Ado enhilokʼge, hapta reakʼ pạhil din ạyupʼ jokhecʼ celako do Jihudi mukhiyạko botorte duạr sińkate mitʼ ṭhenko jarwa akan tahẽkana. Unre Jisu do hecʼkate onko talare teṅgoyenteye metatʼkoa, “Suluk apema.”

2 Thessalonikiko 1:2

Isor Baba ar Probhu Jisu Mạsi do daya ar suluke dan apema.

Aposkạmi 10:36

Isor do Israelko ṭhen noa bhage sombate kolletʼ tahẽkana je, Jisu Mạsi, one okoe do sanamkoren Probhu Isorkan, uni hotetege suluk do ńamokʼa mente.

Luk 2:14

“Sermare Isorakʼ ṭhonok dhạrtire suluk, manwakore kusi.”

Luk 1:79

jemon ńut ar gujukʼ umulreko duṛupʼ akan Onko do marsale emako, ar suluk reakʼ horteye ạyur idi bon.”

Ibriko 13:20

Oka mãyãmte sulukren Isorakʼ jaejug bondobos doho akan ona hotete Isor do aboren Probhu Jisu Mạsi, metakʼme bhiḍikoren maraṅ gupiyicʼ do gocʼko khone jiwetʼ beretʼkedea.

Aposkạmi 18:9

Mitʼ din ńindạ jokhecʼ Probhu Isor do mitʼṭecʼ dorson hotete Pạul noa kathae metadea, “Alom botorokʼa, katha roṛ iditege tahenme, alom thir hapekokʼa;

Mathae 10:26

“Onate hoṛko do alope botorakoa, ente danaṅ reakʼ sanamakʼ do sodorokʼa ar oko reakʼ joto do baḍaeyokʼa.

Jesaea 55:12

Ape do rạskạ salakʼ bahretepe calakʼa ar suluktepe idi ocokʼa. Buru ḍuṅgriko do am samaṅre ãṭ aṛaṅteko sereńa ar ṭạnḍi reakʼ dareko doko thayoea.

Sereńko 27:1

Probhu Isorge ińakʼ marsal ar ińren babańcaoicʼ, Iń do okoeyiń botoraea? Probhu Isorge ińakʼ jion reakʼ gaṛ do, ar okoe ńelte botorteń thar tharaokokʼa?

Johan sodor 2:10

Am do okako dukem jom lạgidokʼkan onate thoṛa hõ alom botorokʼa. Ańjomme, Soetan do ape modren adomko biḍạupe lạgitʼ hajotreye bhoraopea, ar gel din hạbicʼ ape do kosṭope joma. Am do gujukʼ hạbicʼ pạtiạr akae tahenme, enḍekhan jitạukʼ reakʼ mala leka jioniń emama.

Johan sodor 1:4

Iń Johan do Ạsiạ reakʼ eae goṭecʼ manḍerko ṭheniń oleda. Okoe menae, okoeye tahẽkan ar okoeye hijukʼkan uni ar uniyakʼ siṅghạson samaṅre okoe eae goṭen Jiuko tahenkan, onko ar Jisu Mạsi do daya ar sulukko dan apema.

Ibriko 7:2

ar Abraham do joto jinisko reakʼ gel hĩs khon mitʼ hĩs do uniye emade tahẽkana. Melkisedek reakʼ mane do hoyokʼ kana dhoromren raj. Ar Melkisedek do Salemren hõ raje tahẽkana, ar ona reakʼ mane do hoyokʼ kana sulukren raj.

Johan 20:26

Ado niạ mitʼ hapta tayom celako do arhõ oṛakʼ bhitrire mitʼ ṭhenko jarwayena, ar Thoma hõ onko sãoteye tahẽkana. Unre silpińko sińge tahẽkanre hõ Jisu do hecʼkate onko talare teṅgoyenteye metatʼkoa, “Suluk ape ma.”

Jeheskel 2:6

Menkhan E manwa hopon, am do onko ar onkoakʼ kathate alom botorokʼa. Onko do seṅgel siń ar jạnumko leka am beṛhaeteko tahẽlenrehõ ar kidiń kaṭkom talare menamre hõ am do alom botorokʼa. Onko ńelte se onkoakʼ katha ańjomte hõ alogem botorokʼa; ente onko do huhul jạtrenko kanako.

Sereńko 28:3

Okoeko phạsiạrage, ar okoe do bạṛicʼakʼko kạmikan ar okoe jotoko tulucʼ bhageko roṛetʼkan menkhan ontorre bạṛicʼakʼ menakʼtako, onko sãote sạjạiyiń lạgitʼ do alom or seledińạ.

Daniel 4:1

Nebukadnesar raj do dhạrtiren sanam jạtrenko, disạmrenko ar pạrsiren hoṛko ṭhen noa sombate kolkeda: Apeakʼ bhạlại hoyokʼtapema.

Kạhtukko 3:25

Ar ackage muhin hecʼlenre alom botorokʼa, ar bạṛicʼ hoṛkoakʼ ḍahao maraokʼ ńelte hõ alom botorokʼa;

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sekʼwako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”

Galathiko lạgitʼ Pạul Apostolakʼ ciṭhi 6:16

Okoe hoṛ noa ạn lekateko calakʼkan onkore, metakʼme Isorren sạri Israelko uni do suluk ar mãyãe dan akoma.

Luk 10:5

Ar jãhãṭakʼ oṛakʼtegepe bolokʼ pạhil do menpe, ‘noa gharońjrenko suluk apema.’

Sakariạ 6:13

Hẽ, unige Probhu Isorakʼ oṛakʼe benaoa. Uni do rajakʼ manote emocokʼa ar acʼakʼ siṅghạsonre duṛupʼkateye ḍanṭaokoa. Uni do mitʼṭecʼ naeke lekate siṅghạsonreye duṛupʼa ar onate noakin banar hudạ talare begartetʼ do baṅ tahena.’

Jesaea 57:19

Onko do onateko mena, ‘sor ar sạṅgińren sanamko lạgitʼge suluk baṛe hoyokʼma.’ Iń Probhugeń meneda, onko do ińgeń bogekoa.”

Sereńko 72:7

Uniyakʼ rajokʼre Isor botoraeko do bạ̃ṛti bhor jemonko ńam; ar tinạkʼ din ńindạ candoe tahen unạkʼ din onkoakʼ jion do bhạlạiyte perejokʼ takoma.

Luk 12:4

“E gateko, ińiń metapekana, hoṛmo gogocʼko ar ona tayom bạ̃ṛti jãhãnakʼ baṅ ceka daṛeakʼko do alope botorakoa.

Jesaea 41:14

E am tejo Jakob, alom botorokʼa; ińge amiń goṛowama. Iń Probhu Isor do amren babańcaoicʼ Israelren uni sonoticʼge niạ katha doń meneda.

Daniel 6:25

Inạ tayom Darjawes raj do sanam jạtrenko, disạmrenko ar pạrsiren hoṛko ṭhen niạ kathae olkeda: “Apeakʼ bhạlại hoyokʼtape ma!

Jesaea 12:2

Sạriyakʼren, Isorge ińren babańcaoicʼ do; iń do uniregeń bhorsakʼkana, ar bạń botorokʼa. Probhu Isorge, ińakʼ daṛe ar ińakʼ sereń; ińren babańcaoicʼ doe uni kangea.”

Sereńko 11:1

Iń do Probhu Isorrege asrayiń hatao akada. Cedakʼpe meneda, “Cẽṛẽ leka uḍạukʼte apeakʼ burute dạṛjoṅpe?”

Jobakʼ 34:29

Hape akane tahẽlenre hõ okoege uni do bako dusi daṛelea; Mocae jhicʼletaere hõ uni do celege bako ńel ńamea. Enhõ uni do manwa ar jạtrenko cetanreye tahẽnkana,

Rak̕joṅ 3:17

Suluk do iń ṭhen khon sạṅgiń akana; ar bhạlại doń hiṛiń akada.

Sereńko 72:2

jemon amren hoṛko dhoromteye bicạr daṛeako ar santao ocokʼkanko hõ hok reakʼe bicạrkatako.

2 Bõsbudạ 20:30

Onate Jehosaphat raj do sulukteye tahẽyena, ente uniren Isor do sanam secʼtege suluke emade tahẽkana.